وحيدة منذه الصغر

بارت الثالث 🔥

ايمان: نونة حبيبتي هاي امج سعاد
باوعتلها بتعجب اني اول مرة اشوفها وليش اجتني هسه بعد ما اني بديت اطيب وشنو الي منعها ما تجيني قبل سئلتها
أنتِ امي صح؟
ايي يروح امج مشتاقتلج ونبي اعذريني مكدرت اجي والله غصباً عني كوا اجيتج هسه
ابتسمت حتى اسمي متعرفينة اسمي نور
يمة بنيتي اروح فدوة لسمج بعدين احجيلج كلشي بس اريد اشوفج اريد اشبع عيوني بشوفتج
ما تقصرين
اجة الدكتور كال يلة خل نبدي اجت امي سعاد رادت تدخل وياي وقفتها
وين؟
اجي وياج
اعذريني ما اكدر اريد امي ايمان
دخلت اخذتها ونمت بعد محسيت على شي كعدت بـ2
هلا بنيتي شلونج
هلا يمة زينة راحت سعاد؟
ولج لا تكولين سعاد هاي امج
إن شاء الله
نونة حبيبتي اليوم لاح نبات هنا
إن شاء الله يمة بس أنتِ وين تنامين
اني انام على القنفة
لا يمة وين تكدرين تنامين هناك
لا بنيتي اكدر
اكوم وتنامين بمكاني؟
لا حبيبتي ميصير نامي أنتِ معليج بية
براحتج يمة
نمت وكعدت الصبح كعدت امي حتى اصلي غسلت وجهي واتوضيت وصليت بدلت ملابسي لبست تراك وامي كالت نطلع نرجع للبيت

استمرت العطلة هيج واخذ 3جرعات بالاسبوع احد، ثلاثاء، خميس

بعد شهر على المدارس وبداية شهر جديد فـ لازم اسوي تحاليل
حتى يعرفون زاد أو نقص وجان الموعد باجر نمت كعدت الصبح
غسلت وجهي وفرشت اسناني واتوضيت صليت ونزلت

نور :صباح الخير
ايمان :صباح النور حبيبتي

نور : شلونج أمونة

ايمان :ههههه يروح امونة الحمدلله زينة

نور :اجيت بستها من راسها وايدها
امونة حبيبتي

ايمان : عيون امونة

نور :مشتهية دولمة سويلي

ايمان :مو تدللين من هاي عيني قبل هاي

نور :اويي فديتجج

ايمان :يلة بنيتي صعدي بدلي واني لاح اسويلج لفة بين متكملين
تمام حبيبتي
صعدت بدلت لبست بنطلون نيلي وقميص أبيض سادة وتكرمون حذاء ابيض ونزلت اكلت الفة ورغسلت ورحنة للمستشفى
دخلنا واجة الدكتور عرفتي وكال خل نسوي التحاليل سويناها وخلصت كالوا ساعة وتطلع نزلنا جوة بالحديقة صارت ساعة صعدنا أخذنا التحاليل ورحنة لدكتور

ايمان :السلام عليكم

دكتور :وعليكم السلام هلا يمة استريحي

ايمان :وليدي هاي التحاليل
اخذها كعد يقرأ بيها وابتسم اني لا ارادين ابتسمت ويا

دكتور :الف مبروك والحمدلله على سلامة الحلوة الحمدلله والشكر طبتي وحالياً بعد محتاجين العلاج
بيبي جانت فرحتها متنوصف يمكن فرحت أكثر مني وعزمت الدكتور على غدة كالتلة مسوية دولمة

رجعنا للبيت صعدت لبست تراك البجامة سودة والتشيرت رصاصي ونزلت اندك الباب
نورة بنيتي روحي شوفي اكيد هذا الدكتور
رحت فتحتوا طلع هوا