الانْدِثار
بقلمي:فلَك
المواقف والخريف أعذار لليرحون!
لان يتساوه بيها البشر والشجرة..
_______________________
سيف: ايي اني انيي شبيج اخترعتي؟
جمان: اوفف يمة كلبي وكف .. يعني شبية بربك صافنة وفززتني
اباوعلة ضحك على ردة فعلي ولازم بطنة ومغمض عيونة وصوتة واصل للسماء زرف طبلة اذني صدك جذب .. فتح عيونه مدمعة من الضحك عدل كعدتة وحجة بجدية وهدوء،
سيف:شعندج هنا شسوين
جمان:شتدري بية مكاني المفضل
سيف: عقد حواجة وحجة بحدة وكال.. اي ادري مكانج المفضل بس راح تموتين من البرد خلي نرجع للبيت؟
جمان:شبيك سيف ترا تعودت على الجو فديتك هيجي خايف ع اختك
باوعلي بنضرااتة الاحبهة دوم يحسسني بأمان سحبني الحضنة وباس راسي
باوعتلة وحجيت
جمان: سيف تتذكر لمن جنة بالاردن شلون جنت مشاغب ومتكعد راحة؟
باوعلي وشبه ابتسامة مرت على وجهة
سيف:شلون انسه لمن خالج ال... دگ بينه الناقصة
جمان:بوعتلة واني اضحك وحجيت.. تدري وصلت لهنا وتوقفت بالقراءة
سيف: يووو بعدج تفتحين دفترج وتقرين
جمان:طبعاً شتدري بية ما امل منه وحتى لا انسة الايام الي مرينه بيهة
سيف:صح ويلة امشي خلي ندخل .. وكف عدل ملابسة ومدلي ايدة لزمتهة وكمت ويا دخلنة للبيت بوجهي صعدت فوك اريد ارجع اقرأ ماعرف شبية هالايام ارجف على الكتاب يادوب الحك ادرس والمعهد والكتاب معايفتة
رجع بية الزمن..
جنة كلنة كاعدين واندك الباب بكل قوتة كلنة فزينه من الخرعة وواحد يباوع بوجه الثاني منعرف شكو ماما اشرتلنة بحركة انو محد يحجي اسكتو راحت فتحت الباب ودخل خالو ابو ايمن يصيح ويهوس معرفنة شي وماما كلتلة
ام علي: على كيفك ابو ايمن خلي نفهم شصاير
ابو ايمن: رجلج المصون يتهمني انو اني ماخذ الفلوس البقية تقبليهة يا اختي بنت امي وابوي ؟؟؟
ام علي: يا فلوس على بختك ابو ايمن ؟؟
ابو ايمن: الوارد مالتكم مو استلمة اني يكلي انتة تاخذ نص الفلوس وتنطيهم نص وصلني الخبر ويكول جاي اني مباقي شي جاي تستفردون بحلالي ومالي؟
ام علي: اباوعلة معرفت شحجي بس كضتني الرجفة اباوعلة يباوعلي وعيونة تجدح نار خلة وطلع وركع الباب ورا
كمت بسرعة اتصل على ابو علي افتهم السالفة شنو صاير وليش هيجي حاجي ويا ابو ايمن؟
دكيت رن مرة مرتين فتح خط وكال..
ابو علي: الووو
