فـِ مرة كنت قاعدة فـِ المسجد لمحت بنت داخلة بتتكلم فـِ الموبايل وباين مِن طريقة كلامها إنها بتتخانق وأخر جملة قالتها _أيوة وصلت وبعدها قفلت ، كُنت خلاص هفلت نظري عنها بس لقيتها طلعت قلم روج وبتظبط نفسها
- قولت فـ نفسي مش معقول جاية تحط روج فـِ بيت ربنا وتبين شعرها !
مفتش دقيقة ولقيتها بتعمل مكالمة مكنتش مشغلة الإسبيكر بس من طريقة كلامها يوحي إنها بتكلم شاب ، فـِ نص الكلام قالتله _ياحبيبي انا ليا مين غيرك! طبعاً نزلت وهي دلوقتي مفكراني فـِ الحصة ربع ساعة بالكتير وأكون عندك!
فضلت متنحة شوية وفهمت الموضوع فـِ دماغي إنها قايلة لحد رايحة حصة وهي اصلا رايحة تقابل حد!
فـِ الطبيعي بتكثف أنصح حد بس لا إراديا مني لقيت رجلي وخداني عندها!
_السلام عليكم
_وعليكم السلام
من ردها عرفت إن جواها خير
_غصب عني سمعت كُل الـ دار من أول ما دخلتي المسجد و....
قاطعتني بسرعة _وإنتِ مالك!
_أُخت وخايفة عليكِ
_خليكِ فـِ حالك
_هخليني فـ حالي بس بعد ما أقول الكلمتين دول وحقيقي هيفرقوا!
_مش فضيالك ياسِت إنتِ ، إنتِ مالك بيا أصلاً
_طيب خلاص ، العصر بيأذن مينفعش تنزلي غير لما تصلي
_هو انا مسؤلة مِنك وانا معرفش ، دا إيه البلاوي اللي بتتحدف علينا دي يارب
_بلاوي عشان بقولك نصلي! ع العموم إنتِ الخسرانة محدش يعرف هيموت إمتي
قولت اخر جملة وسبتها ومشيت
الشيخ كان بيبدأ فـِ الصلاة ولمحتها جاية علينا وبتظبط طرحتها!
لقيتها بتُقف فـِ الصف فـ تحركت من مكاني وروحت جيبالها إسدال من الـ معلقينه فـ المسجد الغريبة إنها أخدته ولبسته من غير أي ردة فعل!
بعد الصلاة لقيتها قعدت جمبي
_إنتِ عرفتِ منين إني بكلم ولد!
_أنا معرفش مش متاكدة بس طريقة كلامك بتقول إنك بتغفلي حد وتتطلعي من وراه مع حد!
_مش حد دا حبيبي!
_مش من حقي أدخل بس إزاي حبيبك؟
_بيحبنه وانا بحبه ومش بنتقابل غير كل فين وفين وهو واحشني!
_مش خايفة من ربنا!
_أخاف ليه ما هو هيتقدملي!
_مش هيتقدم!
_إنتِ كدابة انا غلطانة أصلاً إني قاعدة معاكِ وأنا اصلاً معرفكيش
مسكتها وقعدتها
_وأنا أستفاد إيه لما أكدب ، أهو قولتي منعرفش بعض.. بس هو بيتسلي!
_لا حازم بيحبني ومستحيل يضحك عليا
_إنتِ مفكرتيش فـِ أهلك ، مخوفتيش مِن ربنا!
_غصب عني بحبه
_الحب مش حرام بس حرام الـ بنعمله ، ربنا قال فـ كتابه " ولا متخذات أخدان ، وأخدان يعني اصحاب ، مينفعش بنت تصاحب ولد والعكس صحيح ، إحنا البنات ربنا عززنا ونزل لينا سورة بإسمنا " النساء " ليه نعصيه!
الحب دا فطرة فـ الانسان ومن غيره الانسان يموت
بس نبدأ حياتنا صح ، نحب ربنا ونخافه ، ربنا لما قال فـ كتابه " وقل للمؤمنين يغضوا من أبصارهن " وكذلك " وقل للمؤمنين يغضضن من أبصارهن " يعني وجه الكلام دا للنساء والرجال ، آيه واضحة فـ القرآن بتحرم عدم النظر وغض البصر..
المشكلة الحقيقية مش فـ الحب ، المشكلة فينا!
