ဥက္ကဌကြီးလုပ်ပုံကတော့ အရင်အတိုင်းပဲ မနက်ရောက်လို့အခန်းထဲသွားကြည့်တော့ ရှိမနေတော့ဘူး။
ကတိပေးထားလို့ စိတ်ထိန်းထားတာကို ဒီလိုနည်းနဲ့ ပြန်ချေသွားပြန်တယ်ပေါ့လေ။
သူ့ကိုနားလည်သိသွားတော့လည်း ချစ်ဖို့ကောင်းသွားရောပါပဲ။ Camp မဝင်ခင်အချိန်ထိ သူ့နားမှာ နေပြီး အချိန်ပေးရမယ်။
မနက်စာအတူတူစားရမလား။ ဝယ်သွားရမလား။ ဒါမှမဟုတ် ဆိုင်မှာပဲစားရမလား။ တွေးရင်းကပဲ သူ့ရုံးခန်းကို ရောက်နှင့်နေပြီ။
ရုံးခန်းရှေ့မှာ ရုတ်ရုတ်သဲသဲ ဖြစ်နေတဲ့ နှစ်ယောက်ရဲ့အသံတွေကို ကြားနေရပြီး လှမ်းကြည့်လိုက်တော့ မန်နေဂျာနဲ့ Oero ဖြစ်သည်။
'ဥက္ကဌကြီးက ဒီနေ့နားမယ် ပြောထားပါတယ်'
'ငါလာတာလို့ ပြောလိုက်'
"Oreo Arjima စောစောစီးစီး ဘာများလဲ"
Jungkook ရုံးခန်းတံခါးရှေ့ကနေ ပိတ်ရပ်လိုက်၏။ သူ့လက်ကိုဆန့်တားကာ တံခါးဘောင်ကို ထောက်၍ ပိတ်ထားလိုက်တော့သည်။
"ဘာလဲ နင်က"
"အဒေါ်ကြီးကရော ဘာတုန်း"
"ငါကသူ့အရင်ရည်းစား"
"ကျနော်က သူ့အနာဂတ် ရည်းစားလေ"
Rehko ပါးစပ်ဟပြီး အံ့ဩနေလေကာ မယုံကြည်နိုင် ဖြစ်နေလေသည်။
"မဖြစ်နိုင်တာ ဘယ်လိုပဲဆိုစေအုံးတော့ မင်းလိုကလေးတော့ မဟုတ်လောက်ပါဘူး.."
"ကျနော်က ထာဝရငယ်နေမယ်လို့ ထင်နေလို့လား Oero အဒေါ်ကြီးလိုပဲ အိုလာမှာလေ"
"ဟဲ့!"
"ဘာလဲ!"
Rehko အသံကုန်ဟစ်အော်တော့ jungkook လဲလိုက်အော်လေတာ။ အတွင်းရေးမှူးဟန်နေရာကထလာပြီး ရှင်းပေးဖို့ ကြိုးစားတော့သည်။
အခြေအနေကတော့ တစ်ဖက်နဲ့တစ်ဖက် အခြေတင်တွေ ဖြစ်ကုန်ကြတော့ကာ သုံးယောက်လုံး လုံးထွေးလာတော့၏။
"ဟဲ့ ဖယ်စမ်းလို့ ပြောနေတယ်!"
"ရည်းစားဟောင်းဆိုတိုင်း လက်ခံတွေ့ရမှာလား ခင်ဗျားအဲ့လောက် အတ္တမကြီးနဲ့"