الأنْدِثار
بقلمي:فلَك
_________________________
جمان:ماماا ماماا بابا بابا
ام علي:شبي ابوج؟!
جمان: اتصل عليج بابا هاي جارتنة اجت كالت ابوكم اتصل عليكم
ام علي: كمت مفزوعة اركض لجارتنة بس اريد اسمع صوتة بس اريد اتطمن انو هوة وصل بخير وسلامة وصلت يمهة اخذت منهة الجهاز ورديت علي
ابو علي: الووو
ام علي: الو هلا عيني هلا
ابو علي: خوما اتأخرت عليج؟
ام علي: ابو علييي راح كلبي عليك وهسة يلة رجع من سمعت صوتك طمني شلونك شلون صحتك اهم شي انت بخير مالك علاقة بية كتلك اتحمل الاخر نفس بية بس اهم شي انتة بخير؟
ابو علي: اني زين الحمدالله انتي شلونج يبعد العافية اروح فدوة الگلبج لا تخافين وصلت بخير وسلامة ومابية شي وان شاء الله اصبرو هالفترة سنه بسس سنه واسحبكم يمي صدكيني
ام علي: ان شاء الله مصدگتك يانور عيني انتضر لحد اخر نفس بية متأكدة نرجع نلتهم بحضنك وبفد بيت
ابو علي: متلوع كلبي عليكم وحگ هوة علي بس شسوي اصبر نفسي واصبركم .. اسمعيني زين مصرفج كل راس شهر يجيج لعند الباب يروح اخوج يستلمة من الحوالة اريدج تصيرين قوية وسباعية وتديرين بالج على روحج و على الجهال واريدج تمشين بالمعاملة مالت المدرسة ماريدهم يفوتون هالسنة عليهم
ام علي: تدلل ان شاء الله اكون عند حسن ضنك بية
ابو علي: راح اروح ياضوة سنيني ديري بالج على روحج بين فترة وفترة اتصل اطمن عليكم
ام علي: الله وياك ياعيني ونضرهة تدلل .. سديتة منة والفرحة مسايعتني سمعت صوتة اطمنت هم وانزاح من قلبي ... درت وجهي واشوف اطفالي ملتمين حوالية ويبجوون كعدت اصبرهم واحجي وياهم لحد مقنعتهم
ومنا وبدت حياتي الجديدة ومستقبلي المجهول بلشت امشي بمعاملة المدراس للاطفال حتى يكملون السنه ومتفوتهم جنت كلش حريصة انو متفوتهم ولا سنه
بس جانت المشعوذة جمان شالعة قلبي بوكاحتهة متنرد ومتخاف من شي عكس اخوانهة جانو على ايدي وشنو اريد يكلولي تم وحاضر طلعت عينهة بالدلال ومو بس اني ابوهة هم مقاصر..
جمان: سديت دفتري وكمت افتر بالغرفة كعدت اباوع بالفراغ مكدرت لازم ارجع اقرة شنو صار ويا ماما وشلون عانت بالغربة صح عيوني راحت من القراءة بس ما اكدر؟
رجعت فتحت دفتري ورجعت الذكريات وياها..
ام علي: جنت داطبخ والاطفال بالمدرسة وبس جمان يمي اندك الباب رحت افتحة ماكو غير سهاد يومية تجي هيجي وقت فتحتة وطلعت صدك سهاد رحبت بيهة ودخلت جوة..
