Hellion Academy 3 (The Last Battle)

Hell 1

[a/n:  Hellion Academy 3 (The Last Battle) is now available on Dreame App]

3rd Person's Pov

Putok ng baril..

Sigawan..

Daing..

Yan ang maririnig sa isang madilin na lugar kung saan nakatayo ang isang abandonadong gusali.

Na sinasabayan pa ng malakas na ulan na may kasamang kulog at kidlat.

Nagkakagulo sa loob ng gusaling ito dahil sa isang nilalang na bigla na lamang sumugod dito at sinimulang kalabanin ang lahat ng tao dito.

Sinasabing isa itong hide out ng isang hindi kilalang grupo na may koneksyon sa isang malaking sindikato sa kanilang lugar.

"patayin nyo.. Paulanan nyo ng bala.." sigaw ng nagsisilbing pinuno ng grupong ito habang pinagbabaril ang isang lugar kung saan nagtatago ang misteryosong nilalang.

Hindi nila tinigilan ang pagpapaputok ng baril sa inaakala nilang kinalalagyan ng kalaban nila.

Lingit sa kaalaman nila na nakapwesto na ito sa likuran ng kanilang lider kung saan pinanonood lang nito ang mga mukha ng mga kalaban nito na puno ng takot.

Natutuwa sya sa tuwing nakakakita ng mga taong takot na takot sa kanya.

Tumigil ang pagpapaputok ng baril ng lahat. Hinihintay na mawala ang usok na bumabalot sa lugar na kanilang binaril.

Pero bago pa mawala ang usok ay isa-isa ng nagbagsakan ang mga ito habang may sumisirit na dugo sa mga lalamunan ng mga ito.

Nagpanic ang lahat dahil sa hindi nila makita ang nag-iisang kalaban nila.

Masyadong madilim sa lugar na ang tanging nagbibigay ng liwanag ay ang panaka-nakang kidlat.

Dahil na din sa takot, nawala na sila sa katinuan kaya naman pinagbabaril na nila ang buong lugar.

Wala na silang pakialam kung matamaan man ay ang kakampi nila.

Patuloy ang pagbagsak ng katawan ng mga ito at hindi sila sigurado kung tinamaan na nga nila ang kalaban nila.

Hanggang sa tanging ang pinuno nalang nila ang natira.

Tumigil na ang ingay. Tanging ang buhos ng ulan, kulog at kidlat na lamang ang maririnig sa loob ng gusali.

"hoy,.. Nasaan na kayo??" sigaw ng pinuno. Napupuno na sya ng takot.

Lalo na ng makarinig sya ng yabag ng paa kasabay ng tunog ng bakal na tumatama sa kapwa bakal.

Nakakapanindig balahibo ang bawat tunog sabayan pa ng kakaibang presensyang talaga namang nakakatakot.

Napaupo nalang ang lider sa sobrang takot at gulat dahil sa kasabay ng pagkidlat ay nakita nya ang isang nilalang na nasa harapan na nya.

Balot ito ng itim na damit at kung pagbabasehan ang hubog ng katawan nito ay isa itong babae. Nakatali ang mahaba nitong buhok na may side bangs na tumatabing sa kanang mata nito.

Naka-half mask lang sya sa kung saan tanging mata lang ang makikita.

Sa kanang kamay nito, ay may isang napakatalas na katana na punong-puno ng dugo.

"si..sino ka??" nanginginig na sa takot ang lider. Hindi na magawang makakilos dahil nakatayo na sa harap niya ang isang nakakatakot na nilalang.

"are you sure you wanna know who am i??" gumagamit ito ng voice changer upang hindi makilala ang kanyang boses. Bakas din sa kanyang mga mata ang malamig nitong tingin na syang nagpadagdag ng takot sa lalaking nasa harapan nito.