دريـت وگالو اسكت لاتحاچيهم
ترى الضنيت بيهم خير لا کل خير مابيهـم
ورا الجوبي تعبت بدلت وغسلت نزلت اني و الولد طلعنه نفتر
عبد الله ... اكلك محمد
محمد ... كول
_ شايفك ضايج بيك شي
_ لا بس تعبان شوي
_ امشي ارجع للبيت
_ ليش يول
_ مو دكول تعبان ارجع نام شبيك
_ عجل خوش يلا باجر اشوفك
_ اي الله وياك
رجعت وعمامي بعدهم موجودين عوذة خلي يولون من الصبح لسه لازكين يمنه فتت كبل لغرفتي بعد ماطلعت يمهم العب بتلفوني وغفيت لصبح كعدني غضبان
غضبان ... محمد كوم يول كوم
محمد ... ها ولك غضبان مو انت عريس شطلعك شو كاعد قبلي
غضبان ... يول نجب وكوم وذا عريس
كمت غسلت وبدلت سمعت صوت امي صاحتلي
_ يمه محمد تعال تريك
_ جيت يوم جيت
رحنه اتركينه اجو غضبان ومرتو هم كعدو مرتو تستحي كوه تاكل غضبان يسويلها لفات ويدير وجها من شفت غضبان يطيها لفات خربت ضحك واني واخوتي نتحاجه ب الاشاره وب العيون عباله مانشوفه ونضحك بدون مينتبه علينا خلصنا اكل اني كمت طلعت يم جماعتي شوي وخابرني عبد القادر
محمد ... ها يولي اكو شي ترى هسه طلعت من البيت
عبد القادر ... احم تعال اجوك خطابه
محمد ... يولي انجب شنو خطابه احجي عدل
عبد القادر ... عجل ماصدكني راح اسده وماحجيلك كلمه لو تموت
محمد ... نموري تحجي لو اجي ادكك تعرفني صارلي هواي ماداكك
نموري ... تخوفني حضرتك يعني من ورا الاتصال وتهدد
محمد ... يعني اجيك واسويها صدكك لك احجي يولي شنو خطابه
_ اني طبيت ولكيتهم يسولفون بيك يكولون ( اسودي ) خوش مره اريد اخطبها لابني اني اجيت اكلك قبل لا تنصدم وماتعرف تجاوب فكر ع راحتك يولي هاي حياة زوجيه مو لعبه واي قرار تاخذ اني وياك بي اسودي موتكول محد وكف وياي بقراري
_ جايك يولي اني اعلمك هيج تسولف وانه بعيد عنك
_ ههههههههه لا جذب اجو عمامي وزلم من العشيره يباركون بعرس غضبان وبس اني هنا وكلي غضبان خابر اسودي يجي واني خابرتك
_ جايك ليوم اشبعك دك ع هذا لسانك
رجعت سلمت ع الزلم تغدينه وكملنه واجيت لكيت عبد القادر بلمطبخ كاعد يعلف ( ياكل ) ومسكتو من قميصو
محمد ... ولك عبدالقادر تنكت عليه
عبد القادر ... يولي جنت اشاقيك ولله شبيك
محمد ... ولك اني مره واجو يخطبوني
YOU ARE READING
عشك النقيب
Fantasyاعصااب .. قتل .. تعذيب .. غصب .. طاعه .. اجبار .. تسرع .. تقليل من شأن المراه .. اغتصاب .. طلاق .. فصليه .. مكر .. غدر .. طعن .. ضبااط .. ماذا بعد سوف يحدث في قصه عشك النقيب