إحنا الـ مسمعناش كلام ربنا من الاول فـ بالتالي النظرة الواحدة ممكن توقعك فـ اعجاب وهكذا لحد ما تحبي الشخص اللي قدامك
حتي لو مش بتكلمي شباب بس النظرة باب فتنة عليكِ
_ لحد ما إقتنعت وفـِ حاجات اول مرة اعرفها بس انا كمان صعب عليا إني اسيبه انا بحبه واتعلقت بيه إنتِ مش هتفهمي أبداً
_مين قال يا طَيبة ، انا فهماكِ جداً ، عارفة إنه صعب بس إنتِ سبيه لله وإدعي من قلبك يصلح حاله ويجمعك بيه فـ الحلال
كلميه لأخر مرة وقوليله إنك عرفتِ الطريق الصح وإنك هتمشي فيه ولو بتحبني بجد يبقي إن شاء الله لنا لقاء فـ الحلال ، رضِي يبقي اللهم بارك ، مرضيش يبقي تعرفي إنه بيتسلي مش اكتر ومتزعليش نفسك إدعي بيقين وربنا هيراضي قلبك اللطيف دا.
إحنا محتاجين نقرب من ربنا والله ، إحنا منعرفش هنموت إمتي وياما صغير وكبير بيموت ، أصل ملك الموت مش هيجي يستني ساعتك ولا يستأذنلك..
إنتِ اصلاً مكنتيش هتعملي ذنب واحد لا دَ انتِ كدبتِ واتبرجتِ كمان!
_إنتِ مش فاهمة حاجة ، أنا لوحدي ... لوحدي دايما!..
كان لازم أبحث عن نفسي وإيه الـ يسعدني طالما الـ حواليا عمرهم ما فكروا فيا!
_يا جميلةإسمعي ، إحنا فِ زمن القابض علي دينه كـ القابض ع الجمر.
يعني إيه!!
يعني كل الـ هتعمليه دَ من مُجاهدة ثوابه كبير جداً متبصيش إن مش حد واقف معاكِ ، لأ إضغطِ علي نفسك وإرجعي لربك ومش معني إنم كَلمتي وضعفتي يبقي انتِ وحشة لا أبداً ، مش يمكن دَ كله حصل عشان تقربي لـ ربنا وترجعيله وتعرفي لذة طاعته!
ببكاء _هيقبلني !
_ربنا رحيم بعباده وبيقبلنا بس إنتِ روحيله بـ قلب صادق
_كأنك ربنا باعتك ليا عشان أفوق من غفلتي!
إبتسمت_هتفوتِ إشارة ربنا!
_طبعا لا
شكراً ، ممتنة.
إبتسمتلها
_ طب دلوقت هتعملي إيه!
_بيرن!
اول حاجة هرد وابلغه قراري وقربي من ربنا..
ردت وكان بينهم خناقة وبعدين قفلت ودمعة من عنيها فرت مسحتها وابتسمت..
وعرفت منها إنه ضايقها بالكلام وسابها
قولتلها متزعليش قالتلي تركته لله!
إبتسمتلي وقالتلي إنها هتبقي تنزل تشتري لبس محتشم..
كان معايا إسدال لسة شارياه قبل ماادخل المسجد أهديته لها هدية ، لبسته قبل ما تُخرج من المسجد!
نزلنا وبنعدي الشارع وإذا بـ عربية!!
العربية صَدمتها وماتت!!
كانت مُنذُ قليل علي حال والأن بالتأكيد فـِ أحسن حال!
كدَ عدي تلت سنين علي وفاة طيبة القلب ، التلت سنين دول كنت دايماً فكراها فـِ دعائي ودايماً بتصدق لها..
"اللهم أحسن خاتمتنا"
قولو آمين..
فـِ مدرج كبير داعية واقف بيحكي قصته وإنه كان شاب أقل ما يُقال عنه إنه مش بيصلي وبتاع بنات!
كان بعيد جداً عن ربنا..
_لما قالتلي نسيب بعض ونكمل بِما يُرضِي الله إستهزات بيها وإني طبعا عُمري ما اكمل معاها انا بتسلي أصلاً! والله انا ما حسيت بِـ حُبها فـِ قلبي غير لما ماتت ، مش اول واحدة اكلمها بس كانت اخر واحدة أكلمها واقفل قلبي خلاص وأحبها كدا!
أنا عندي يقين بالله نتقابل فـ الجنة
ياولاد إتقوا الله قبل ما تفكر إنك تأذي بنت فكر فـ الـ حواليك وحُرمة بيتك وإن كمان تُدين تُدان والدنيا دوارة!
و يا أختي إتقِ الله فـ نفسك و فـ أهلك إياكِ يخدعك ، إتعلموا بقي وارتقوا ، إتبعوا دينكم هترتاحوا
وإعرفوا إن الحب الحرام نهايته عُمرها ما كانت خير..
قربوا من ربنا كفاية غفلة الموت مش بيستنا حد..
علي فِكرة كل ما كنت قريب من ربنا كل ما الحب بيحلي ، الحب فـ الحلال أحلي بكتير ، الحب فـ الحلال اصلاً مينفعش يتقارن!
شوفوا رحمة ربنا بيا جعل إلتزامي بعد وفاة ياقوت وبقيت داعية وهفضل وافي ليها طول عمري لحد ما ربنا يجمعنا فـ الجنة ..
شخابيط ملتزمه♡♕
