لكل شخص حكاية
حلقه"19"
كاتبه كادي🤍.
قبل كل شي صلو ع رسولنا❤.
(اللهم صلي وسلم ع سيدنا محمد وعلى آله وأصحابه أجمعين🤍)
قراءة جميلة.
______________________________
قُصي : تصبحو ع خير
جدتي: انت من اهله معاش تغيب واجد
قصي : ان شاء الله
ومشى ل حوشهم ورن ع جمانه مره مرتين ثالته مافيش رد ثالته ردت سجى هي تبكي💔!
سجى: ماما
قصي انفجع: شنفي سجى
سجى:ماما من بدري راقده ع الارض ونوض فيها ماتبيش تنوض بابا وينك
قُصي: اني جاي توا خليك معايا ع خط ماصكريش
قصي: ركب سيارته يجري..سجى امشي اجري ل دار جيبي عطر وشممي ماما
سجى: مشت تجري
قصي: يسوق وهو يجري خايف ع جمانه
قصي يخبط ع دومان: جمانه شنو درتي ازح ضروري تربشي
سجى: بابا مَاتبيش تنوض
قصي:خلاص قريب نوصل انا
ساعده طريق فاضيه عشان ليل
وصل ونزل يجري فتح باب لقى حوش كله مظلم مافيش صوت
قصي ولع ضي الصاله!
لقى طوله وعليها تورته وشموع وزينه معبيه مكان❤.
جمانه وسجى: كل سنه وانت طيب وان شاءالله كل سنه وانت معنا ❤.
قُصي انصدم: جمانه انتي كويسه
جمانه ضحكت: كويسه مافيش شي بس حبينا نديرولك جو بيش تجينا ونحتفلو بعيد ميلاك
سجى: يااحسن اب❤.
قصي رفعها وحضنها
قصي: تهند .. الحمدالله انتم بخير وضحك
قصي: انا نسيته وربي انه عيد ميلادي يوم لقاني محظوظ بيكن!
جمانه: مستحيل ننساه يوم عيد ميلادك
قصي حس بتأنيب الضمير وساكت
سجى: هي بابا بناكل كيكه😭
قُصي: مايهمك خير بطنك
سجى: 😂😂
قصي: وين بنتي ممثله وانا ماعنديش علم
جمانه: من بدري نحفظ فيها الكلام وكمل مكالمه ندير ف كتم عشان نضحكو😂
قُصي: صدقت من جدي انا ورعشتوني
جمانه: تعيش وتاكل غيرها
جمانه ولعت شموع وكملو احتفالهم بعيد ميلاد قُصي❤.
//
سيف : هي اوكي توا نجي بكره
مروان: ياراجل خليك ليش ماشي من توا
سيف: اسمع انا عارف اكيد خواتي محد يبيهن مانبيهنش يقعدن ثقل ع حد
مروان بحت ف روان ع سريعع: تمام ع راحتك
سيف: مع سلامه
مروان:سلام
طول طريق ملاك سرحانه وفي عالم آخر لدرجه اي حد يشوفها يقول مش طبيعيه!!!
سيف: ايوه عمي
محمود: وصلت
سيف: اها
محمود: طلعلك توا
طلع محمود ل سيف
محمود: درس السياره
درس سيف سيارته ونزلن بنات وخشو عمارة كانت هاديه ونظيفه ومساحته متوسطه
محمود: هذي الشقه نورت المنطقه والله
سيف: منوره باصحابها
محمود: تصبحو ع خير تنقصك حاجه تبي حاجه اهو حوشي خطوه
سيف: منور انت من اهله
محمود:نزل محمود
سيف خش شاف شقه كانت عباره عن"غرفتين وحمام ومطبخ وصاله واسعه وبلكوني ومربوعه صغيره "
روان: الله حتى نظيف
سيف: ملاك شنو رايك
ملاك بدون رد
سيف : ملاك
ملاك: نعم
سيف: استغرب شنو رايك
ملاك: بحتت في سيف وشاف ل وره وعيطت
سيف: ملاك كنك
ملاك: معاذ ورككك معاذ
سيف وروان بحتو ف بعض ومصدومين ومستغربين
ملاك حطيت يديها ع راسها وغمضت عيونها وتبكي : حيقتلك حيقتلك!
سيف: روان جيبلها شيشه ميه!
روان مشت تجري جبت اميه وسيف قعد يمسح ع وجها ويقرا ف قرآن لعند ماهدت شويه!
ملاك : وين مشى
سيف: ملاك خشي تريحي خلاص موضوع تم
ملاك: تبحت فيهم بستغراب ونضت مشت هي واختها ف دار
روان:ملاك خشي توضي وصلي
ملاك: باهي
خشت ملاك هي عقلها ف عالم اخره
روان نزلن دموعها ع خيتها وقاعدت تردد حسبي الله ونعم الوكيل فيك يامعاذ تردد فيها وهي مقهوره ع حال اختها لِ سببه ولد عمها💔!
سيف طلع بلكوني وهو مستغرب تصرافات اخته!
قعد يفكر وزاد حقده وانتقامه من معاذ
رنت حور رد كان محتاجها تهون عليه.
حور: الو
سيف:خير
حور: مضايق صح؟
سيف: لصقف
حور:واكيد زي العاده مستحيل تحكيلي كنك
سيف:مش داعي اساسا نحكي معاك كلمتين ننسى همي كله!
حور:ضحكت.. مش لدرجه هذي
سيف: اقسم بالله لم نحكي معاك معاش نفكر ف شي غيرك وغير مستقبلنا وحياتنا ننسى كل همي وكلشي
حور:باهي احكيلي كنك ياسيف شنفي?
سيف: مافي شي شويه مشاكل عادية
حور: تكذب
سيف: خلاص عاد ياحور هدرزيلي بس ماتنكديش عليا من امتى تنكدي انتي
حور : مش قصة نكد عليك بس مفروض تحكيلي شنو مضايقك زي ماانا نحكي فكلشي
سيف: حور تصبحي
حور: لااا خلاص
سيف: ايوه هدرزي واضحكي بضحكتك ل تردي روحي❤.
YOU ARE READING
لكل شخص حكايه
Romance(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
