️
[البارت الخامس]
"غزل"
رجعت عمه صباح والحيره ؏ وجهها، فجأة مانشوف غير باب الصاله اتفلگحت (انفتحت) طب زلمه ايده مظبره وعيونه تجدح، شرايين وجهه ناطه ووجهه گالب ازرگ من العصبيه، عاط بصوت هز البيت هز
-تزوجتي وعفتيني يا خاااااينه
گمز ؏ جوريه وكظهه من ايدهه
-لچ شلوووون هلچ تخونيني شلوووون
-جوري(گمت ابچي من شفت حالته): غزوان فدوه ايدي جاي توجعني
-صباح: غزوان عمه فدوه لا تسويلنه هوسه الله يخليك
-الحجيه عطيه: هاي شمالكم شصاير
ثواني واذا نشوفلكم امة الثقلين متجمهرة بالباب، اجانه صوت عميد الدين الخشن
-يا الله ياا الله يا نساااوين تسترررن يا نساووين حيدخلون زلممم
ركض دخلت جوة والبنيات ويايه جوري ادگ ؏ وجهها خايفه وهجران تهدي بيهه، لبست شلون مچان وانه اسمع عياط الزلم والهوسة تگولون عزه بالصاله، عفتهن بالغرفه وطلعت واذا اشوفلكم غزاوان دگولون داخل معركة، اخوان هجران كاظينه كلمن بجهه، وابوهه يعيط.. يباااو شجاي يصير انفضحنه وتخزينه، كل هذا وفيصل ماكو لكم هذا اخوي الفاهي ويين!!!
-فارس(ابو هجران): غزواان استهدي بالله لك ابنييي شلون تدخل ؏ البنات بهالطرييقه!!!
جر حسره شگت صدره
-غزوان: ولكممم آآآآآآآه هيج تسوون بيه هييچ تأذوني(انداريت ؏ عمه صباح) وانتي يا عمه شلووون تنطيهه لغيري استغليتو الوضع كلتو اييي غزوان مسوي حادث ومظبر ورايح ويه اهله لأيران علمود العلاج اكيد ميدري بخطوبة حبيبته الفنه عمره كله يتمناهه وينتظر اليوم اليجي ويشوفهه بحظنه
-صباح: عمه غزوان حبيبي البنيه متريدك خطبتهه كم مره وترفضك واحنه منگدر نجبرهه ؏ شي ونصيبهه واجاهه شلون يعني....
قاطع حچايتهه دخول فيصل الوجه احمر والحاله حاله، وين چان هذا وليش هسة ياله دخل، سحب غزوان من ايده بكل قوته وانطاه بوكس فلش وجهه، نام ؏ صدره وعاط
-فيصل: لك عااار تكض مريتي وعلي اليوم اذبببحك بأيدي مثل البهااايم
بده يضرب ويكتل بي وهذاك مستسلم عبالك مجنز، شبعه دفرات ؏ بوكسيات، يحاولون يجرونه بَـس مايگدرون فيصل صح قصير بَـس ايده گويه ومن يطگ واحد اله يكسره بمكانه
سمعنه عياط الزلم بره وثواني واشوفلكم بكر وعميد الدين ومرتضى(اخو عميد الدين) واخواني الباقين جوة، كلهه تصيح وكلهه تتعارك حسبالك داخلين مجزرة، وفيصل نايم ؏ الزلمه والي وليه مابطل يكتل بي لحدما سمعنه صوت رج البيت وخسف چبودنه من الخوف
-سيد خليل: ولك فيصصصصل
-فيصل: بوويه عوفني اليوم اطلع حليب امه من خشمه هالسگططط
YOU ARE READING
شفاه مخملية
Romanceواگف كدامي وعيونه يتطاير منها شرار وكلهن غيض وحقد گلب شعره الاسود گال بنبرة ماكره _ انتي ياهو يگلبج هو اني وكوه دبسوج بيه ولوما خذيتج جا برتي على فاد اهلج يبنت الچايچي الفكر نزلت دموعي تجوي خدودي وگلبي احسه وكف مينبض ابد گوه جمعت قوتي وگلت بس ان...
