ريام:- رحت لغرفتي بدلت بسرعه ورتبت غراضي وعمداً فتحت البردة والشباك مال غرفتي ادري بي ح يعاين يبقة لن 24 ساعه بس بغرفته كاعد
بس صراحة ماعرف ذا يضل بغرفته او يطلع منها لكن اني اشوفه دائما يعاين من الشباك مثل الجاسوس
نزلت اتغديت امي مسوية دجاج محشي وروبة وسوب وعصير ضامتهن بالثلاجة طلعتهن الاكل يجنن مسويته اوف اوف عاشت ايدج مامة خلصت شبعت وضميت الباقي شربت ببسي رحت غسلت مواعيني وسويت چاي مهيل وشربت وافكر بيني وبين نفسي
اجواء هذي المنطقة كلش هادئة وحلوة
هنا فكرت بنفس الوقت انه احاجي الشباب عل مهمتنا
سديت الشبابيك مال مطبخ والباب وطفيت الاضوية وصعدت رحت يم شباكي اجاني نسيم هوة بارد يخبل بقيت مغمضة واشم الهوة يكفخ بوجهي تذكرت بكلبي انو حسين يعاين عليه هسه
كبل فتحت عيوني وسديت الشباك بس جامي مضلل وجامة مضلل مشفت شي طبعا 😣💔
حسين:- شلون وحدة دبسزز تسد الباب بوجهي انيي حسين تسد الباب بوجهي
اني اعلمها
لا وتغلط همين،،، دخلت للبيت ادردم امي صاحت عليه
ام حسين:- ها يمة شبيك
حسين:- يمة ماكو شي رايح انام
ام حسين:- متريد غدة
حسين:- لا يمة لاتصبين ماريد راح انام
،،،،،، صعدت لغرفتي نزعت ملابسي وتمددت عل جربايه شوية حركت كلبي هاي الادبسزز اني اللهة بسيطة
رحت فتحت البردة لكيتها فاتحة الشباك بس ماكو يمة مشفتها
حطيت كرسي وبقيت كاعد يم الشباك واكنك
هنا گلت بگلبي هسه اني بهاي كعدتي لو جايب غداي هنا ومتغدي وني صدك جوعان
يلا العصر اكل هوة اليشوف وجهة تضل عنده شهية حته نسدت شهيتي
وره ربع ساعه اجت وكفت يم الشباك ومغمضة مثل الصبح شلون وكفت بره تشم هوة
يجوز مخبلة وجاي تسوي يوگا علاج نفسي ههه
وره شويه كبل فتحت عيونها وسدت الشباك
اني بقيت كاعد اعاين بعد ادري بيها تفتح الشباك دائما حته بليل
ريام:- قررت انزل الانستا وافتح الحظر لحسين وما اكلة انه اني عايشة يمهم ومراح اكلة اني ريام
نزلت الانستا بينما انستا ينزل راسلت تامر
الو تامر
تامر:- هلا ريوم
ريام:- لكيتولنة مكان نجتمع بي
تامر:- علاوي لكة
ريام:- صدك
تامر:- اي لكة مكان مثل المتاهة محد يلكانة بي
ريام:- وهاي المتاهة الة اسويها مقبره لاعدائي
تامر:- اللة كريم بس خل نجتمع ونفكر
ريام:- تمام العصر اطلع واجيكم خلي الشباب يمك يجون
تامر:- هوة احنا كلنة يم علاوي 24 ساعه هههه افتري عل بيت علاوي احنا يمة
ريام:- تمام العصر اجي بيباي
تامر:- بايات، ،،مال درج ههه
ريام:- هههه خبل
سديت الخط جهزت كم غرض للمهمة حبال وسكاكين جنطة بيها غراض كلاصات اخذت نشرب بيهن واخذت جفوف وكمامات وشفقات اشتريت هذن كلهن من الصبح وضميتهن بجنطتي
حسين:- مليت من الكرسي رحت تمددت طفيت الضوه تعبان كلش اريد انام اجت ع بالي الذيبة ام المصايب وينهة
ريام:- نزلت انستا ورحت راسلت حسين بلانستا فتحتلة الحظر
ريام:- هلوو
حسين:- اشو اجتي رساله بس ذكرتهة
هلوات وين جنتي ليش مختفية
ريام:- هاا ممختفية بس دوام ودراسه عندي
حسين:- اشتاقيتلج خبلة
ريام:- هههه مامشتاقلي طبعا اكو شخص ابالك تريد تعرف عنه معلومات لو تريد حسابه يطير لذالك جاوبتني وجنت ادور عليه مو
حسين:- ههه خبلة لا. بس
ريام:- بس شنو
حسين:- هيج حسبالي صار بيج شي
ريام:- لا مبية
حسين:- اي هوة انتي ابليسة ميصيرلج شي
وليش حظرتيني اشاقيج ميصير
ريام:- ماتحمل شقة
حسين:- شوفي ولج ذيبة اكو وحدة انتقلت يمنة جديد واريد اعرف معلومات عليهة مبينة مو راحة وتصرفاتهة وطبب ولد للبيت لازم اتاكد من هالشي وبعدين احبسهة
ريام:- گلت بگلبي عزززاااا العزااك يمتة مطببة ولد
دهرك كون مره وحدة اجو الولد نظفو وياي البيت الظاهر تريد تسوي سالفة عليه بس بسيطة اني اعلمك
،،،،
هاا خوش لتهتم اني اعالج الوضع وجيبلك معلومات
اجيت للعنوان الصح
حسين:- كفو منج عفيه
بس اعرف اسمها راح اكلج اسمها الكامل
انتي اضبط من جماعتي واثق بيج
ريام:- تمام اعتمد عليه
گلت بگلبي اوكي اوكي اعتمد عليه استاذ حسين اني الك 🤨💪
،،،،،،،،،
بقلم الكاتبة زهراء شهاب 🖤⭐
انتظروني حبايب اعرف تاخرت 3 ايام بالنشر
🍓🍓
أنت تقرأ
الذيبة ورائد التحقيق
Mystery / Thrillerماكول اني ماخايفة اني اول مرة هيج اتوتر بسبب شخص اسمع صوت تعذيبة للمجرمين الي بالسجن يتوسلون بي سيدي فدوة فدوة اني سديت اذني من هالكلمات ختنكت اريد اطلع الباب مقفول اريد اشم هوة ماكو الشباك مينفتح لن بلاستك بي قفل يفتح عل مفتاح فقط واني مختنكة كمت...
