قبل لا تقرواْ صلواْ على رسول الله💚
__________
الحلقه السابعه و العشرون...(27)
بسمه: خلاص معناها من بكره الصبح
ننزلك بدري و أنديروه مع بعضنا
غالية: خلاص تمام
باب الحوش🚪🚪
محمد صبى: ايواا جاي
و عدى محمد شور باب الحوش وفتحه
و قابلوه نعمه و يامن
محمد تفاجأ: مرحبتين محربتين الحمدالله
ع سلامه😄
بسمه و غالية🤔
محمد: خشو خشو تفضلو
نعمه و يامن: الله ايسلمك
و خشو
بسمه شافتهم صبت ابـ سرعه
بسمه😍: خويلة حبيبتـي الحمدالله سلامه
و قربت شورها و اضبطتها
نعمه😄: الله ايسلمك ياربي
بسمه: يامن الحمدالله ع سلامه
يامن: الله ايسلمك
غالية😀: خشو خشو تفضلو
نعمه: لا واللهي مانه امطولين أول ما نزلنا
من المطار حطينه حاجتنا فـ الحوش و جينا
هنا دغري
غالية: غير واللهي خشو تعالو افطرو امعانا
نعمه: واللهي امسيبين الحاج ابـ روحه فـ الحوش
بسمه: خويلة عشان خاطري خشو حتى خمس دقايق
محمد: خشي يا خالتي تفضلو تفضلو
نعمه: باهي كيف ما تبو
و خشو نعمه و بسمه و غالية جوا الحوش
و محمد قعمز هدرز مع يامن أشوية و بعدين
ستأذن منه عشان يبي يطلع و يامن قاله خوذ راحتك
محمد خش جوا
محمد اينادي: سوما سوما
بسمه: ايوا
و طلعت للسقيفه
بسمه: نعم
محمد: حبي أنا طالع انشيل منصور
للروضه علي ما عدت خالتك و بعدين
أنرد ناخذك بيش نمشو للمستشفى
بسمه: خلاص حبيبي تمام
محمد: أسمعي يامن برا ديريله قهوه
بسمه: باهي حاضر
محمد: تعالي
و قرب محمد شورها و حبها من فم..
محمد و بسمه💋💚
محمد: باي👋💚
بسمه: بااي👋💚
طلع محمد وبسمه خشت شور المطبخ
أدير في قهوه
....................
عند أميرة و كمال
نزلو من المطار و خذو تكسي و عدو
شور الفندق بعد أشوية و صلو نزلو
دبشهم و خشو للفندق أجرو غرفة و ركبو
خشو و خششو دبشهم و اقعدو اينضمو في حاجتهم
......................
عند بسمه
دارت قهوه و عطت عمتها و خالتها
و خذت سفرة و طلعت شور الجنان
......................
عند يـامن
كان امقعمز و ايبربش فـ الفون علي جيت
بسمه
بسمه😊: اهلاً
يامن😊: اهلين
بسمه مدتله فنجان القهوه
يامن مد يده و خذى الفنجان
يامن: صحيتي
بسمه: سلمك
يامن شافلها: بسمه فاضيه
بسمه: كنك تبي حاجه
يامن: نبي نحكِ أمعاك في موضوع
بسمه كرت الكرسي و قعمزت
بسمه: شنو احكِ
يامن قعد ايبحت فيها و ساكت
بسمه بـ ستغراب: يامن احكِ شن في
يامن: زينب
بسمه🙁
يامن😔: كيف حالها شن دايرة
بسمه: الحمدالله قاعده
يامن: نبيك تخدميني خدمه مش ح
ننساها لكِ طول عمري
بسمه: شنو هي
يامن: نبي نحكِ امعاها و نبي نعتذر
منها علي كل يالي صار ، لأن حتى رقمها
القديم خارج الخدمه أول ما نزلت من المطار
رنيت عليها
بسمه: اهاا هي غيرت رقمها
يامن: باهي عطيني رقمها الجديد
بسمه: تبي نصيحتي احكِ أمعاها وجه
لوجه خيرلك حتى تقدر أتفهمها أحسن
يامن: باهي وين نبي انطق فيها أنا
بسمه: أنا وهي نشتغلو في مستشفة محمد
عديلها فـ المستشفى
يامن: باهي ميه ميه ، عطيني عنوانها المستشفى
و اقعدت بسمه اتوصفله فـ المستشفى و بعد أشوية
طلعت نعمه روح بيها يامن للحوش ابـ سرعه و علق
هو شور المستشفى
أما بسمه أشوية و جاها محمد خذاها و عدى
هو وياها للمستشفى
......................
