အပိုင်း_218_အတွေးပုံရိပ်ဂိုဏ်းကိုဝင်ရောက်တယ်
"ညီအကိုချူး မင်းငါ့ကိုရွေးချယ်လိုက်တာ မှန်ကန်တဲ့လုပ်ရပ်ပဲဆိုတာယုံလိုက်ပါ"
ကျန်းရီချူး ရိုးသားစွာပြုံးလိုက်ပါတယ်။ချူးယွန်ကလည်း ဒီလို ရိုးဖြောင့်တဲ့လူတွေကို သဘောကျတယ်လေ။
"ညဏ်ကောင်းတဲ့လူတွေနဲ့ဆက်ဆံရတာ ကျူပ်သဘောကျတယ်... ကိုယ့်ကိုယ်ကိုယ်အထူးချွန်ဆုံး ကျန်သူတွေက ငတုံးလို့ ထင်နေတဲ့လူတွေကို ကျုပ်သဘောမကျဘူး"
ချူးယွန်ပြောလိုက်ပါတယ်။
ကျန်းရီချူးက ရိုးသားဖြောင့်မတ်ပြီး ပွင့်လင်းကာ ဒဲ့ဒိုးဆန်တယ်။တင်းမင်ခကတော့ ချူးယွန်ကို တန်းတူရည်တူလူတစ်ယောက်လို့ ဘယ်တုန်းကမှမကြည့်ခဲ့ပါဘူး။ချူးယွန်ကိုပေးရတဲ့ပစ္စည်းတွေကိုလည်း လက်ဆောင်ပေးလိုက်သလိုသာသဘောထားပြီး သူ့မှာပေးစရာဝှတ်ဖဲတွေရှိသေးပေမယ့် တိုက်ရိုက်မပြောပဲ ချူးယွန်ဘက်ကညှိနှိုင်းလာအောင် စောင့်ဆိုင်းခဲ့တယ်လေ။ဒါပေမယ့် ချူးယွန်ကလည်း ညဏ်မရှိတဲ့သူမှမဟုတ်တာ!
"ညီအကိုချူး... ငါတို့ဂိုဏ်းချူပ်က အဲနေ့ မင်းရဲ့တိုက်ပွဲကို ကိုယ်တိုင်လာကြည့်ခဲ့တယ်လေ... သူက မင်းကို အတော်သဘောကျနေတာ၊ ဒီတစ်ကြိမ် ဟွန်အန်မြို့ကို ဂိုဏ်းချူပ်ကိုယ်တိုင်လွှတ်လို့ ငါလာခဲ့တာလေ"
ကျန်းရီချူး က ချူးယွန်ကို မျက်တောင်တစ်ချက်မခတ်ပဲ ချီးကျူးလိုက်ပါတယ်။
ကျိဝူမင်လဲ လာကြည့်နေခဲ့တာလား?
ဒါကို ကြားတော့ ချူးယွန်ရင်တွေဘာတွေ တုန်သွားခဲ့ရတယ်။ ရဲရွှမ်နဲ့ ကျိဝူမင်က ရန်သူတွေမဟုတ်လား... သူတို့နှစ်ယောက်က တစ်နေရာထဲမှာ အတူရှိနေခဲ့ကြတာလေ...
ဒါပေမယ့်လည်း မိုးသောက်ဖြူမြို့တော်မှာ မဟာကလန်ကြီးလေးခုရဲ့ တာအိုသခင်တွေရှိနေခဲ့ကြတယ်မဟုတ်လား... သူတို့က ပြဿနာအဖြစ်ခံမှာတော့ မဟုတ်ကြပါဘူး။
"ညီအကိုချူး... ငါတို့ဘယ်အချိန်သွားကြမလဲ?"
ကျန်းရီချူးက စိတ်ရှည်ပုံမရတာသိသာပါတယ်... ထိုင်တာမကြာသေးဘူး ချက်ချင်းမေးမြန်လာခဲ့တယ်လေ။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၂ Uni & Zawgyi ေကာင္းကင္စစ္ဝိညာဥ္ အတြဲ-၂
Actionအပိုင်း ၁၉၇ မှ ၃၉၄ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွာ...
