سِراجي

- ضُمور -

شكرًا على انتظاركم ^^

استمتعوا ~ 

-------------

#يوم جديد

صحى براء من النوم وهو يحس شوي وينفجر راسه من الصداع ..

جلس على طرف السرير يحاول يسترجع أحداث الليلة الماضية وكيف وصل لغرفته ..

كل اللي قدر يتذكره لحظة استفراغه ورجفة جسمه ..

تنهد وراح أخذ له شاور ينشطه شوي ثم خرج من غرفته بعد ما لبس بلوفر بقبعة وشورت لنصف الركبة ..

لقى شادي مجهز طاولة الطعام وأول ما انتبه له شادي قرب وسأل باهتمام: كيف حالك؟

براء بتعب: صداااع ..

سحبه شادي للطاولة: اجلس اكل وبعدها بعطيك حبوب تخفف من صداعك ..

جلس براء وبدأ ياكل، وفي هذه الأثناء فتح جواله لقى رسايل من سعد ..

"صباح الخير، إذا صحيت طمني عليك تمام؟"

"اليوم ماراح أقدر أجي عندي شغل كثير في المستشفى، وبعد أعتذر عن حفلة أمس وبعوضك بطلعة حلوة تغير جوك ♡"

أغلق براء جواله بدون ما يرد على الرسائل، وقلب الجوال على شاشته وكمل أكله بصمت ..

بعد الأكل جلس مع شادي في الصالة يتابعون التلفزيون بهدوء ..

لما نطق براء وعينه على التلفزيون: شادي؟

التفت له شادي: هلا، بغيت شي؟

التفت له براء: ممكن تعاملني كشخص طبيعي ما فيه مرض أو شي ؟

تفاجأ شادي من كلامه: أ .. آسف ما كنت أدري ان اهتمامي فيك يخليك تحس بهذا الشعور ..

هز براء راسه: ممكن هالشي طبيعي فيك لأنك ممرض، لكن معاي .. ممكن تتصرف كصديق أكثر من انك تكون ممرض؟

ابتسم شادي بخفة وهز راسه: طبعًا ممكن ..

التفتوا اثنينهم ناحية الباب لما رن الجرس ، واعتراهم الفضول ..

شادي وهو يوقف: غريبة، سعد قال انه ماراح يجي اليوم ..

براء: لو هو كان فتح الباب ماراح يرن الجرس ..

فتح شادي الباب وتفاجأ من الواقفين قدامه ..

لحظة صمت قصيرة لما سألت: لحظة أنا أعرفك ! اممم شادي صح؟!

هز شادي راسه: وأنتي جوري، أخت سعد ..

ابتسمت جوري ونطقت بضحكة: ايوه بالضبط هههههههههههههههه ..

سأل حسام اللي كان واقف معها: مين هذا؟ مو على أساس رايحين لبراء؟

ابتعد شادي عن الباب وهو يرد على حسام: أنا صديق براء ، تفضلوا، براء في الصالة ..