لكل شخص حكايه

55

لكل شخص حكاية
-حلقة55💗.
كادي إبراهيم .
______________
يوسف:-
وفتح الشقه لقى امير مقعمز وماسك القميص يوسف:بعصبيه.. شن قاربك له؟؟ شن دخلك
تقرب حاجه مش شورك ياعن**
امير: دم راجلها صح ؟ احكي الزف
يوسف: بحت فيه وكر قميص.. مش شورك حاجه مش شورك ماتدخلش فيها ماتخلينيش نمد يدي عليك
امير بعصبيه: مات؟؟ قتلته؟ تكككلمم
يوسف: ما صارله شي اسكت بس
امير: بعصبيه .. خليك هك باهي من يوم ماعرفتها كلبه هذي وانت وره ومن مشكله لمشكله لين اطيح في مشكله كبيره وتحصل فيها وهي سيبتك وتجوزت ومازالت تجري ورها وحط راسك من رأس راجلها الساقط ومعروف في كل تركينه بي وسخه تحسب حيمشيه لك لدرته هضا؟ استقبل مايجيك مش خشيت فوسخ هضا.. رفع صبعه بتهديد ..بس رد بالك واحد من العيله يمسه شي بدأت بناتنا زي ماصار لِ قصي وسخكم بعده من العيله خيرلك
خدا تلفون ماعطش فرصه لِ يوسف يرد عليه اصلا وطربق الباب وطلع
يوسف بعد كلام امير له قعمز على صالون وقاعد يدخن بهدواء رغم هو قاعد يحرق من جوا😢.
اذكر جمله قصي
قصي: انا ماقلتش لي وحده ق... إنحبك

وأمير خش لِ مربوعه عيت جده هو متنرفز ويهز في كراعه بعصبيه وفي الوقت هضا كانت رحمه محتاره ترن عليه ولالا بس هي رايفت
رحمه: تخيالي يارنا توا نرن ويرد ونحكو ضروري يعني نابذر في علاقه وتخيالي ياخدني ونجوزه وهو فعلا فارس أحلامي
رنا: ضحكت ..هضا مش جايك ع احصان ابيض جايك على فيراري
رحمه: خليني بس نتخيال ويخش عليا بدله السود ومع طوله وجماله ونعيش معاه احلا ايام عمري
رنا: ماتحلميش قلتلك
رحمه: فوتيني بنرن يارب اجعله من نصيبي😢❤
رنا: لا حول ولا قوه الا بالله كان يريدك توا يرن
رحمه: بالكي يراجي فيا نا نرن
رنا: ديري في رأسك توا نشوفو ايش نهايتها
ورنت رحمه هي فرحانه مع متوتره
امير: استغفر الله هذي شن تبي مش وقتها وصكر عليها وعزق تلفون

رحمه اتسكت وبحتتت في رنا
رنا: قلتلك تستاهليها ميه مره نقولك ماتحلميش يارحمه ماتعشيش حياه الوهم هذي ماترقيش صقف احلامك شوفي نحنا ايش وهما ايش .. ممكن كان ايام فاتن مكسد ومتعارك مع حبيبتها يمشي في وقت معاك توا ردت ايش يرد فيك كنتي تمشيه لوقته وخلاص
رحمه نزلن دموعها : ممكن تسكتي غزل راقده را تسمعك
وخدت منشفها
رنا: بدوشي ف هل ليل
رحمه: فوتيني
وخشت رحمه ادوش ودموعها شلال😔💔.
//
صبح يوم التفريشه❤.
الدنيا كلها واعيه وهرجه وحوسه وسيارات فيهن الدبش وركبن الماشيات❤.
