عشك النقيب

Part 17

مِن شفتَك ..
تغير مَوعد النوم
بديت أسهَر
وَ أَحن
وَ أشتاگ
وَ أبرَد
وَ أَغار
وَ ترجِف أيدي
وَ أَبچي
وَ احتار
وَ أشوفَك
وَ أرتبك
وَ أبنيك
وَ أنهد ...

محمد ... طلعت برة واكف بلحديقه اجو الشباب كعدنه نحجي صارت ساعه 12 كلمن طفر لمكان واني فتت نمت كعدت ثاني يوم الصبح اجو ناس وضباط خلصت الفاتحه

وسارة حالتها فد مرة واكو حساس بداخلي مثل الحب من اشوفها ابتسم لا اراديه خلصت الاجازة مالتي ولتحقت مرت ايام طبيعيه وسارة كبرت  أجلو الخطوبه مالتها وكل يوم حبها يزيد  كثرت رواحتي الهم بش حتى اشوفها

ومن اسمع بيها مريضه مااعرف شيصير بيه حجيت ويا جوهر واخوتها علمود مرض القلب العدها حتى اعالجها ماقبلو كالو مابيها شي والحاله زينه عدها ويسدون الموضوع هيج

ساره ...  اصلا لحد ما مره تعبت صحتي من المرض ب كلبي واختنگت بليل حسيت الم مو طبيعي ومن القهر ع ابوي كل مره احس روحي وحدي بهل دنيا من ورا و رغم كل الاحبهم يمي امي اخواني مريم نور محمد ماتركني ابد وبيت خالتي وحتى عمو حردان جان يحبني ويعاملني مثل بنته ويحن عليه لان شاف حالتي ورا ابوي ...

وخالتي هم مثله تحبني حيل ومتفرقني عن نور ولد خالتي كلهم يحبوني مثل بنتهم وخاصتا جاسم وغضبان ..

بس اني حيل تعبت ونور تجي تشجعني ومتخليني افكر ب ابوي يوم عن يوم كدرت استرجع صحتي وكزرت اوكف ع حيلي طبعا دراستي تركتها بس من ردت ارجع ماخلوني ولا قبلو اكملها اخواني كالو كبرتي واتاخرتي بدراسه بقيت بلبيت اني هم خرب واهسي ورا وفاة ابوي وكرهت كلشي بس جنت اقاوم علمود امي التعبت وصارت تحمل مسؤليتنا كلنا

مريم اختي ب فاتحه ابوي عرفت حجو بيها ورايدها احمد ابن خالتي حسيت عليه بس غلست بس عرفت بل فاتحه محاجي محمد ومحمد ويا اخواني مقنعهم بي

جنت نايمه كعدت ع صوت رهف بنت خالتي وهي تصيح طرشتني ومخبوصه فتحت عيوني وكالت

رهف ... سويرة كومي لج واخيررررا

ساره ... ها شبيج رهف تصيحين

رهف ... جينه نخطب مريم ل احمد اخوي

ساره ... بيها الخير

رهف ... لا مروتج دكومي كلنا جوه يلا تعالي

ساره ... اجيت
كمت غسلت ونزلت سلمت ع خالتي والكل وكعدت

حجت خالتي ويا امي

ام عابد ... اليوم جينه نخطب مريم ل احمد

ام ساره ... نتشرف بيكم نكول لخوتها وناخذ راي البنت

ام عابد ... ان شاء الله خير

ام ساره ... ان شاء الله

راحت خالتي وصبينه الغده تجمعو اخوتي امي حجت وياهم