بين سطور القدر (عائله الشريف )

٢٥

تاني يوم الصبح

قامت ليليان و حضرت الفطار ودخلت تصحي ادم

ليليان: ااادم قوم يلا بقا

ادم بنعاس : ثواني بس

ليليان : قوم بقا عملالك مفاجأه

ادم : حاااضر

قام ادم و راح ليليان و قال : صباح الخير ي لي لي
شكلك احسن انهارده

ليليان سحبته من ايده و قالت: تعالي بس عملتلك مفاجأه ، و خرجت هي وآدم بره ف الحديقه
ادم لقاها حاطه تربيزه صغيره و عليها الفطار و فازه ورد من الحديقه

ادم : ليليان انتي كويسه

ليليان: انا كويسه جدا علي فكره، انا قررت اواجه مشاكلي زي ما قلت ليا و افكر ف الناس ال انا بحبهم
و انت ي ادم عملت علشاني حاجات كتير ، وانا معملتش اي حاجه علشانك ، بس قررت اتغير و اهتم بالناس ال بيحبوني و علشان كده انا قررت ارجع تاني لماما فريده علشان تتحسن و اروح لملك و مراد و اعوض نفسي عن وقتي ال اتسرق و اقضيه معاكم .

ادم: امم كلامك صح بس انتي عملتي حاجات كتير اوي علشاني ي ليليان، انتي خلتيني احبك كل يوم اكتر من الاول

ليليان : طيب يلا علشان الفطار ميبردش

بعد الفطار اتصل عاصم ب أدم و قاله

عاصم : عامل ايه ي ادم، و ليليان احوالها ايه

ادم : بخير الحمد لله

عاصم : فريده فاقت و بتعيط عايزه ليليان ي ادم

ادم : اصلا احنا كنا جايين اهو ، مسافه السكه

عاصم : تيجي بالسلامه ي ادم

_____________________________

ف العربيه

ادم: انتي متوتره كده ليه ي ليليان

ليليان : انا مش عارفه ايه ال هيحصل لما اشوفهم تاني

ادم : انا معاكي ي ليليان ، اطمني

وبعد شويه و صلوا القصر ، كانت ليليان متوتره و بتحاول تقلل التوتر و مسكه ف ادم زي الطفله الصغيره
دخلت ليليان و ادم القصر والكل رحب بيهم

نهال : حمد لله ع السلامه ي ليليان البيت وحش من غيرك اوي

دينا: ايوه ي ليليان

ملك جريت حضنتها و قالت : متمشيش تاني ي لي لي

و جه مراد و قال : اهون عليكي اخوكي الغلبان تعملي فيه كده ، و حضنها

ليليان : انا اسفه ي جماعه ، انا فعلا كنت محتاجه شويع و قت افكر و اديني رجعت اهو

ليلي : ليليان روحي لطنط فريده محتاجاكي ف الوقت ده

ليليان طلعت هي و ادم ل فريده ، كانت فريده بتعيط و بتقول : هات ليا ليليان ي خالد

خالد : هي جايه ، بطلي بس عياط

اول ما ليليان شافت فريده جريت اترمت ف حضنها

فريده بفرحه مختلطه بدموع : ليليان انتي جيتي

ليليان بدموع : ايوه ي ماما انا مش هبعد تاني أبدت

فريده : انا كنت حاسه بيكي انا كنت عارفه انك لسه عايشه

ليليان: انا رجعت اهو و هتزهقي مني

فريده : انا عمري ما ازهق منك ، و قامت فريده و قفت وقالت تعالي معايا ي ليليان
راحت ليليان معاها وفتحت فريده الدرج و خرجت منه مفتاح و راحت ناحيه باب موجود ف اخر الاوضه و فتحته و قالت : تعالي
دخلت ليليان ووراها ادم و خالد
كانت اوضه صغيره فيها سرير اطفال صغير و دولاب و... قاطع تاملها للاوضه صوت فريده لما راحت عند السرير .

فريده بعياط : ده اول حاجه جبتها انا و خالد لكي ، انا ال كنت مختاراه، وراحت عند الدولاب و فتحته و مسكت فستان كان ف جمب و كملت و قالت : ده كان أول فستان اجيبه لكي حتي قبل ما اعرف ان المولود بنت اصلا راحت عند ركن ف الاوضه و قالت دي كانت هدايه كل سنه بجيبهالك و انهارت هنا ف العياط و مقدرتش تكمل ، اخدها خالد و خرجها بره

اما عند ليليان فكانت واقفه بتبص ع الاوضه بحزن و قالت : كان زمان الحاجات دي كلها بتاعتي ي ادم

ادم هداها و اخدها نزلها تحت ، اما فريده فريده خالد خلها ترتاح شويه

_____________________________
تحت عند الكل

مراد ل ليليان: مش تباركي ل اخوكي

ليليان: علي ايه بقا انشاء الله ي فالح

مراد بضحك: هاتجوز ي بت

ليليان بضحك : انتو لسه ما اتخطبتوش اصلا

مراد : اه ماهو احنا قررنا نتجوز علي طول

ليليان : ربنا يتمم علي خير

ملك : و انا بقا عندي مفاجأه.......