عشك النقيب

Part 34

هذاك الجدمي تالي اليل كال اه
اشتها كلبي ورخصته كام
احبك كتله بلعباس كال اه
تحبني ودار وجهه وكطع بيه

محمد ... منعرف شوكت طلع غياث من يمهم اجه ولد منهم كال ركب سيارتو ورجع اترخصنه من العالم اتفأجو من جيتنا شلون اجينا بساع وطلعنا بساع  اتصلنه بي مارد علينا ابد

طلعنه بسياره عليه نتصل نتصل ماكو الى ان وصلنه لمنطقتنا كلنا راح نشوفو  وين بلمكانات اليروحلهن طلعنه ع النهر لكينا هناك وجاان واكع ب الگاع ركضنه الو

حاولنا نصحي ونحجي ويا ماكو صاعد ضغطو وخشو ينزف دم طلعنا بي ع المستشفى عالجو وصحا نحجي ويا ميرد علينا ولا حتى حرف واحد نطق ويانه

محمد ... غياث بيك شي ليش اخذتنا وليش رجعت بدون متكللنه وهسه لو منعرف بيك ع النهر وتروح هناك مكانك جاان ماعرفنه شصارلك احجيلنا شكو

غياث ... اسمعهم حجو رادو ماكلت اي شي صرت زين طلعنا ع البيت شوي احسن  التزمت السكوت حياتي صارت كلها سكته ب سكته وماحجي اي حرف ولا عرفو شبيه هم يدرون اني احبها بس ميدرون ابقية التفاصيل

الى ان سمعت ب خبر زواجها هااي موتة ثانيه الي حاولت احجي حتى ارتاح ماكو وكل عاده اروح ع النهر اطلع حرگتي بي وارجع قطعت كل علاقاتي
ويا الكل صارت حياتي مابيها اي لون ماعدت اثق
ب كل العالم ولا انطي فرصه ثانيه لحتى يدخل
ل حياتي ...

واكثر وكتي اشرد بي لدوامي واضل اهناك واجبات وشغل 24 ساعه ماانطي فرصه لدماغي حتى يفكر
ب احد هملت نفسي واهلي وميار تراجعت عن دراستها وصارت تستهين بيها لان جنت ساكت عنها وما احاسبها عليها ..

ارجع تعبان من الواجب وكبل انام واكعد الصبح شغل وتعب انتهيت حيل تعبت صحتي وماجنت اهتم بيها
اهم شي ماافكر بيها واقهر نفسي وهذا هم غلط جنت اسوي ب نفسي علمودها ..

~~~~~~~~~~~~~~~~~~~~~~~~

محمد ... من طلعت واجب اجتني فشگه ( طلقه ) بطني و صوبوني بعد ما حسيت بروحي انغما عليه وكعت وكلها انخبصت بيه وصياح ودوني ع المستشفى

ساره ... جنت كاعده ب البيت اتصل بيه جاسم وكال محمد اتصاوب كمت اصيح و متت من البجي كلت ل جاسم يدزلي احد ياخذني ع المستشفى بلبدايه مقبل كال كلها زلم وميقبل ابوي ولا محمد عاندتو وكمت ابجي حيل كال يلا ماشي راح نجي عليج نأخذج
طلعت بدلت بسرعه واجو رحت وياهم

محمد ... كعدت على صوت ناس يم راسي اخوتي وأبوي وسارة وامي ويلاد عمامي كلهم جايين كالو

_ الحمدلله على سلامتك يا بطل

محمد ... كوه كلت  الله يسلمكم ليش شصايرلي

_ تصاوبت

محمد ... الحمدلله على كل حال ايمت اطلع من المستشفى لعبت روحي من اجواءها