:ثم ماذا..؟
ثم تخطيتك كجندي يتخطى جثث اصدقائه ليكمل الحرب..
بقلمي#اسراء_السعدي
ضرب الباب قوي تفلشت اله شويه صحت علي
: اكف اكف هسه راح انزل بس خلي اتأكد محد كعد
غضب: بسرعه
نزلت للصاله واني متأكده كعدو على صوت الضربه بس الحمد الله محد كاعد خليت شال على راسي وطلعت فتحت الباب على كيفي
: انته مخبل شعندك جاي بنص اليل
غضب: اي مخبل والله احبج ليش هيج عذبتيني وعفتيني فجأه
سحبني من ايدي للسياره
: عوفني وين موديني ترا احنه منفصلين غضب الله عليك عوفني لا تخليني اصيح شتريد مني
غضب: عادي صيحي ماكو مشكله
دخلني للسياره وصعد بصفي
غضب: هسه احجي ليش سوين هيج بس انطيني فرصه اخيره والله احبج اسراء والله ما اكدر بدونج 5 سنوات جرعت المر بدونج وجنت ما انام اذا ما اشوف صورتج وكل يوم ارجع من دوامي اشوفج من داومين ارحميني اترجاج اني اعترف جنت غلطان بس مو بكيفي تصرفاتي ولا بوعي مني ما اكلج سامحيني فد نوب بس نطيني فرصه اخليج تنسين وسامحيني نطيني أمل وخط رجعه احبج والله ومستعد هسه انزل واكول للعالم كله اني احبج ولج انتي بنيه گلبي وشمامه حياتي وضوه عيوني انتي هنا مكانج بگلبي بدونج ما اعيش ولا اشوف والله احبج احبججج حسي بيه عاد مو متت الف مره بدونج
:افكر انطيك أمل بس ما أكدلك راح اكدر اسامحك تبقه انته وشطارتك لان اذيتني هواي مو بسهوله انسى كل شي
حضني حيل
غضب: بويه شكد مشتاقلج وميت عليج ولج نش.... بهاي الخمس سنوات ن.... من وراج شسويتي بيه
: وخر عني يمعود شنو هاي لالفاض وبعدين خلي ارجع انام نعست وخاف احد يكعد ويحس
غضب: بس شويه خليج هنا وربي مشتاقلج حبابه
دفعته حيل لان ركزت ريحته جانت ابد مو طيبه
: انته شارب
غضب: اششش اسكتي خلي اشبع منج
: غضب كاعده احجي وياك وجاوبني انته شاري
غضب: اي شارب من وراج انتي خليتيني اشرب
ردت انزل ولزمني من ايدي
غضب: اخر مره اشرب بس اذا عفتيني كل يوم اشرب واجي هنا وابقه اصيح واخلي العالم كله تعرف اني احبج
: كول والله
غضب: والله
رجعت كعدت بمكاني وهوه يريد يحضني
: يمعود غضب تراا حرام احنه منفصلين ما يصير
خله اصبعه على شفايفي وحضني حيل
ختنكت دفعته
: خلي اروح لا عبالك سامحتك مو بسهوله تراا
ضحك وهوه يأشرلي انزل نزلت اركض والهوى يضرب بيه طبيت للبيت ورحت الغرفتي ارجف جوه البطانيه كوه نمت خوف وقلق وبرد
غضب صار كل يوم اشوفه بالمحكمه صرت اعرف وتعلمت هواي شغلات الفضل للمحامي وغضب واحمد طبعاً كل يوم توصلني هديه من غضب وكل يوم يجي يم بيتنه بليل ويبقه واكف مرات احجي ويا ومرات اسوي نفسي نايمه وهوه يمل ويروح بس اني اباوع علي من الشباك كل يوم يشغل اغنيه جديده بس اكثر اغنيه مال سعد الحلي (حبيب امك متقبل من احاجيك) احس گلبي رجع ينبض اله رجعت احبه بس مو بهاي السهوله كل شي ولا كرامتي اشلع گلبه نفس ما شلع گلبي
ستمرت لايام وبقه الوضع نفسه لمده 15يوم
وصلت للمحكمه وصفيت سيارتي وغضب وصل بنفس الوقت
غضب: صباح الخير ياالخير كله
بأبتسامه: صباح النور
غضب: شلونج حبيبي
: تمام الحمد الله انته شلونك
غضب: شفت بنيت گلبي وشمامه حياتي وصرت بخير
: عسى دوم يله امشي راح نتأخر هاي عود انته الجبير
غضب: هوه انتي بقيتي بيه جبير سحلتي گلبي من صباح الله
دخلنه للمحكه وشفت محامي ويانه بنفس الغرفه وجان دائما يسولف وياي ويشاقه ويباوع عليه بنضرات اعجاب بس اني متجاهله نضراته ومعتبرته زميل فقط ما مهتمه اله
أيمن: صباح الخير شلونك ستاذ غضب شلونج ست اسراء
غضب واسراء: الحمد الله
أيمن: ست اسراء ممكن ثواني من وقتج
غضب: اي تفضل احجي تسمعك
أيمن: اسف منك ستاذ بس موضوع خصوصي شويه
حبيت احركه بنفس النار الحركني بيه وهاذا جزء كلش بسيط وقليل يم أذيته اليه
: تفضل ستاذ أيمن
أيمن: تمام من رخصتك
مشينه واني اشوف عيون غضب تريد تنفجر دخلنه غرفه المحامين جان محد بيه بس 2 وملتهين بشغلهم
أيمن: اسراء ياريت سمعيني وتفهميني زين والله قصدي شريف واني ناوي خير ومو مثل باقي الشباب اني كلش بعيد عن سوالف العب والمزعطه صدكيني اني معجب بيج واريد اجي اخطبج بس انتضر منج موافقه واجيب امي واجيكم من الباب اني من اول يوم جيتي هنا واني عيني عليج ونعجبت بيج وعرفتج وعرفت اخلاقج ما شاء الله كامله من كل الجوانب وانتي تعرفيني اني تخرجت من كليه قانون قبل سنتين وتعينت هنا واحنه عائله كله متمكنه واصله واني كتلج انتضر موافقتج حتى انطي خبر للوالده وانتي قرري
: ما ادري شنو اگلك ستاذ أيم...
أيمن: ياريت ما تكولين ستاذ ونعوف الرسميات واني ما اريد جواب هسه اليوم خميس يوم لاحد نطيني جوابج وان شاء الله خير
بقيت صافنه هسه شنو اسوي وشنو اگول الغضب بس افتح حلكي يعدمنه اني وأيمن هاذا مخبل
: تمام من رخصتك
طلعت من الغرفه وشفت غضب يفتر بالممر يروح ويرجع
نتبه عليه اجه يمشي بتجاهي وهوه صدك صاير غضب
سحبني من ايدي ويمشي سريع واني احاول اصير بمستوى مشيته حتى ما تنتبه الناس وهوه يريد بس يوصل للمكتب مالته
حسيت راح يموتني
دخلني للمكتب وقفل الباب
غضب: انتييي شلونن ترحيننن ويااا لا وكداميي همم شنو جاننن يريد منجج احجيي ابن..... يگلي موضوع خاص لو ما بالمحكمه جان ش..... گوا..... سا... اني اعلمه اله اطلع حركان دمي من خشمه احجي شنو يريد منج قبل لا اروح اموته هسه كدام العالم........
لا تكولون البارت قصير لان صح قصير 😂
هسه كتبته ع مودكم وهاذا هديه وتعويض لان تأخرت بالبارت اليوم
دمتم سالمين❤❤
