وحيدة منذه الصغر

العاشر 🔥

الكاتبة ميلي ✍️
..
..
..
..
..
..

.......

نور: طلعت وعفتو رحت يم رغد فتحت الباب وكلت بصوت عالي
هلوزززز اني اجيتن

اشرتلي اسكت
اجيت يمها كعدت على الجرباية وخالة اذني على الجهاز سدت المكالمة وكالت

رغد: ماكو خصوصية ؟

نور: شنو هاي الخصوصية تنوكل تنشرب وهسه غردي منو هذا

رغد: طاح حضج باعي راح اسولفلج منو هذا بس اوعديني متحجين لـ احد واولهم احمد

نور: وعد ما احجي

رغد: باعي هذا ابن عمتي اني احبو وهوا هم من اتوفة ابوية هوا اجة للفاتحة وجان يواسيني وهيج فـ بعدها كمنة نسولف وانطاني رقمة واني ما حاجيتة بعدين اتصلت علية وضلينة انسولف اعترفلي واني رفضت لان جنت ما مفكرة ارتبط وهيج وهوا وعدني ورا ما اكمل سادس نتزوج وبالخامس بالعطلة نخطب وها اسمة طارق

نور : عااا كل هذا ليش اني ما ادري

رغد : وهسه دريتي

نور: صحيح زين باعي متأكدة هوا يحبج

رغد : اي والله

فتحت جهازها وراوتني المحادثات جانت كلها شلونج وشخبار اهلج وهاهية ويمكن اكو بس اتصالين

اممم باعي اني ما اعرف اذا هوا يحبج أو لا بس هم ديري بالج حتى لو اقاربج يسويلج مشكلة حاولي متحجين ويا يومية واذا يراسلج جاوبي على كد السؤال ووصورج لا دزيها اله خوش

رغد : خوش

نور : يلة ولي خل انام

رغد : لا اوكفي

نور : شكو

رغد : خل نحجي وية فاطمة

نور: جهازها عطلان ذاك اليوم اتصلت علية من جهاز امها

رغد : عادي نتصل على امها بالواتساب مشتاقة الها ولسوالفها

نور : خوش هاج الرقم

اطيتها الرقم واتصلنا جاوبت فاطمة

فاطمه: هلووووووو يا قنادرر هلا بصخلتي الي ناسيتني حيوانات مجتمعات واني مو يمكم مكاني خالي اهمداجن

رغد:اعصابج خية بس خل نفهمج شلونج

فاطمه: الحمدلله وانتوا

رغد+نور: الحمدلله

فاطمه: دومجن صخلاتي الكيوت

رغد : ههههههههههههههه

نور: فطيمم

فاطمه : خشم فطيم كويلي يبعد امعائي الدقيقة

نور :جهازج مصلحتي

فاطمة  : لا يمعودة شيصلح مكسر كلش لاح اجمع واشتري واحد جديد بس مو هسه فد شهر او اكثر

نور : تمام حبي