عند عيت ايوب
خيريه " ام ايوب" : كملتن كل شي
آسيا : اها ياعميمه واتي كل حاجه
ميار: منظري سمح ياماما
خيريه: ماشاء الله
مريم : بس ماشاء الله عمتي امس لم شفت شقه ايوب ماتوقعتهش هك الله اكبر عليك تشطيب داير شغل والله ومش كلنا نفس المساحه حسيت هو أكبر
ميار: نيه ياحنه تخدم صاحبها😒
خيريه فنصت فيها: اها يمريم ماهو يختلف تصميم جديد وافكار جديده حيبان اكبر
مريم: مشاءالله ربي يهنيه
اخت خيريه:ياخيريه والعي اغاني ياخيتي كنك تفاؤلي على الحوش را عرس الغالي ايوب فكينا من نكد لعند بدري رنيت على ولدك وقالك باتي كويس وفرحان ب ايوب صح ولالا
اسيا: هي يعميمه عشان ماتبيش العروس زعلانه
اخت خيريه: هضا نصيبه وهناك صار تبي جيران يحسو عليك تفريشه شقه ولدها ولا حاس لا صوت
ميار: فعلا ياخويله
اختِ خيريه: ولعن يابنات . ..افرح ياحوش ولا تهتز
ليله عرس ولد العز
وزغاريت وبدن في جو
ولعن بنات العيله الاغاني وجو احلو وزغاريت ولقيمات بالواجب لان ايوب كل حد عنده معاه ذكرى كويسه فكل يبي يصبيله في فرصه بدأت الرجاله العيله قدم الفيلا وقايمين بالواجب🤍.
وجان السيارات وصوت بيبات
بنت اخت خيريه:خالتي شوفي سيارات وحاجات توا هذي شلافطيه🤦🏻‍♀️😂
اخت خيريه: تي هذوما عارفتيهم من الفلاني أصحاب خالك منعم
بنت: اها
ماريا: دكت راسها معاها من رواشن... ماشاء الله
وجان بنات يبن يوشفن
خيريه بعصبيه: را يشوفكن ايوب ريحن روحكن
نزلو الدبش وخشن الصبايا بالزغاريت وسلمن وكانت خيريه مبتسمه وتستقبل أمور ولدها🤦🏻‍♀️
وركبن لشقه ايوب
اسيل: والله ماشاء الله
فايزه: مش وقت هي بسرعه
خالتها: تعالي فايزه
وبعد كملن وضيفوهن وكان جو حلو وهادي وكانت اخت خيريه تحكي خيريه ساكته وتوزع في ابتسامات مجامله
لم جوا يبو يركبو اسيل درات لقطه لي نوران وغيرت قاعدت نوران مفروض تركب مع يوسف واسيل مع امير
نوران: والله نوريك ياكلبه😒
وركبت في سياره يوسف مع خالته وبنتها وبنات خاله
خالته: صورتن يابنات
نوران: صورت اسيل انظني
بنت خاله: اها اسيل ماشاء الله عليها
نوران: سلمك
وكان باقي السيارات زايطات اغاني وتبيب وجو حلو الا سياره يوسف كان واضح عليه مش رايق بكككل.
في سياره امير
اسيل: امير علي صوت اخره
امير: حاضر
وقعدن بنات يصفقن وجو اسيل تصور
وصلو واخيرا وصباح كانت على نار
وخشت اسيل وجمانه
جمانه تزغرت واسيل تعطي في شتاوات
صباح: شن صار يابنات😭
فايزه : ماشاء الله
موده: شقه خيال واتات وذوق خيال بككل
نوران: ماشاء الله مبروك عليك ياخيا كلشي ع قصد نيتك والله
اسيل: بس شكله بونسيب ذوق شقه خيال خيال حرفيا
خالتها: خشت هي تزغرت.. ماشاء الله مبروك يابنيتي
وحضنت صباح
وقعمزن بنات يورن فيها الصور
صباح: عليك تصوير مرعوش
اسيل: بالي صورتك ياقرده نصور ولا نفرش ولا ايش ندير
ساره: بس حي كلشي دايره ع ابيض سلميلي على تعب
صباح: عادي عادي😂
مسره: تراه وريني الصاله ماشاء الله ذوووق
زينب: طول وانتن غادي عبيطه تبكي وعمتي نجمه تحظن وتبكي دران دراما سمحه😂😂😭
مسره: ياهبله تي هضا فرحك افرحي وعقبالنا كلنا يارب
اسيل: مبروك عليك وعقبال
يجيني ريدي اللي في بالي😂😂
وقعدت يضحكن ورنت يسرى وبعدها سيرين فيديو وطولت المكالمه ماتخلش من دموع بدأت نوران💔😔.