عند أميرة
كانت فـ الحمام ادوش طلعت وخشت
للدار لقت كمال امقعمز ع سرير
أميرة قربت الكرسي و قعمزت امقابله كمال
أميرة حطت يدها علي يده
أميرة: حبيبي
كمال رفع راسه و بحت فيها
كمال: نعم
أميرة: كنك حسيتك مش متريح
كمال: ما كني شي الجو تمام
أميرة: أنت مضايق لأن نحن ردينا
كمال ساكت
أميرة: باهي ليش ما مشينا الشقتنا
كمال: كيف نمشولها و نحن ما نندروش
الشقه شن صار فيها
أميرة: باهي ليش ما مشينا طول الهلي
و الهلك
كمال صبى و ابـ صوت عالي: يعني مصره تعرفي
إنِ ماعنديش وجه أنشوفهم ، مزلت مش مستعد
انواجهم ، مش مستعد انواجه خويا ولا مرات خويا
ولا أمي و باتك ولا أمك كيف تبيني نمشيلهم
و أنا في نظرهم الحقير النذل كيف بس كيف
أميرة صبت شوره ابـ سرعه
أميرة😢: خلاص حبيبي آسفه مش قصدي
و ربي ما قصدي ، خلاص دير يالي ايريحك
و أنا مش ح ندخل بكل
كمال حول يد أميرة من عليه وطلع برا الدار
أمير🙁💔
......................
عند زينب
كانت امقعمزة في مكتبها و تشرب في
قهوه علي دقت باب المكتب
زينب صبت اتصب فـ ميه من الثلاجه
و عطت باب المكتب بـ ظهرها
زينب: تفضل
افنتح باب المكتب و زينب مزالت بارمه وجها
يامن خش و سكر الباب و قعمز بدون ولا صوت
زينب برمت وهي تشرب فـ مية وبعد شافت
يامن فلتت الطاسه من بين ايديها و طاحت ع الأرض
زينب ابـ صوت يرعش: يـامن💔
يامن ساكت و مش قادر يحكِ ولا حاجه
زينب: أنت فيش ادير هنا و امتى جيت كيف جيت
يامن: قعمزي و خلينا نحكو و خليني أنفهمك
زينب: هه😏 أتفهمني شن تبي أتفهمني
و منين تبي تبدي ، من تسييبتك ليا و سفرتك
بدون مقدمات ولا السنين يالي قعدتهن بدونك
ولا شنو ولا شنو ، شن تبي اتفهم ما أتفهم
يامن: زينب ...
زينب صبت: اطلع برا
يامن😳
زينب: مانبيش نسمع منك ولا كلمه ، اطلع برا
يامن صبى بدون ولا كلمه طلع و طربق باب
المكتب في جرته
زينب قعمزت و حطت ايديها على وجها
و اقعدت تبكي
زينب😭💔
....................
عند بسمه
كان عندها أشوية شغل كملاته
و صبت عدت شور مكتب زينب
بسمه دقت ع باب: زوبة
زينب ابـ صوت واطي: تعالي
بسمه فتحت الباب و خشت قابلتها
زينب و جرتها باكيه
بسمه ابـ خوف: زينب كنك عليش باكيه
و قربت شورها ابـ سرعه
زينب😭: يامن جاني و أنا لزيته
بسمه: اسسسس خلاص اهدي حبيبتي
زينب😭💔
بسمه اقعدت اتهدي فيها و تمسحلها في دموعها
و بعد أشوية خشت الممرضة و قالت للـ بسمه
أن عندها مُراجع
بسمه: أسمعي اليون محمد ماسك توكه
تعالي باتي امعايا فـ الشقه و انقعمزو
انهدرزو على راحتنا تمام
زينب هزت راسها يعني باهي
بسمه: هيا أنا طالعه عندي مُراجع
زينب: تمام
وحبت بسمه زينب على خدها و طلعت
شور مكتبها و زينب اقعدت امقعمزة أشوية
و بعدين ردت العملها
.......................
مشى الوقت
فـ ليل تحديداً عند أميرة و كمال
أميرة كانت اتوكل في أحمد جا كمال
و قعمز جنبها
كمال: حلو مزال زعلان مني
أميرة😊: لالا
كمال ضحك و قرب حبها علي خدها
كمال: أنحبـك💚
أميرة: وربي حتـى أنا أنحبـك💚
كمال: بكره الصبح نمشو الهلك
أميرة😍: قول واللهي
كمال: واللهي العظيم نمشولهم و بعدين
نمشو الهلي و يالي يبي ايصير ايصير
أميرة: تمام😍
كمال: رقدي حمادي و تعالي نبيك🤤
أميرة☺️: شن تبي فيا
كمال😉
أميرة: تمام😂
كمال😂
وصبى شور الدار أميرة كملت توكيل
ولدها و غسلتله و بدلتله أدبشه و رقداته
و عدت دوشت و بدلة دبشها و حطت ميك آب
و بخت عطرها و عدت شور الدار عند كمال
و خشت و سكرت الباب و ..... جزء من النص مفقود
......................
