كَنت أتمنى يجي ويقوُل وش ذنّبي ؟

الـنهـاية ❤️

" صـبـاح العـيـد "    " 30 : 6 "  بـعد خـمس سنوات بالضبط "

بـيـت " غـيث "
أنـثى بفـسـتان ضـيق باللون الأبـيض موضـح لتفـاصـيَل جسـمها الفـاتنة..
وشـعرها الطـويل يلامس ضـهرها بشـكل مغـري لقـفاها .. بوجـه بـاهي وزاهـي .. بعقـد ذهـب نـاعم جدًا يبـرز نحـرها .. فـاتـّنه نجـّد

أبـتسمت من حاوط خصـرها : كل عـام وأنتي العـيّد كله ..!
التفـت علـيه بخـجل : و كـل عـام وشوفتك تجعل كل ايامي أعيـّاد ..
أبتسمت بـخجل من حـركته وأستحت اكثـر من جاء رعـد يجـري ويتحـلطم من شـماغه : بـابا ضـبطه
أبتسـم غيث وانحنى يضـبط شمـاغ ولـده رعـد الي أكمل خمس سنيـن
ونجـد تضـبط شـعر رهيـد بنتـهم القـمر الي تشـبه أمها كثير .. أكملت سنتين
____________________________________
غيث : خلصتو ؟
نجد : اي خلاص بلبس عباتي وامشي
غيث : زين انا شايل الاغراض وبشيل راكان ننتضركم بالسياره
نجد : زين
غيث وهو شايل ولده ع راسه ويضحك معه : تبي تروح الديره ليه
رعـد : عشان جدو وجدتو
غيث بسخرية : و " قمر " مو عشانها ؟ 😉
رعـد بقروشه :لااصلا بضربها
نجد وهي مبتسمه : نشوف اذ وصلنا
وبنص فرحتهم بالطريق وسواليفهم وضحكهم جاء لنجد اتصال من "جنان"
نجد : عساه خير ، الو؟
نجد بشهقه : شفيك !
وقف سيارته غيث بنص الطريق بخوف : وشفيها!
نجد مع صدمتها رمت جوالها واخذه غيث وهو يردد لجنان بخوف : ليش تبكين شفيك!
هي كلها ثواني تحولت سيارتهم من اصوات ضحكهم وسواليفهم الا صمت تام وشهاق نجد وبكاها وتكرر سوال رعـد " ماما ليش تبكين "
وغيث الي يسوق بصمت تام وبسرعه جنونية ولا مستوعب الخبر الي غير ملامحهم وفرحتهم وشوقهم ولهفتهم على انهم يروحون للديره
وصلو للقرية واهل القرية كلهم متحوطين بشكل دائري على بيت العيلة الي عاشو فيه طفولتهم ومراهقتهم ونص شبابهم تحول الى بيت كله حزن بعد الخبر ٫ فهد ومهد وليث وخالد وهم شايلين ابوهم للسياره وملثمين وجيهم والكل بعيونه الدمعه نزلو من السياره وكل واحد يتمنى ان الي شايلينه ذا ما يكون " الجد مطلق " الي كان بمثابه ابوهم واكثر , اصوات بكائهم بالبيت واهل القريه يدمعون وغيث الي مو مستوعب الخبر راح ركض يشيل جده آلي ماكان متوقع انه بيكون هو شايلينه عياله واحفاده وكان منظر محزن والكل يبكي ولا احد قدر يمسك دموعه الا الشماغ مغطي عيونهم الي كلها دموع على جدهم مطلق ولا حتى استوعبو الخبر
_________________________________
ونجد الي دخلت بيتهم الي كله بكاء وصراخ وحزن شديد ولا احد مصدق وهي مصدومة وبيدها رهيد ووراها رعد شافت حالة جدتهم المنهاره وحولها النسوان وزينه الي تصارخ وتبكي بشكل هستيري وجنبها "رغد"ودموعها تنزل وهي تحاول تهدي عمتها"زينه" ولا "عنود"الي واقفه تناضرهم بشكل مفجع وواضح ان البنت مو معاهم من صدمتها ركضت لها " نجد" وهي تبكي نزلتها ع الارض جنب جنان والثلاثه بدو بالبكاء الي يقطع القلب فقدو عامود القرية وعامود بيتهم وأبوهم الاول والي كان أحن من النسمه لهم ولا قد تضايق منهم وكبر عياله وزوجهم وكبر عيال عياله وزوجهم
نجد وهي تحضن جنان وتغطي وجها بطرحة عبايتها السوده وتكرر
: شلون شلون انا امس كلمته وقالي انه يبي يشوف رهيد ورعـد كان متلهف يشوف رهيد شلون !
جنان وهي تبكي وصوت متقطع ومبحوح: راح ولا ودعته يانجد
الموقف كان محزن نجد الي مغطيه وجها بطرحتها السوده وجنان الي بحضن نجد منهارة ببكاها وعنود مصدومه ودموع عينها تنزل والبيت الي فجاه امتلى بالنسوان وكلن يردد " عظم الله اجرك " واهل البيت محد مستوعب الكل يبكي
كانت زياره بشوق ولهفه عشان يشوفون جدهم وراح قبل لا يشوفونه
--------------------------------------------------------------
اما عن احفاده وعياله وهم شايلين جدهم يدفنونه والكل يبكي ويغطي دموعه بشماغه شايلين ابوهم وجدهم وهو مغطى بكفنه !
___________________________________