//
عمر لبس سروال قماش اسود وقميص ابيض صيفي بارز عضلاته وسقم شعره وبخ عطره ولبس نظارته شمسيه وصكر باب غرفه الفندق ونزل ركب سيارته ومشى اتجاه حوشهم
دق الباب
اماني: نسرين شوفي من
نسرين: حاضر
نسرين: منوو؟
عمر: افتحي
نسرين عارفته من صوته وفتحت وحضنته بفرحه كانت مرايفتله
عمر: وخر من عليها .. وين امك
نسرين : بحتت فيه من فوق لوطه استغربت شكله.. امي جوا
عمر صكر الباب وخش
عمر: خير
اماني برمت عليه وبحتت فيه ودمعتها نزلت
اماني: اخساره تربيتك فيك ياولدي💔وبالي باتك توفا ولا شافك انت ويش اديري وطريق خشيت فيها اطلع برا مانبيش نشوف وجك رد من وين ماجيت
عمر:بحت في الحوش.. مازالتو نفس الحياه انتم؟
مهم مش جاي عشان حد نا ولا شي عشان نتلز انا جاي نبيك تخطبيلي ومفاهم هلها انه هلي في منطقه"..." فلمو دبشكم شريت حوش غادي وتقعدو فتره لين يتم العرس وبعدها اتشاو انا حنسافر كان عجبكم اقعدوا غادي👍🏼
اماني: بحتت فيه.. متحشم منا مثلا؟ عدي دور من تخطبلك نا لا وامشي قبل مايشوفك معتز
عمر: اسمعيني بس
اماني: ماتخلينش نهزبك واطلع
عمر: مش شوري انا كلمتي تمشي وهي لمو حاجتكم ولا عجبكم العيشه هنا
اماني: العيشه هذي هي كبرتك وربت خوك واختك وباتك تعب سنين بيش يبني هل حوش متهزي عليه انتَ
عمر : نعطيك كم يوم تفكري ونرد عليك وطلع
وأماني قعمزت ع كرسي طوله المطبخ وتبكي 😭
نسرين: خلاص ياماما اهدي
اماني: هضا مش وليدي هضا مش عمر💔😭
نسرين: خلاص يمي وسعي بالك بس 😭
//
نادر في إستراحه عُمل !
صاحبه: هضا هو ياغالي مهم امي تتصل شويه بس اكيد تتطمن عليا تغديت ولالا 😂
نادر : ربي يخليها لك 😔
وبعد صاحبه بيش يحكي مع أمه
ونادر رن على ساره لان يشوف فيها عيلته❤
نادر: الو
ساره: ايوه تسمع فيا
نادر: شن هرجه لحدك
ساره: عرس بنت عمي
نادر: ماشاء الله مبروك مبروك
ساره: الله يبارك فيك
نادر: رايفتلك 😔
سارة : بدون رد
نادر: سايريني ساره وكاني مادويتلك شي احكي معايا عادي قوليلي حبيبي وردي اهتمامك بيا واتصالاتك لين ربي ياخد امانته ونتريح 💔ماتعذبينش اخره وانا مش في يدي شي نديره
ساره دموعها نزلن: انا لعند توا مُش مصدقه ولا شي😭
نادر: إنحبك ساره والله لو انا ولد عيله وناس را توا خطيبتي ولا مـراتـي.. خايف من يوم زفتك يوم تكوني لِـراجل غيري يوم يمسك راجل غيـري يوم حتكوني ام لعيال مش عيالي مش حنقدر نحكي فيه معاك بعد يوم هضا مش حنقدر نرن مش حنسمع صوتك مره اخره نتمنى حِـاجه وحده من ربي ..ربي ياخدني قبل مانشوف يوم هضا
سارة: دموعها نزلن.. ان شاء الله لا مانبيش نكون لغـيرك نادر انا إنحبك وبعيد سوء عليك
نادر:خنقته العبرة.. انا شنو في يدي وانديره شهاده من دينك قوليلي وانا انفذ😔
ساره: حول ادور ع هلك نادر مافيش شي مستحيل😭😭نادر مرات مخطوف انتِ صغير ومرات ومرات في 100 احتمال افتح موضوع مع لمربيك معقوله بعد سنين هذينا كلهن مش قادر تفتح معاه موضوع مافيهش شي لو سألت
نادر: خايف من جوابه يجرحني اخره ننجرح اخره
ساره: لالا مستحيل على كلامك عليه شكله راجل كويس ويخاف ربي حاول معاه بس مرات عنده حتى معلومه وحده
نادر: يروح طيب وبعدين ساهل.. انتِ كويسه صحتك تمام
ساره: انا بدونك مش تمام
نادر تـَنـهـد بضيق بعد شاف دكتور يشورله تعال !
نادر: باهي ياامي استراحتي كملت ونحكو بعدين
ساره: ابتسمت لم قالها ياامي كان ديما يقولها فيها بس كانت مش فاهمه لعند فهمت توا