سِراجي

- انتكاسه -

أعتذر إذا فيه أخطاء إملائية ما أمداني أشيك ..

استمتعوا ~

-------------------

تجمعت الدموع في عيون براء أول ما التقت عينه بعيون الشخص اللي قدامه ..

ونطق بصوت مبحوح: خ .. خالتي .. !

ابتسمت خالته وعينها مليانة دموع ونطقت وهي تفتح ذراعينها: حبيب خالته ..

أسرع براء بخطواته وارتمى بحضنها وهو يحس بذراعينها تضغط عليه بقوة من الشوق اللي فيها له ..

فلتت منه شهقة وتلاها بكاءه وشهقاته المتقطعة ..

يحس انه في حلم، ولو انه حلم ما يتمنى يصحى منه أبدًا ..

ابتسم سعد على منظرهم وهو ماسك دمعته لا تطيح ..

انسحب بهدوء للمطبخ عشان ياخذون راحتهم ..

ابتعدت الخالة عن براء وحضنت وجهه: خلني أكحل عيوني بشوفتك ..

كبرت ، برزت ملامحك ، صرت وسيم بزيادة ..

هربت منه ضحكة بين شهقاته وضحكت خالته وعيونها مازالت غرقانه بالدموع ..

سحبته وجلسوا على الأريكة وهي للحين تتأمل ملامح وجهه وتمسح على شعره ..

مسح براء دموعه: كيف؟

خالته: ايش اللي كيف؟

براء: كيف رضى زوجك؟

ابتسمت: سعد تواصل معه، والصراحة ما أدري كيف أقنعه جرت بينهم محادثة 5 دقايق وفجأة قال لي موافق ..

عقد براء حواجبه: كيف سعد قدر يوصل لك؟

هزت خالته كتوفها: مدري ، بس مو مهم ، المهم اني قدرت أشوفك ..

هز براء راسه ووقف ، سألت خالته: وين؟

براء وهو يتجه للمطبخ: بشكره ..

دخل للمطبخ والتفت له سعد اللي كان يشغل نفسه بالأدوات ..

ابتسم سعد: عجبتك الهدية؟

هو المفروض ما أسألك لأنه واض-

قطع كلامه براء اللي فاجأه بتعلقه برقبته وعناقه بقوة ..

حاوط سعد خصره وضحك: أوكيه ما توقعت هالشي هههههههههههههههههههه ..

براء: شكرًا، شكرًا، شككككرًا !!

أحلى هدية تجيني في حياتي كلها !

ضحك سعد وبعثر له شعره: أهم شي سعادتك ههههههههههههههههههههههههههههههه ..

ابتعد براء عنه وناظر فيه: اليوم أنا أسعد إنسان في الدنيا ..

ابتسم سعد وهو يتأمله: حتى لو ابتسامتك بالغصب تبين ، عيونك تضحك من السعادة ..

دفعه بخفة جهة الباب: بس خلاص روح لخالتك لا تضيع وقتك معي ..

هز براء راسه وطلع من المطبخ، أخذ خالته وحقيبتها معه للغرفة بعد ما ودعوا سعد اللي طلع ..