أذا تعرف بروحك ماتضل وياي
الحچي بأول أيام شجابرك گلتة 🚶♀️
بقلمي#اسراء_السعدي
حسابي لانستكرام: aass_736
الدكتور: استاذ غضب ما اعرف شنو احجي وشنو اكول بس زوجتك احتمال يصير عده فقدان ذاكره من تصحه بسبب الحادث من ندعمت واحتمال ما يصير هاذا الشي ما نكدر نقرر اله من تصحه
حطيت ايدي على راسي ونزلت راسي
غضب: دكتور يعني افهم من كلامك مرتي اذا صحت ما تعرف احد
الدكتور: مو اكيد احتمال مابيه شي بس هاذا توقع نسبه50٪
غضب: دكتور عادي ادخل اشوفه
الدكتور: اي عادي
طلعت من غرفه الدكتور ورحت للغرفته اباوع عليه مثل الملاك لبس ملابس خاصه ودخلت عليه
خليت ايدي على خده ونزلت دموعي
ام غضب: ها يمه راح تروح للمستشفى
غضب: اي يمه رايح
ام غضب: الله يكومه بالسلامه
غضب: امين في امان الله
صعدت بالسياره وتجهت للمستشفى مرت ثلاث اشهر وهيه بغيبوبه امي بين فتره وفتره تروح عليه وامه وخواته يبقن يمه بالنهار واني باليل بسبب دوامي والولد لي دعمه سافر خارج العراق وما كدرت الزمه واسمه معمم بكل العراق وما يكدر يرجع بعد وصلت للمستشفى ساعه8:00 دخلت كالعاده كله صارت تعرفني رحت الغرفته وكعدت كالعاده اسولف على يومي
غضب: حبيبتي اسو كافي كومي والله تعبت راح اتخبل بسببج تدرين اليوم بالمحكمه عندي مرافعه واني صافن تدرين راح اخسر شغلي كافي والله ارجعج لاهلج بس كومي حبيبتي گلبي وعقلي وكل شي يمج تدرين شكد احبج اني لا ما احبج اعشقج اموت على ربج بس گومي كافي ما بقه عندي طاقه
بقيت اسولف وياه وهيه نايمه قربت الكرسي يمه ولزمت ايده ونمت كالعاده
صحيت على احد يضربني على راسي
رفعت راسي واني اشوفه تباوع عليه وتضحك
اسراء: هههه عموو شنو هاي ليش نايم هيج ههه توجعت موو من ضربتك اسفه مو قصدي
حضنته حيل وحسيت ضلوعه تكسرت بيدي بقيت حاضنه وهيه ما ادري شسولف بس اشياء غريبه
نصدمت لا يا ربي بس لا كلام الدكتور تحقق
اسراء: عمو اريد بابا
غضب: اني ابوج
اسراء:ليش ما اذكرك لعد ليش اني هنا وليش نايمه هيج وشنو هذني شجابني اريد اهلي
تحجي وتأشر على لاجهزه وكامت تبجي
طلعت من الغرفه واسمعه تحجي
:شنو هاي بابا وين رايح
مديت راسي من الباب: نتضري بابا هسه اجي
رحت ركض للدكتور وطبيت بدون لا ادك الباب
غضب: فدوه دكتور اسراء صحت وكاعده تهلوس مدري شتحجي
دكتور: تمام جاي
طلع الدكتور كدامي واني ورا دخل للغرفه ودخلت ورا وكف يحجي وياه ويفحصه
دكتور: تعال استاذ غضب وراي وعوف سراوتي ترتاح شويه
جيت اضرب الدكتور بوكس على وجه بس تماسكت نفسي
طلع الدكتور واني وكفت بابا الغرفه
