كَنت أتمنى يجي ويقوُل وش ذنّبي ؟

بارت ٦

سيف : جنان انتي نصابه
غيث : اونوو
سيف : دايم يفوز
جنان : لعبتكم ماش
غسان : انتي الماش
رغد : وش ذا الصوت؟
غيث : مدري
عنود : الصوت يزيد
غيث : عيال قومو
رماح : ايه يلا نشوف وش السالفه
سيف : قمت قمت اصبرو علي
غسان : شكلها هوشه
نجد : الله يستر
رغد : وشفيه ؟
غسان : م ينفك الباب
عنود : يراسي وش ذاا! قامت قيامتهم
نجد : م عندهم احد يمسكهم الملاعين
غيث : الله يعلك انفكك !
نجد : وخر بجرب
رماح : يعني بتفكينه انتي !
غيث : وخري
نجلاء : يمه وش السالفه!!! الصوت يزيد
سيف : امشو ننط من الدريشه
رماح : مين بيخش من ذي الفتحه الي اصغر من اصبعي !
غيث : ننط من السطح  !
رغد : تتسهبل؟
غيث : اجل ! وش تبين اسوي م تسمعين 
نجلاء : معي مفتاح السطح امسكو وننطو الله يحفضكم
نجد : بشويش لا يقوم جدي
غسان : اطلعو معنا عشان محد يحس بسرعه
عنود : م اشوف الدرج من الضلمه ، سيف عندك كشاف ؟
سيف : لا م جبته
نجد : اح بسم الله عليك
جنان : اوفف طحتتت
نجلاء:يوه جنان ، نجد ارجعي لها حن بنطلع السطح
نجد : قومي شفيك يابنت !
جنان : مقدر مقدررر ركبتي
نجد : اصبري بشوف فكي
غسان : شفيها
نجد : ولد شفيك مدرعم! ركبتها
جنان : الله يفشلك طسس
غسان : م شفت م شفت بطلع
غيث وهو فوق السطح: غسانن امشش
نجد : يوه والله قويه قاعد ينزل دم
جنان بتألم : شسوي ؟؟؟
نجد : اصبري م نقدر ننزل تحت بيقومون !
جنان : ياربي وش ذا يالممم
جنان : نجد شتسوين؟
نجد : شقي معي
جنان : قميصك !
نجد : يفداك شقي شقي
شقت قطعه من قميصها عشان تحطها بجرح جنان الي ينزف
نجد : اصبري بتحسين بالم بس تحملي لازم اربطه بقوه !
جنان : بشويش تكفيين يالمم
نجد : خلاص خلصت تقدرين تقومين ؟
جنان : اي اي معليك يلا نلحقهم
بصوت عالي جاي من تحت : الله يلعنك ويلعن الي يقعد معاك يالوصخ
نجد : سمعتي ؟؟
جنان : امشي امشي
طلعو السطح ونجد وهي تتنفس بصعوبه : بنات شسالفه
نجلاء : تعالي تعالي طلي من الدريشه معنا قامت القيامه
نجد : ذا لا يكون فيصل
عنود : اي والله هو
جنان : نعنبو شيمته
رغد : يارب م يشوفه غيث وغسان
نجد : ابي افهم السالفه طيب ! ليه قاعدين يهاوشون مب فاهمه شي من كلامهم
رغد : بنات انا بقوم جدي ولا ابوي
عنود : منجدك انتي ؟
غيث بصوت عالي: انتتت م تتووب !!! والله لا احرقك اليوم
نجدد : بناتتتت غيثثث !
غسان بصوت عالي : غيثث وقفف
رغد وهي تبكي : بيصيير شيي والله بقوم جددي وابووي
جنان : انا بققووم ابوي

