(وجـمــعـنـا خـذلانـهـم)

البارت الخامس عشر 15

#وجـمـعنـا_خـذلانـهـم

#بقلم_بتول_حسين

#البارت_الخامس_عشر_15

--------------------------***--------------------

وَتَحسبهُ تَدميراً وهُو تَدبيراً ، فـَ صَبراً . 💙

--------------------------***--------------------

مسلم : بعد مصارت يقين قريبة عليه گدرت ارتاح شوية من الشك لان گبال عيوني دائماً ومراقب كل تصرفاتها وطلعاتها ووصيت هيثم يراقبها من اني ما متواجد

بلنسبة لجهاد عرفت طبيعة تفكيرة وانطيت لواحد ثقة فلوس وخليته يراقبة ردت ألزم شي عليه حتى اخذ حق يقين لان هيه ممخليه كاميرات بيتها ومن حرگ السيارة ماكو دليل عليه وكلش انقهرت من هذا الشي

عرفته مراح يتركها بحالها وفكرت اسبقة بخطوة حتى اذا اتعذب بس اهم شي اخذ حقها ضليت متواصل ويا الولد المراقبه ودائماً اوصي حتى لا يغلس عن شغلة وتضيع منه فرصة نلزم شي عليه

وجهاد طبق المثل من حفرة حفرة لأخيه وقع فيها
رايح متفق ويا ناس وهذا كله مسجلة الولد متفق وماخذ وحبوب ومشروب وبكمية جبيرة كلش

وهذا الشي لفت انتباه الولد وصور رسلهن أليه واني احتفظت بيهن بس متوقعت راح توصل بي لهاي الدرجة ويسوي هيج

بيوم چانت يقين عازمة امي ونسوان عمامي وچناينهم اتصلت عليها ردت عشه ورحت اخذت العشه ورجعت لبيتي تعشيت بسرعة وبديت ارتب الاكل الزاد بلثلاجة اندگت الباب دگة قوية استغربت وبسرعة طلعت من المطبخ فتحت الباب

شفتها يقين بملابس البيت وشامره الحجاب على راسها وترجف وتبچي احس تربطت وماعرف شنو اتصرف من شفتها هيج

يقين : مسلم ألحكني حباب راح ياخذوني للسجن

مسلم : شنو ياخذوج شنو الموضوع اهدي خلي افهم منج شنو صاير

يقين : اتصلو عليه قبل شوية ماعرف شنو صاير بس الشرطة يريدوني وهسه بلمجمعات ولان ميندلون عنواني الجديد اخذو رقمي من جنه واتصلو يگولون اكو حبوب وماعرف عن شنو يحچون

مسلم : تحچي وتشهك غير رجفتها اتمنيت ألمها بحضني واخليها اتأمن وتسكت احتاريت شلون اسكتها ،، روحي بدلي ملابسج وتعالي وحاولي تهدين الخوف والبچي مراح يحل شي لا تخافين اني وياج

راحت واني لبست الزي العسكري واخذت هويتي ورحت لعمي محمد سولفتلة وابن عمي الثاني هم سولفتلة ولبسو الزي واخذو هوياتهم ورحنا لبيت يقين

اتصلت عليها وطلعت وامها وياها تبچي وتوصيني عليها ويقين من شافتنا هيج حسيتها حست بأمان
اخذناها ورحنا للمجمعات شفنا الدنيا مگلوبه هناك

دخلت وياهم وشوفونا الحبوب وصناديگ المشروب بكمية جبيرة وبلمخزن شلون هيج صار مافهمنا رحنا للتسجيلات معطلين الكاميرات بس شفنه اخر شي واحد مغطي وجهه كسر الكاميرات وماكو واحد منتبه للكاميرات البرا المجمع وماكو واحد منتبه للقفالة لأن فاتحين المجمع بطريقتهم ،، مهملين اليشتغلون بلمجمع