صُباح الخير
البارحة أُمي گاعدة يمي وشافتني أگلب بالانستا وكل شوية طالعة مودل شكل بحيث التخزي ما بيهن الاديبة (آية زيدان).
أمي دخن چتفها منا شافت ابوية كشخ وطلع وما گاللها have a good day sweety! لو إنجنّت! كالت محد خبلكم غير هذني العنوز! يمة عدلي بدلي كالت والله كلها مكياج وفناتر بالسلاب چاي مدري شسمة! كلتلها مو اطلع البوم عرسج من زفوج بالثمنطعش راكب! جان تكول اي يمهدوم! ابوك ذبح ديچين نذر بس اخذني! وصفنت (يمكن استخطت الديچين ولسان حالها يگول شنو ذنبهن).
المهم، اني گبل جبت البوم صور عرسهم! قسما بالله لابسة كوستم ابو الكتافيات وصور ابيض واسود وعود مفرعة طالعة جنها #قائد_گاندال من چان مرحلة اولى! ومخنزرة عالمصور وابوية حاط ايده على چتفها ومكشر عود ضاحك! اي معالم عرس وفرح ماكو! كالت دگلب گلب چلبت بهاي الصورة جنت اشبه شريهان بس ابوك شيبني! گلبت چان تطلع امي لابسة دشداشة كودري وكاعدة ورة البيت وبيدها جاهل يصرخ ايلة ربَة وهي تدحگ عالكامرا وتكول هاي عمك الله يرحمه شافني أكمط بيك بالشمس وطگلنا صورة! زين هدومي؟ العورة؟ الشمس ضاربتني؟ كمية انتهاكات حقوق الطفل بالصورة تودي امي گبل لسجن الناصرية! گالت دنچب! چنت يكول انكليزي وكذلتك شكرة وتزهي وريحتك كرنفل وحرمل ورشوش (هاي طلاسم مال نظافة)، زين وين الشگار هاي الصورة كدامج مو عيب تجذبين؟؟ كالت وانت شمدريك! (إي امي اختلافية).
بعدنا نسولف چان تطلع صورة لأمي وابوية بالسياحية (هنا صار عندي احساس بالعار امانةً بس گلبنا الصورة واثنيننا غلسنا).
اخر شي طلعت صورة لأمي بالشيخ عبد القادر واكفة وتدعي! كلتلها شني هاي؟ گالت دعيت الله تصير دكتور؟ بعدها تسولف وطگيتها بضحكة چان تگول مو عبنّك فاين الله ما استجابلي!
الله يحفظچن ❤️
#دشداشة_كشمير
#رگلان
#يبزخ_بزخ
#إيتبوبح
#كوستم_ترگال
#طفولة_سز
