- حتَ بٳظافِرها
الصغار تَتميز بت گلبي ..💙
ام غضب: هاا بشري حامل لو لا
ما كدرت انطق من كد الفرحه ثمره حبنه هاذا ومعانات سنين نطيته التحليل وهيه شوفه
ام غضب: الف مبروك يمه الله يكومج بالسلامه
: الله يسلمج عمه حبيبتي اريدج ما تكولين الغضب خلي اسويه مفاجأه
ام غضب: صار تدللين
شفت بعيون عمتي دموع وفرحه فرحتني اكثر
دخلت نارين وهيه تفرك بعيونه
نارين: شكو شبيجن فرحانات
: راح صيرين عمه
نارين:شلون يعني
صفنت شويه وكالت
نارين: صدك كولي والله
: هاج شوفي التحليل
اخذت التحليل شافته وكامت تكمز وجتي حضنتني
نارين: الف مبروك حياتي تكومين بالسلامه الله راح اصير عمه واخيراً ويصير عدنه طفل بالبيت
عمتي ونارين بس عرفن حامل ما يقبلن اشتغل وياهن وعمتي دزت التبسي للجيران وكعدت تسوي دولمه خطيه ما قبلت اني كعدت اسوي وياه وكوه قبلت اساعده
كملنه الدولمه وحطيناه على النار واني كاعده بالمطبخ انتضره تستوي
ستوت الدولمه وما تحملت حطيت بالماعون شويه وكعدت اكل ونارين تضحك عليه
خلصت اكل واجه غضب من الدوام وتغدينه واني وكعت على الدولمه ميته وهمه يضحكون عليه وغضب بس يضحك ويكلي اليوم شبيج
نارين غسلت الماعين واني ساعدته شويه وهيه ما تقبل شحتتني من المطبخ صعدت للغرفه وشفت غضب كاعد يباوع بتلفونه كعدت كباله وسحبت تلفونه وخليته على الجربايه
: احم اسألك سؤال
غضب: جواب
: تريد جهال لو لا
غضب: اي طبعا اريد اصلا اموت على الجهال اني
: امم احنه كم نفر بالعائله
غضب: احنه اربعه
: خوش لعد راح نصير 5 نفرات عن قريب
غضب: ان شاء الله
بقيت صافنه ما شفت منه رده فعل معقوله ما فهم
: شبيك اني حامل
طفر من مكانه
غضب: شنو شنو حامل
: شبيك حبيبي مصخن
غضب: يعني حامل بطفل هسه انتي
: لا حامل بدينصور لعد حامل بشنو حبيبي اي بطفل مدكلي شبيك
حضني وهوه يضحك
غضب: يعني راح اصير اب يا ربي الحمد الله مبروك عمري
نومني على ايده واحنه نفكر شنو راح نسمي اذا بنيه او ولد ونسولف
كعدت الصبح حتى اسوي ريوك الغضب حتى يروح الدوامه كعدته قبل لا انزل ونزل وياي
كعد على الميز واني اسويله اكل كملت لاكل وكعدنه ناكل ثنينه
غضب: حبيبي حضري نفسج اليوم من ارجع نروح للدكتوره نطمأن عليج وعلى الطفل
: ان شاء الله حبيبي
راح للدوام واني رجعت نمت
كعدت وساعدت عمتي شويه بالغده وهيه ما تقبل تريدني ابقه كاعده واني ما اكدر اريد اتحرك
