#عشيق_زوجتي_في_بيتي
#بقلم_بتول_حسين
#البارت_الاول
----------------------------------------
كل من أُصيب في غير قلبه، مُعافى .
----------------------------------------
مسلم : نزلت من سيارة صديقي لان متعودين نروح ونرجع سوه اني وبعد ثنين اصدقائي ،، رن جهازي طلعته من جيب بنطروني وشفت الاسم امي رديت عليها
رنا : الو ها يبعد امك تجي اليوم ؟؟
سويتلك شلون برياني يلوگ لوجهك الحلو
مسلم : اي يلغالية هسه وصلت راح اخذ تكسي واجي لا تتغدون انتظروني ما اطول فصلت المكالمة ،، اني عادتي كل مره انزل من دوامي للسوگ اتسوگ للبيت لان الوحيد المعين لأهلي بعد مستشهد اخوي الازغر مني وعندي اخت مزوجة
ابوية عندة محل زغير بلبيت لان ممتعود على الگعدة بلبيت واغلب وقته بلمحل ومنطقتنا مابيها بيت غريب كلها عمامي وولد عمامي وعماتي بيت بصف بيت
قبل المسواگ وگفت بمطعم للسمج ووصيت على سمجتين كبار يشويهن وطلعت من المطعم اتسوگ للبيت ولمحل ابوية
ورجعت للمطعم بعد نص ساعة من تعب وفرت السوگ اجرت سيارة ورحت للبيت اول موصلت للشارع ولد عمامي ثنين واگفين ازغر مني
نزلت من السيارة وصحتهم حتى يساعدوني بتنزيل المسواگ ،، بعد منزلنا العلاليگ والكراتين من السيارة دخلناهن للبيت وامي ضلت تعزل بيهن وولد عمي ماقبلت يطلعون حتى يتغدون ويانا
رحت سبحت وبدلت وگعدت اتغدة ويا اهلي
مازن : ابني ليش ماتحچي ويا عمك يشوفلك من معارفة وينقلك لمكان بغداد هم قريب علينا وهم احسن من مكانك هناك خطر على الحدود
يوم كامل يله توصل ألنا وكل مره تروح نضل نفكر بيك ونقلق والاوضاع موزينه يابه
مسلم : حچي ماكو واحد يموت ناقص عمر اني مرتاح هناك وكلشي ماكو لا تخاف كلها حررها الجيش وماكو شي
رنا : يمه وهاي الشهداء انت دومك مفرفح گلبي ولك يمه شوفلك واحد ينقلك انت وحيدي ضليت ماريد اشوفك مثل مشفت اخوك
مسلم : انشاءالله خير تغدي ولا تشيلين هم اني احچي ويا عمي ،، تغدينا وولد عمي راحو لبيوتهم واني دخلت لغرفتي لان تعبان من الطريق
تمددت على الجرباية واخذت جهازي اتصفح چنت معلق على منشور تافه لبنيه بكروب بلفيس مرزلها بلتعليق
شفت رد من بنت ثانية كاتبة بلتعليق مو حلوه بحقك حضرة الملازم مسلم هيج تفشل البنية المنشور مبين تشاقة بس الضاهر عصبي زيادة شوية
ضحكت على تعليقها ودخلت لحسابها عجبني حسابها ومنشوراتها دزيتلها طلب وغلقت جهازي ونمت ب 2 الظهر گعدت ب 8 بليل ولو مو جوعان ما اگعد على تعب الطريق
أنت تقرأ
(وجـمــعـنـا خـذلانـهـم)
Mystery / Thrillerحاصلة على المركز الاول في 2023/3/23 احبها وتزوجها ولكن وظيفتة اجبرته عن الابتعاد عنها لفترة وبعد عودته يكتشف خيانتها ومع من اقرب الناس بعدها يعرف ان حاميها هو حراميها ماذا سيحدث بعد الكارثه التي يراها وهل يستطيع تحمل هذا العار
