وحيدة منذه الصغر

بارت 16

فاطمه
خلصنا غسل اماعين وكلها صعدت فوك بَسہ اني ضليت جوا مجنت نعسانة اخذت الجهاز وضليت اكلب بي شوية ودخلت ضحى

ضحى: والله انقهر على فد ناس مصار الهم اسبوع من ازوجوا وصارت فوك راسهم شريجة

فاطمه: انقهري على روحج كلب كلبي

ضحى : تؤؤ ما انقهر على نفسي على الاقل اني صرت شريجة وحدة مو وحدة صارت شريجتي

فاطمه: اني جنت ضايجة وروحي طالعة وهية اجتي
أنتِ الضاهر امج وابوج داعين عليج بـ ليلة القدر والله حطج بيدي كمت الها لزكتها براشدي وكعدتها بالكاع هية نامت بالكاع واني صعدت فوكاها ضليت اضرب بيها كمشتها من شعرها وضليت اجر بي وهية تصيح جانت اكو ماسحة بالطرمة طلعت جبتها وضربتها بالعودة شوية ونزل فهد دفعني

فهد: ادري شبيجنن زعاطيط تتعاركون

فاطمه: فهددد هدني خل اشك* بالنص هل حيوانة عبالها اني راح اسكت الها والعباس ضحى اطلعلج كرونن اذا ضلين هنا والحسين اخليج تفلين على روحج لان ازوجتي فهد مو حبن بي بس والنبي آلة اندمكم ثنيكم بسيطة عافني فهد وركضت عليها كمشت ايدها عضيتها وصمطتها راجدي وطفرت صعدت فوك وقفلت الباب واني افور من العصبية

نور:فطيمم افتحي الباب خل تولي عوفيها

فاطمه : احتركوا اهل فاطمه بهل يوممم ولووو عنيييي نور روحي ما اريد احجي شي واضوجج عوفيني وروحي

مسمعت صوت بعد عرفتها راحت اني محتركة بدمي اتمنى بس لو متأخر شوية فهد

مخليت شي بالغرفة مكسرتة حرفياً اتخبلت من وراها اخير شي كسرت الامراية باوعت على ايدي عبارة عن قطعة دم مهتميت الها باوعت على الميز شفت الاسويج مال سيارة فهد لبست حجابي اخذتة واخذت الجهاز وطلعت جنت لابسة بجامة سودة شكلها شكل بنطلون وجانت كيلوت وفوكاها بدي اسود هاف سادة وحجاب اسود

صعدت بالسيارة وطلعت "من جنت بالخامس اعدادي سجلت بـ دورة مال تعليم سياقة فـ اعرف اسوق" صعدت بالسيارة شغلت قرآن وردت اروح لنهر دجلة اكثر مكان احبه وارتاح بي من اروح هناك واحلى شي جانت الدنيا ستوها جاي تصير غروب الجو بارد

وحلو وجانت تمطر بس خفيف  عيوني كلها دموع بس ما تنزل مخنوكةةة حيلل متوقعت نفسي بهذا الموقف البسيط هيج يصير بية متحملت اكتم بداخلي بعد ضليت ابجي واعيط كل هذا واني اسوق وايدي تنزف حرفياً فقدت على الآخر محسيت على نفسي آلة واني عيوني مغوشة مشفت شي

.....

نور
ضلينا كلنا منتضرين فاطمة تجي نتصل عليها مترد كلها خايفة عليها وضحى مبتسة وكاعدة يمنى كل شوية اريد اكوم اكتلها وأحمد يكمشني شوية واندك جهازي شفتة فاطمة فتحت الخط وفتحت سبيكر
ها فطوم يروحي وينج
جاوبني بس جان صوت رجال اخذ الجهاز احمد ورد عليه