بين سطور القدر (عائله الشريف )

٢٦

ملك : و انا بقا عندي مفاجأه

ليليان بضحكه: ايه بقا المفاجاه ي ست ملك

يحي : هنتجوووووز

ليليان بضحك : ايه ي جماعه انا سبتكم يومين بس ايه ال حصل ده

ملك بتخضنها : انتي مش متصوره انا فرحانه اد ايه
اوعي تسبينا تاني ي لي لي

جريت عليهم ليلي و حضنتها و قالت : منغيري ي معفنين

ليليان : ي جماعه متتخنقوش عليا انا للجميع

ضحكوا كلهم

ليليان لاحظت ان داليا واقفه لوحدها و باين عليها الحزن و عنيها مليانه دموع محبوسه

ليليان : هو انا موحشتكيش ولا ايه بقا ي ست داليا

انتبهت لها داليا و راحت حضنتها و قالت : و حشتيني و الله

ليليان بهمس : مالك ي داليا انا عرفاكي فيكي ايه

داليا : انا مخنوقه اوي ي ليليان

ليليان : فضفضي ي داليا

داليا : حاضر

ملك: طيب احنا ماشيين ي لي لي عاوزه حاجه

ليليان : رايحين فين

ليلي : هنروح نشتري شويه حاجات ناقصه و جايين

ليليان : معاكوا ربنا ، سلام

ملك و ليلي : سلام

و خرجت ليليان و داليا الحديقه

________________________________
ف الحديقه

ليليان : احكيلي يلا ي داليا

داليا : بدموع : بحبه ي ليليان

ليليان : مين ده

داليا : بس هو مش بيحبني و مش ف دماغه الجواز اصلا

ليليان : هو مين ي بنتي ، اهدي كده و احكيلي

فلاش باك

كان الكل متجمع و كانوا قاعدين

نهال : فريده كويسه دلوقتي

عاصم : هي ان شاء الله قربت تفوق

نهال : علي خير ان شاء الله

دينا : و ليليان

عاصم : انا اتصلت بادم و قال إنها بقت احسن

دينا: الحمد لله

مراد : احنا مش هنعمل خطوبه علشان انتوا اكيد مقدرين الظروف دي

نهال : ربنا معاك ي ابني

مراد : احنا هنعمل كتب كتاب ع الضيق كدا منغير حاجه

يحي : و انا كمان

عز : و انت كمان ايه ي فالح

يحي : هعمل كتب كتاب

دينا : انت كويس ي ابني

يحي : انا قررت اتجوز ملك و خلاص

دينا : الله يهديك

عاصم: و انت ي مازن مش عاوز تتجوز و تكون كملت

داليا فرحت لما عاصم قال كده و ابتسمت

مازن : لا الموضوع مش فدماغي و مش ناوي اتجوز دلوقتي

نهال : مفيش واحده كده ولا كده شاغله دماغك

مازن : انا مركز ف شغلي و بس

انصدمت داليا و كانت هتعيط بس مسكت نفسها و قال

داليا : اانا هاطلع اريح شويه ي جماعه ، انا حاسه ان انا تعبانه شويه

دينا : انتي كويسه ي ديدي

داليا: ايوه ي ماما مفيش حاجه شويه صداع بس هنام و اصحي كويسه

دينا : تمام ي داليا

و فعلا طلعت فوق قبل ما دموعها تنزل

و طلعت تعيط علي الارض لغايت ما نامت مكانها

باك
__________________________________

ليليان : اممم اهدي ي داليا لو ربنا كاتب انكم تبقوا لبعض مفيش حاجه هتمنع ده ، اهدي و صلي و ادعي ربنا

داليا بدموع : والله ي ليليان بدعي ربنا كتير

ليليان : اهدي ي قلبي ربنا يقدم ال فيه الخير ، متخفيش ربنا هيحلها

داليا : ي رب

طلعت اليا فوق و قعدت ليليان تتمشي لغايت ما صادفت مازن

ليليان : مازن

مازن بابتسامه : نعم ي ليليان

ليليان : احم انا عاوزه اتكلم معاك ف موضوع

مازن : اتفضلي ي ليليان

ليليان : هو شخصي شويه

مازن : ليليان انت زي ليلي قولي ال انت عاوزاه

ليليان : انتي ف حياتك حد اقصد يعني بتحب حد معين او كنت مثلا

مازن بيفتكر : لا

ليليان : و مش بتفكر

مازن بحزن : معتقدش

ليليان : ليه ي مازن

مازن : اقولك بس يفضل سر بينا

ليليان : طبعا متقلقش

مازن : انا كنت ف الجامعه و شفت بنت عجبتني و ارتبطنا ، انا عارف ان ده حرام بس انا وقتها كنت طايش و مش فاهم ، وبعدها بفتره اكتشفت بس انها طمعانه فيا و سبنا بعض ، وبس انا مش عاوز تعيد التجربه تاني

ليليان : مازن اوعي تظلم نفسك و تظلم اي حد بيحبك
دور كويس اكيد هتلاقي الشخص ال يحبك بجد

مازن : مين دي

ليليان : دور كويس حواليك
و دخلت جوه
_____________________________
جوه

ادم : ماما هو جدي راح فين انا مشفتوش من ساعه ما جينا

نهال : ما ... هو جدك اا.....