عند بسمه
زينب دوبها جتها داراً قهوه و قعمزاً
ايهدرزاً و هدرزتلها زينب كل يالي صار
مع يامن
بسمه: ليش ما خلتيه يحكِ و ايقولك يالي
في خاطره مرات مبرراته تقنعك
زينب: هه شن هنا مبررات غياب خمس سنوات
يا بسمه مافيش أي عذر يغفرله يالي داره
بسمه: وربي عارفه يا قلبي ، لكن بيش إنتِ
اتريحي و هو ايتريح كنتو سمعتو بعضكم
و كل حد قال يالي في قلبه
زينب💔
بسمه سكتت أشوية و بعدها
بسمه: أسمعي خليني نمشي نطلب حاجه
من المطعم و انجي انكملو كلامنا
زينب: تمام ، أسمعي
بسمه: نعم
زينب: نصوري وين
بسمه: خذاته عمتي عند حنه
زينب: اهاا
و عدت بسمه خذت فونها و خشت للمطبخ
حطت على رقم يامن و رنة و قالتله ايجيها
فـ الحوش ضروري بكككل
سكرت بسمه وخذت مفتاح الحوش و طلعت
هدرزت مع زينب أشوية و دق باب الحوش بسمه
ستأذنة من زينب و قالتلها تبي تنزل تفتح الباب أكيد الديلفري وصل نزلت بسمه ابـ سرعه فتحت الباب
لقاته يامن
يامن و هو داهش: كنك شن في خوفتيني
بسمه ابـ خوف: تعال فوق للشقه ابـ سرعه
يامن: تي كنك شن في
بسمه ركبت تجري و يامن ركب في جرتها
ابـ سرعه و هو مزال مش فاهم شي
بسمه ركبت فوق سطاح و يامن يحسابها خشت
للشقه ، وصل للشقه خش ابـ سرعه نزلت بسمه
و سكرت باب الشقه على يامن و زينب
زينب😳
يامن😳
واقعدو ايبحتو في بعضهم أشوية و بعدها
زينب😳: أنت فيش ادير هنا
يامن: بسمه كلمتني قالتلي تعال نبيك ضروري
فجأة سمعو صوت الباب اسكر بـ المفتاح
طول عرفو أن بسمه درات هكِ عشان تبي
تجمعهم و يقعدو مع بعضهم
اقعدو أشوية امصبيين و بعدين قرب يامن
شور زينب
يامن: نقدر نحكِ أمعاك أشوية
زينب هزة راسها يعني عادي
قعمزت زينب و جا يامن و قعمز امقابلها
و اقعدو الأثنين ساكتين
زينب😔: عليش مشيت و سيبتني
يامن😔: كنت مضطر
زينب: وشن يالي خلاك تضطر ، لو كان
على سبه مرض باتك هذي مش سبله
عشان اتسيبني و اتسافر و حتى قول ما قتليش
يامن سكت أشوية و بعدها
يامن: نحن ما سفرناش عشان باتي مريض
زينب: ؟؟؟؟؟
يامن: أنا يالي كنت مريض
زينب: مريض شنو ؟
يامن: سرطان دم😔(عفانا و عفاكم الله)
زينب😳😱
يامن😔: بعد اكتفشت المرض و عرفت
أن هنا ما عندناش علاج طول باتي قرر
نطلعو برا عشان ناخذ العلاج ما حبيتش
أنقولك و نقهرك بـ الخبر كيف ما أنقهرو
باتي و أمي
زينب أعيونها امتلو أدموع: بس لو كنت قتلي
ما كنتش ح انسيبك ابـ روحك🥺
يامن: لأنِ كنت عارفك أنك مش ح اتسيبيني
ما قتلكش ، ما كنتش نبيك تنقهري عليا
ولا كنت نبيك تتعبي في جرتي ولا اتفكري فيا
قلت أنسافر بدون ما أنقوللها أهون ، بالك تنساني
و ايجيها النصيب يالي أحسن مني
زينب🥺: بسمه كانت تعرف
يامن: لالا محد كان يعرف خاطي باتي و أمي
زينب: باهي و توا 🥺
يامن: خذيت علاج لمدة سنتين و الحمدالله
تعافيت بس المرض كان مصر عليا و رد من جديد
بعد 9 شهور و رديت للعلاج من جديد و الحمدالله
تخلصت منه بس ما قدرتش أنرد نين أنرد كيف
قبل بـ صحتي و شكلي الأول لأنِ ما كنتش نبي
حد يعرف ، بس بعد شفتك عرفت روحي إنِ مزلت
أنحبـك و ما أنسيتكش بككككل طول هـ الفترة
و إنتِ امعايا في عقلي و قلبي
يامن🥺💚
زينب🥺💔
يامن صبى و زينب صبت و اقعدو ايقربو من بعضهم
بـ شوية بـ شوية نين وصلو عند بعضهم و اضبطو
بعضهم بـ القوووووووووة
زينب😭💚
يامن😢💚
......................
صباح يوم جديد
تحديداً عند أميرة و كمال
أميرة ماسكه ولدها و أتشوف الـ كمال
أميرة: دق😣
كمال: متأكدة
أميرة هزت راسها يعني اهاا
كمال رفع يده و دق ع الباب حوش خاله
دق دق دق دق
عبدالمهيمن ابـ صوت عالي: ايواا جاي
كمال و أميرة😩
عبدالمهيمن: ايوا
و فتح الباب قابلوه أميرة و كمال
عبدالميهمن😳
.
.
.
.
.
.
يتبع ..
كل حد ايقول توقعاته للحلقات الأخيرة
و فضلاً و ليس أمراً كل حد ايعلق بـ رايه
أو توقعه😊💚
أودي الفرجاني💚
