(وجـمــعـنـا خـذلانـهـم)

البارت السادس عشر 16

#وجـمـعنـا_خـذلانـهـم

#بقلم_بتول_حسين

#البارت_السادس_عشر_16

--------------------------***--------------------

و ليش من گتلك لگيتك ضيعتني

--------------------------***--------------------

يقين : ضلينا نحچي مارحت للمجمعات اليوم ،، استمرت مكالمتنا لل 1 بليل وهو كل شوية يسأل ها موافقة لو لا ،، واني اگولة لا مموافقة بعدني مقتنعت وهو يضوج ويحاول يقنعني واني اضحك عليه ماعرف ليش من اتخيل شكله وهو عصبي اضحك

ترخصت منه وفصلت المكالمة لان نعست وما اريد يضغط عليه اكثر اريد افكر هيج خطوة صعبه كلش علينا ثنينه اذا افكر اوافق المفروض اتحمل شكه واحاول اغيره هيج صعب عليه لان نفسيتي مو متحمله اي شي

صحيح احب مسلم بس الحب وحده مو كافي بعد جهاد صعب ادخل شخص ثاني بحياتي وبعدين اني اريد شخص يطلعني من حالتي الوصلتها بسبب جهاد وخذلانه مامجبورة اتحمل مسلم وادوس على نفسي

واني بهذا التفكير غفيت وگعدت الصبح ب 9 بس زوجة اخوية موجودة بلمطبخ گاعدة امي وجهال اخوية نايمين

غسلت وگعدت اتريگ وياها وضلينا نحچي بموضوع مسلم ووضحتلي هسه هو من حس بأمان ومتأكد راح اوافق بعد الشك ورجع انسان طبيعي يريد رضاج وسعادتج و بس

وفكرت بيها صار يومين ميحقق وياي مثل كل مره ولا يدقق بكل شي بس اخذت حذر رغم كلام زوجة اخوية ضليت احچي ويا اربع ايام و كل يوم اراقب تصرفاتة

حسيته طبيعي ومن اروح للمجمع وارجع ميضوج بس ينتظرني ارجع حتى يحچي وياي بليوم الخامس گعدت الفجر واني ماخذة قراري اوفق واترك كل شي بيد الله صليت وسبحت وقريت قرآن لل 6 الصبح رجعت نمت ساعتين وگعدت تريگت

وانطيت موافقتي لأمي واتصلت على ام مسلم وگالت ألها يقين موافقة  سمعت الهلاهل خطية امه فرحت كلش

بعدها بربع ساعة اتصل مسلم رديت عليه ،، الو

مسلم : اخخخ ربي ارحم صمام گلبي اروح فدوة ونذر لهذا الصوت صدگ وافقتي

يقين : اي وافقت

مسلم : احلى صباح هذا ،، حضري نفسج العصر نروح نشتري حلقات وهاي سوالفجن لحفلة الخطوبة حتى باجر نسوي الحفلة

يقين : على كيفك شكو مستعجل هيج اني اروح ويا زوجة اخوية احضر للحفلة براحتي وبعد اسبوع الحفلة مو باجر

مسلم : يقين صار اسبوع منتظر موافقتج مو كافي حقارة

يقين : بعدنا بلبداية وصرت حقيرة لعد من نزوج شسوي

مسلم : لا هاي معليج بيها هاي شغل زلم ارجوج لا تدخلين بهذا الشي

يقين : شگد سخيف باي ،، فصلت المكالمة چنت احچي ويا بلصالة وامي وزوجة اخوية گاعدات ضلن يضحكن عليه