كَنت أتمنى يجي ويقوُل وش ذنّبي ؟

بارت ١٦

طلعو البيت غيرو لبسهم وقعدو :
هنوف : استنانستو
رغد : اي والله وناسه ليتكم جيتو
الجده : زين غيرتو جو
نجد : يهبلون مرا بس وجد وجع
رغد : اي ، يمه تخيلي تقول امك مب ناويه تزوج غيث تقول انا الي بتزوجني ياه صح! ولمن جاء غسان راحت شافته وقالت ذا من؟ وقحه
شموخ : شبلاها ذي
نجلاء : تغث كل شوي زواج زواج
الجده : تبي تتزوج انتم متى بتتزوجون؟
مزون : يمه؟ صغار
الجده ؛ مب صغار ولا شي
غروب : وش ذا الهرج يايمه؟ توهم
نجد : اف انا بطلع انام
جنان : حتى انا
-
غيث : انا جيت
رماح : وانا بعد
الجده : الله يحيكم تعال يوليدي بقولك بشي
مزون : امي؟
رغد : وشو
الجده : في بنت تبيك والله انها زينه وم ناقصها شي وجت لين عندك شرايك فيها ؟
وقفت بالدرج نجد حطت يدها ع قلبها من سمعت اسم غيث !
جنان : شفيك؟
نجد : اسمعي شتقول جدتي
نجد : سمعت طاري خطبه قامت طلعت الغرفه بسرعه
جنان : شفيها ذي ؟

غيث : وش ذا الهرج ياجده منهي الي تبيني
الجده : وحده شافتك وعجبتها
غيث : العكس المفروض ؟
الجده : عاد احمد ربك ، تبيها؟ اخطبها لك
مزون : يمه شفيك!
الجده : اسكتي انتي
رغد : لا
شموخ : اي والله م تتزوجها!
غيث : م ابيها اصلاً
الجد : وش تسولفون فيه
الجده : ابي اخطب له وم يبي!
الجد : م يبي طيب
الجده : ليه؟ خلاص كلهم كبرو نزوجهم
الجد : عندهم امهات واباء
سكتو كلهم بعد كلمه جدهم
غيث : بطلع انام انا
بالدرج وهو رايح سمع صوت بكاء بالحمام !
غيث : وش ذا الصوت؟ قرب من الحمام وطلعت نجد وفكت الباب بقوه ناضرت بغيث لثواني وراحت الغرفه وسكرت الباب
غيث قعد متجمد ٥ دقايق بعدها استوعب!
نجد كانت تبكي؟ من بكاها! لحضه ( قعد يتذكر شكلها وكيف الدموع بعينها وخشمها احمرر )
بسم الله البنت شفيها؟ اجيها؟ كبريائي!
وهي م تبيني اصلاً
رماح : ولد شفيك مصنم عند الحمام اعوذ بالله
غيث : افكر اخش ولا
غسان : يالله ! متخلف
رماح : امشو ننام بس
-
عجز يجي لنجد نوم ! حاولت تقلبت يمين ويسار تحاول تنسى ان غيث بيخطب وجد بس ميب قادره جاها ضيق من المكان قامت راحت جنب رغد وعجززت تنام تتقلب يمين ويسار اخر شي قررت تطلع السطح لحالها بالساعه ٢ الليل !
نجد بينها وبين نفسها: م فيه راحه مكتوب لي الهم قامت وطلعت فوق السطح لوحدها والهبوب قويه وبرد لدرجه اسنانها تترتجف ! قعدت وبدت تبكي وتطلع الي بقلبها وبين كل هبوب يجي قوي تحس ان قلبها يطير من كثر الحززن !

غيث عجززز يجيه نوم مب راضي يروح شكل نجد وهي تبكي والاساله ذبحته ليه تبكي !! انقهر لمن شافها تبكي م كان يبي يشوف نجد تبكي بحياته لو بيده اسعدها طول عمرره تقلب يمين ويسار ولا قدر ينام؟ م جاء بباله انها تحبه وغارت عليه ابداً ، بس حاول ينام م قدر اكله التفكير ب نجد قام قال بطلع السطح لبس جاكيت وطلع لمح من بعيد عند الشباك شخص قاعد ! بالبدايه قال ذي جنيه مستحيل تكون وحده من البنات لمن قرب وسمع صوت شهقات عرف انها نجد قام تلبكه الخوف عليها وم عرف شيسوي وكانت ترجف من البرد شال جاكيته وحطه عليها من ورا فزت نجد من الخوف ولفت عليه صارت لحضه صمت نزلت جاكيته من ضهرها ورمته وراحت نزلت تحت بسرعه ! اما غيث الي تراوده الاساله وضل واقف ، لذي الدرجه تكرهني ؟ رفع جاكيته وحطه ع ضهره وقعد بمكان نجد وم غابت نجد عن باله ابداً لا نسي شكلها وهي تبكي ولا وهي ترقص ولا وهي مبتسمه ولا شعرها الي كان يطير وابتسامتها لمن ركبت الخيل ولا ايام الطفوله ولا يوم طاحت وتعورت وشالها عجز عجز انه ينساها قام حاصرته الضيقه حس ان مضايق ان نجد لغيره مو له وان نجد ما تبيه ! غيث اول مره يحس بالانانيه تجاه شخص اول مره يحس بذا الشعور واول مرا يحب ولا قدر ينسا ذا الحب قعد طول الوقت بالسطح لمن نام ! نام بالسطح؟