ريام:-روتيني العادي طبعا اكعد الصبح اروح للدوام بس اليوم جمعة ماكو دوام اكتب بحوث وادرس بعني نفس المدرسة ونفس الدراسة بس الزي والملابس تتغير وشباب يداومون ويانة وباي وقت نطلع من الجامعة اليوم كعدت من الصبح متعودة وضايجة وحدي اني وامي بالبيت وضوجة حيل كعدت تريكت ونضفت البيت طبعا بيتنا يضل نظيف لن ماكو احد يوصخ
رتبت البيت وطلعت غراض للغدة يعني ع ذوقي انسوي الغدة بس ياغده هسه ساعه ب6ونص صبح ... خليت امي نايمة وطلعت بالحوش اخذت كرسي وكعدت بالحوش صوت عصافير ع الشجر بالحديقة يم الورد سويت ورد يخبل اني زرعت
كاعده بهدوء اشم هوى ومغمضة هاي احب هالشي اسوي يومية بس سمعت صوت فتحت عيوني شفت النقيب حسين فاتح الشباك
يعني هذا صوت شباك غرفته شعنده وياي هذا كلما اكعد يشوفني شنو جربايتة يم الشباك حاطهة خررب
ضجت منه حيييل جان بوقتها شعري محللته شعري سرح وفالتة ومخليتة ع جتافي وبيدي كوب گهوة
تعجبت عليه شنو من بشر كلما اافتح شباكي لو اطلع بالباب لو اطلع بالحوش الكة چهرتة بوجهي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين:- الظاهر حسبالهة ما شفتهة البارحة من تبجي كاعده من الصبح تغير جو وتشم هوى هههه
ليش بجت وكسرت الغراض شنو قصتهة بشنو متورطة ليش هيجي هيه امها ليش بقت تبجي وياها
الة اعرف شبيهة وشنو القصة وليش بجت
شنو عايفها حبيبهة لو عدها قصة ثانية
الله كريم اكتشف انشاءالله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ريام:- اليوم اروح للمقر واكول لامي رايحة لساره
كملت غراضي واخذت اكل وياي
امي:- يمة اني راح اروح لامي حسين هاي كدامنة
ريام:- شنوو يمة صدك تحجي ماحبهم هذول
امي:- ليش ولج جا منهو يسولف عليه اني
ريام:- حسيت نفسي مقصره وي امي ضجت من نفسي
كتلها
تمام روحيلهم
امي:- تمام يوم يلا انتي ادرسي زين ديربالج ع روحج
ريام:- واني طالعه افتح الباب ضحكت وگلت بگلبي اي خوش دراسه ههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين:- هلا هلا حته بالجمعه دايحة خل اخابر زين يلاحقها
حسين:- الو زين
زين:- نعم سيدي
حسين:- دا تراقب ريام مو
زين:- اي نعم سيدي دا امشي وراهة افترت ع بيت ملازم عباس
سيدي راح تدخل لبيتهم
حسين:- شنوووو
يلا سد الخط بعدين نحجي ابقة تراقب بيهة
سديت الخط منة وسديت ايدي حييييل من الغضب گلت بگلبي يعني صديقي عباس يخوني وميحجيلي
اكووول ليش يدافع عليهة
لالالا عباس ميسويها
،،،،
رحت بدلت بسرعه وخابرتة
عباس:- هلا حسون شونك حبيبي
حسين:- لتكول حبيبي اوووول شي وثاااني شي وين انت
عباس:- يمعود ع كيفك حسين شنو سالفتك جاي اسوق رايح للمكتب نسيت شغلة بي
حسين:- جايك ابقة بالمكتب عندي موضوع وياك
عباس:- تمام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ريام:- انطيت فايل لساره تكتبلي بحث عود وطلعت ع اساس رايحة بطريقي للمقر واني دا خابر بعلاوي
الوو علاوي شونك
علاوي:- هلا ريومة وين انتي شونج
ريام:- اني رحت لساره وهسه جاية للمقر انت بالمقر
علاوي:- اي موجود تعالي
ريام:-
كبعا جاي اخابر بعلاوي هنا وكفت سيارتين سود كداني مضلل جامهن مبينين وراهم سالفة گشرة
،،،
الو علاوي هاي سيارتين سود كطعولي الطريق
علاوي:- شنو ريام لتخافين اوصفيلي رقم السيارة
ريام:- رقمم الاولة 12*** والثانية1****
علاوي هذا ماهر دا كلع من السيارة الاولة
علاوي:- اوكي لتخافين خل يخطفونج ربع ساعه احنا يمج
ريام:- حطو مسدس بخصري ماكدرت احجي بعد اني وعلاوي اتفقنا نلزمهم
مشيت وياهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين:- الوو اي نعمم
زين:- سيدي ريام نخطفت
حسين:- كاعد توني بديت احجي وي عباس وخابرني زين كال ريام نخطفت كمزت واكفت عل حيلي وضربت عل ميز المكتب
شنووو شنو ريام نخطف شتحجي انت مو كلت دخلت لبيت عباس
عباس:- شنوو ريام ابيتي
زين:- لا سيدي طلعت وكفو كدامها سيارتين مظللات بس نزل ابن وزير الداخلية ماهر من السياره اخذوها بس حطو مسدس بخصرها ماكدرت تصيح ولاتقاوم ماشافوني هسه اني الاحقهم
حسين:- تمام جاي ابقة تلاحقهم جايين
طلعت اني وعباس واخذنا ويانه فريق دعم رحنا وين ما متوجه زين وريام
گلبي يمهة ريومة بسلا يصير بيها شي واخسرها هيه هم
💔مادري بروحي من حجيت هالحجي بكلبي لا اراديا طلع من كلبي هالحجي والكلمات
🍓🍓🍓🍓🍓🍓🍓
بقلم زهراء شهاب الوالي
❤️
احبكم فراولاتي
أنت تقرأ
الذيبة ورائد التحقيق
Mystery / Thrillerماكول اني ماخايفة اني اول مرة هيج اتوتر بسبب شخص اسمع صوت تعذيبة للمجرمين الي بالسجن يتوسلون بي سيدي فدوة فدوة اني سديت اذني من هالكلمات ختنكت اريد اطلع الباب مقفول اريد اشم هوة ماكو الشباك مينفتح لن بلاستك بي قفل يفتح عل مفتاح فقط واني مختنكة كمت...
