دلف كل من محمود و عمر إلى المشفى بجزع شديد، فخبر إنجاب نور قبل ميعادها و بكائها الحاد ليسوا مطمئنين ابدا.
والدها لا يستطيع أن يفهم منها اى شئ، كل ما عليها هو البكاء الشديد و اخباره ان أطفالها ليسوا بخير و ان الطبيبه اخبرتها بضروره الإنجاب الليله و الآن.
"هى فين؟"
تسائل عمر و هو ينظر إلى عمه الذى تحدث بتوتر و قلق.
"قالت إنها فى غرفه ٣٠٦ فى الدور التالت"
"طيب يلا"
تحدث عمر و هو يتحرك بخطوات واسعه ليهرول عمه خلفه بسرعه صاعدين إلى غرفه نور.
فتح محمود الباب بسرعه ليجد ابنته تجلس على طرف السرير و هى تبكى و هى تحيط معدتها بقوة ليتقدم منها بسرعه جالسا بجانبها ممسكا بيدها بهدوء متحدثا.
" ايه اللى حصل يا نور؟ يا بنتى مش انتى المفروض تولدى على الشهر الجاى، ايه اللى حصل؟"
"أنا من امبارح و انا مش حاسه بحركه فى بطنى، و تعبانه، المهم قولت هروح للدكتوره اكشف علشان تطمنى على اولادى، روحت و كشفت لقيتها وشها اتغير و بتقولى لازم تروحى المستشفى حالا تولدى، بقولها فيه ايه قالتلى الميه اللى فى كيس الحمل اللى فيه الولدين نزلت كلها و مفيش ميه حواليهم، و لو مولدتش حالا هيبقى فيه خطر كبير عليهم و عليا و ممكن يموتوا جوا بطنى"
صاحت نور ببكاء شديد و هى تضغط على كف والدها الذى يمسك بيدها.
" طيب و مدخلتيش اوضه العمليات تولدى ليه؟ "
صاح والدها بجزع خوفا عليها و على أطفالها لتجيبه نور.
" عايزين فلوس الأول قبل ما يدخلونى اوضه العمليات، بابا انا خايفه، لو حصلى حاجه خلى بالك من ولادى و النبى، خلى بالك منهم و ربيهم كويس، سمى البنت رامين، و سمر ولد ياسين و التانى مالك، انا من زمان و انا عايزه لو خلفت ولد اسميه مالك، و ماما الله يرحمها كانت بتحب اسم ياسين"
تحدثت نور و هى تبكى كالاطفال ليتحدث عمر هذه المره.
"متقلقيش يا نور، هتربيهم و هتكبريهم و هتشوفى عيالهم كمان، متقلقيش، انا هروح ادفع الفلوس و اشوف ايه الاجرائات المطلوبه"
أنهى عمر حديثه مغادرا الغرفه ذاهبا إلى الاستقبال لينهى إجراءات العمليه الجراحيه الخاصه بنور.
"بابا انا خايفه"
صاحت نور و هى تنظر إلى والدها بأعين دامعه حزينه ليبتسم والدها بوجهها مربتا على يدها بخفه متحدثا.
أنت تقرأ
خطأ محبب
Romanceأخطاء الآباء يقع بها الأبناء، و لكن يبدو أن الخطأ متوارث، فهو خطأ مُحبب. "الجزء الأول" حملت بها والدتها في الوقت الخطأ، كان إنجابها خطأ، حياتها الجنونية مليئة بالأخطاء، حتى عندما وقعت في الحب وقعت مع الشخص الخطأ في الوقت الخطأ ولكنها لم تبالي في نها...