بالحاره :
السالفه ان فيصل تعدى ع بيت احد من الاقارب الي هو بيت ( ابو مصلح ) خش بيتهم بدون استاذن ولمن قفطوه نزل ابو مصلح وجلس يتهاوش معاه لمن قام ( ابو سليمان ) وبدا يتهاوش مع فيصل بعد لمن علي صوتهم وسمعوهم العيال ونزلو غيث لمن فهم السالفه ان فيصل تعدى ع بيت ( ابو مصلح ) م قدر يمسك نفسه وكفايه حرقه فلبه والغييره الي للحين بقلبه بسبب فيصل ونجد وقام يضربه ضرب ( هستيري ) ولمن سمعوه البنات صحو البيت كله ومن هنا قام الجد والاعمام
اول م قيمو عنوُد وجنَان الجد ، نزل الجد ووصل عند باب البيت طق عصاته مرتين بقوه ع الباب وقال
الجد بنبره مرتفعه مرا : غيث
اما عن غيث الي سحب نفسه من فيصل ووخر نفسه عن العيال وعطى فيصل نضره يحكي فيها ( هالمره عديتها لك عشان جدي صحي ولا المره الثانيه تموت فيها ) غيث كانت نضراته جداً حاده
نزل ابو فيصل من بيته ، شسالفه؟؟
الجد قرب من ابو فيصل وهمس له : شيل ولدك عن احفادي ولا لا انت ولا غيرك بيفك فيصل ممن يدين احفادي وبخليهم يذبحون ولدك
ارتعب ابوفيصل من كلام الجد مطلق مسك ولده وشاله وقال ، الله يفشلك زي م فشلتني ويسود وجهك وياخذك عني
غيث كان جداً مقهور ويحس بنار تشعل بقلبه لنه م قدر ياخذ حقه من فيصل
ليث : كل واحد ع بيته ياهل الحاره
ابو سليمان : زين سويتو فيه يا احفاد مطلق ذا الخسيس م يتوب
صهيب : ارجع ياعم لبيتك نغص عليك الكلب
ابو سليمان : يلا تمسون ع خير
-
بالبيت
الجده : فيصل ذا م يتوب !
غيث : انا قلت بذبحه ع يدي بذبحه كل مره احد يجي يفزعله!!!
ليث : اذبحه اي وخل امك تبكي عليك وانت بالسجون؟
صهيب : مشكلتك ياغيث م تفكر تخلي عصبيتك تتحكم فيك
غيث : ايه م افكرر تبوني اشوفه يلمس وح
رماح : احم الحين ابوه قال بيوريه شغله سكرو السالفه
الجد : يلمس ؟ كمل
رغد : قصده ياجد يلمس وحده من بنات ابو مصلح
الجد : ووشدراه انه لمسهم هو بس خش بيتهم ولا؟
سيف : لالا لمس وحده من بناتهممُ
رماح وهو يمسك كتف جده: خسيس ؟ خسيس وش تتوقع منه ياجد م عليك منه
لطيفه : ياولدي ياغيث اذ رحت من يقعد لي ؟ انتبه لنفسك
العم فهد : لا انشاءالله يتحكم ب اعصابه صح غيث ؟
غيث : احس بناررر بقلبي ابي اذبحه!
الجده : بسم الله عليك شفيك انت كنه لامس احد من بناتنا
نجد بصوت غصه : بطلع انا
الجد : اقعدي يانجد م خلصت كلامي ولا بديت فيه
الجد : فيصل محد بيتعرضله انا نبهت ابوه وان شفنا منه اذى وقتها بخليكم انتم تتصرفون معه ، كل واحد يرقد بقومكم من ٥ نصلي وع المزرعه
صهيب وهو يبوس راس ابوه : تمسي ع خير يايبه
فهد وليث وخالد : تمسي ع خير يبه
مزون : يلا بنات ع غرفتنا
كلهم توجهو للغرف ونامو الا ؟
نجد : رغد صاحيه
رغد تحت البطانيه : وشتبين
نجد : قصري حسك ، م جاني نوم انتي وينك؟
رغد : جنب جنان ، انتي وين ؟
نجد : عند الدولاب ملصقه
رغد : وش حادك
نجد : م فيه مكان ، بجي جنبك
رغد : تعالي
نجد : وسعي شوي
رغد : وشفيك ؟
نجد بهمس : مب شايفه تعامل غيث معي ؟
رغد : مره ملاحضه
نجد : شوضعه
رغد : معليك منه
نجد : بس صدق انا م سويت شي كني قلت لفيصل تكفى امسكني
رغد : كنك م تعرفينه ؟ غيث راسه يابس
نجد : ابو راس يابس ذا حق من لطمه م احب احد كذا يكلمني
رغد : م حاولتي تتكلمين معاه ؟
نجد : م شفتيه كيف قالي وخري لمن جيت بفك الباب وجع قهرني !!
رغد : بكره بيندم هو كذا اذ عصب
نجد : هين ياابو راس يابس هين
رغد وهي تضحك : نامي بس