Unicode
မျှတတဲ့အပေးအယူ
လူအများ၏ အံ့အားသင့်နေသော အကြည့်များအောက်တွင် ချီကျွင်းသည် ထျန်းကျီနောက်သို့ ကန်တင်းမှထွက်ကာ မကျေမနပ်ဖြင့် လိုက်သွားလိုက်သည်။ ကန်တင်းအဆောက်အဦးရဲ့ အစွန်းတစ်ဖက်ကို လှည့်ကြည့်လိုက်တော့ အနီးအနားမှာ ဘယ်သူမှ မရှိတာကို တွေ့လိုက်ရတော့မှ ချီကျွင်းက "အဲဒါ... မင်းက ဗိုလ်ချုပ်ဆိုတာကို... ဘာလို့ မပြောတာလဲ"
ထျန်းကျီက "မင်းမေးလို့လား။ ပြောတော့ရော ဘာထူးမှာမလို့လဲ။"
ချီကျွင်းက သူ့နဖူးကို ကိုင်ထားပြီး "ဒါက ငါ့အတွက်တော့ ကိစ္စရှိတယ်။ ဒီနေ့ မင်းငါ့ကို အပြင်ခေါ်ထုတ်သွားတာက မနက်ဖြန်မှာ သေချာပေါက် ပြန့်သွားမှာ။" ပြီးတော့ တစ်နေရာရာမှာ နည်းပြလုပ်မဲ့ ဗိုလ်ချုပ်ရဲ့နာမည်ကို ကြားဖူးတယ်။ "မင်းနာမည်... မျိုးရိုးနာမည်က.. တုန်ဖန်းလား"
ထျန်းကျီက ခေါင်းညိတ်လိုက်ပြီး "အင်း ငါ့နာမည် တုန်ဖန်းရုန် ငါ့ကို ရုန် လို့ပဲ ခေါ်ပေါ့"
ချီကျွင်းက တုန်တုန်ယင်ယင်ဖြင့် "ဒါက မဖြစ်နိုင်ဘူးလေ။ မင်းက ဗိုလ်ချုပ်တစ်ယောက်ပါ၊ ငါက ဆင်းရဲတဲ့ ကျောင်းသားသစ်လေး။ ဒီလိုမျိုး နာမည်အရင်းခေါ်ဖို့က..."
"သူတို့က မင်းကို ပြဿနာမရှာရဲပါဘူး" တုန်ဖန်းရုန် သည် အလွန်တည်ငြိမ်နေ၏။
"ဘယ်သူက ငါ့ကို အရှက်ရစေမယ်လို့မှ မပြောရသေးဘူး၊ ငါပြောနေတာ... အယ်၊ ထားလိုက်ပါတော့ ကန်တင်းဆီပဲသွားရအောင်" တကယ်ပြောချင်တဲ့စကားက "ငါကမင်းအပေါ်နားလည်မှု လွဲသွားပုံပဲ" လို့ပြောချင်ခဲ့တာ ဖြစ်ပြီး ပြောမိလိုက်ရင်လဲ ဗိုလ်ချုပ်ရဲ့အမြင်မှာ သူကကောင်းစားချင်လို့ နဂါးနောက်ကိုလိုက်ပြီး ဇာမဏီနေရာကို မှန်းနေတယ်လို့များ ထင်သွားခဲ့ရင် ပိုဆိုးသွားမှာ ဖြစ်သည်။ နောင်တချိန်မှာ တခြားလူတွေနဲ့အတူ ကျောင်းကို ဆက်တက်မယ်ဆိုရင်တောင် စိတ်ရှုပ်စရာတွေ ပိုများလာလိမ့်မည်။ ဒါပေမဲ့ ကိစ္စတွေက စတင်ပြီး ဖြစ်နေပြီ၊ လူတိုင်းက ပြောနေကြပြီး လူတော်တော်များများက အဲဒါကို သိကုန်ကြပြီ။ "အဲဒါက... ကော်ဖီဆိုင်မှာဆို ကြိုက်တာ မှာစားလို့ရတယ်လေ၊ မင်းက ဘယ်ကို ခေါ်လာတာလဲ။"
YOU ARE READING
အနာဂတ် သားရဲကမ္ဘာ၏ ရှေးသမားတော် (Myanmar Translation)
Fantasyအနာဂတ်သားရဲကမ္ဘာ၏ ရှေးသမားတော် (The Ancient Physician of The Future Beast World) Gener - BL MC ချီကျွင်း ၊ တုန်ဖန်းရုန် ဘာသာပြန်သူ Lemon (Yellow lotus) အနာဂတ်သားရဲကမ္ဘာ၏ ရှေးသမားတော် ( The Ancient Physician of The Future Beast World ) အကျဉ်းချုပ် ...
