من تروح خطار لبيت حاول تنطيهم خبر قبل لتروح حتى يجهزون حالهم يرتبون استقبالهم ينظفون بيتهم مو تقتحمهم بالوحدة الظهر تخلي المطافر ميسوى فلس ناس تعبانة تريد تتغدة وترتاح ويمكن ممسوين غدة يكفي
انت ماخذلك 8 نفرات وكرشك متر گدامك ع اساس تمون وزوجتك شايلة 4 جنط مال بجايم وعلاگتين مال حفاضات والجهال رجليهم مزنجرة وجايبهم سحل بهالحر حتى تزور الناس كاتلها الحر عايشة ع مبردة وحدة ومشابعة تبريد
حضرتك اول متدخل تكعد تاخذ ركن بالاستقبال وزوجتك تكعد يم الباب حتى تحصرون الناس اذا ابو البيت راد يطلع يجيب اكل من المطاعم متخلونه وتحلفون علي واذا يصبولكم من الموجود ميكفيكم واذا يطبخون ميلحك يستوي وكلنا نعرف اغلب العوائل مو بكل وقت عدها مسواك من لحوم وخضراوات وفواكة تلگي الثلاجة بيها كاسة دهن وربع كيلو فلفل وشراب كحة ممعقولة يسوولك تبسي مال كحة
اكو اتكيت للزيارات ويفضل متكون الزيارة ع غدة او عشه خليها بوقت بي كهرباء والعائلة كاعدة وميحتاج طبخ ومطاعم
دمتم مغثة
