الأنْدِثار
بقلمي: فلَك
إترك بصمتك تذهب معي للأيام القادمة .
؟؟
_______________\\\\\\\\____________
_أنا الان اعيش مغامرة جميلة وممتعة ولكنني متعبة في اغلب الأحيان.
كل شيء يبدو على ما يرام ولكن؟.
لا اعلم بأن الحياة هل ستكون منصفة معي او لا؟؟
لكن كل موقف من مواقف الحياة يتطلب الحذر في التعامل ..
لكن لا بأس اني اتمتع بقدر من روح المرح الكافي لمواجهة
المواقف والصعاب..
_سديت دفتري وكمت من مكاني اتمشى شوي وامسح بأثنين ادي عسا ولعل ادفيهن.. بردانةةةةةة لابسة كومة ملابس ومجاي ادفة الجو هنا فضيع شمس ماكو تأفأفت بس اريد يخلص الدوام حتى ارجع للبيت .. هنا ماعندي لا صديقات ولا شي وكُلش عنصريين يعرفونة عرب..
رجعت فتحت دفتري اتذكر شنو صار وياي من كنت صغيرة ماما جانت دائماً تسولفلي واني اكتب بدفتر المذكرات كلش متعلقة بي، كل كبيرة وصغيرة بي..
فتحت الدفتر حتى استرجع ذاكرتي ؟!"
_ بيوم من الايام وبليلة ضلمة اخذو شبابنة شنو وليش ماعرفنة السبب لحد ما ؟؟ عرفنة يردوهم فدائيون لصدام؟؟ وجان واحد منهم اخوية إبراهيم الحنين جان عمرة كُلة ع بعضة ١٧ سنه مراهق وبسبب هالليلة انكلبت حياتنة رأساً على عقب وماعرفنة شنسوي..
حجيت واني ارجففف من الخوف على مستقبل ابني"
_ابو علي شلون بينة كلشي ولا إبراهيم يمة وليدي تدري بية ما اتحمل يطك كلبي واموتتت فدوةةة العينك سوي شي فدوة اروحلك ابوس ايدك اخذت ايدة ردت ابوسهة وسحبهة مني وكال..
ابو علي: شنو السالفة يا ام علي اني هم كلبي محترك ما بيدي اي شي اسوي هذا أمر من الريس..
ام علي: ارشيهم سوي اي شي فدوة اروحلك شنسوي بالفلوس وإبراهيم ما ينام الليل ببيتة احجي وارجففف وسن يطك بسن خايفة على ابني كلشش؟! خايفة على مصيرة وشنو راح يصير بي اخاف يروح من ايدي..
ابو علي: تدللين الي علي اسوي وداعتج انتي ، بست راسهة وطلعت اشوفلي صرفة حل رحت يم اخوي الوحيد الي ضال ببغداد يم امي البقية كلهم طالعين من العراق،
دخلت للبيت ما لكيت غير امي رحت يمهة"
وبست راسلهة وكتلهة ..
ابو علي: شلونج يوم؟؟
الحجية عامرة: ولك يمة شلوني ووليدك ماهوا ؟ كلي شنو الحل شراح تسوي
اباوع على امي تحجي وتتحسر جاوبتهة.!
ابو علي: والله يا يوم ماعرف شكلج ماعرف كلنة نعرف هاي قوانين واجباري تمشي ع الكل وتعرفين كلش زين إبراهيم مؤهل اكثر من علي لان علي رجله بيهة عوق..
