رواية ريان
الحلقه الخامسه
للكاتبه ريان الزوي
دنيا : لا هي شركه معروفه و الحق شافو شهادتك و يبوك معاهم و راهي الشركهه تدعم في ناس واجد برا و معروف اسمها ... لو تعرفيها في .... وفي منها فروع واجد برا ليبيا
عهد ابتسمت : خلاص عطيني وقت نحكي لبابا و نقولك
دنيا : خلاص شوفيه و قوليلي
عهد : حاضر. هي بايي و سكرتت
مشت عهد تحكي لبوها : شن يا بابا شن رايك
عمران : بس يا عهد انا عندي لك موضوع اخرى
عهد : شن يا بابا
نعيمه : راهه الموضوع لمصلحتك يا عمري
عهد استغربت : شن في فهموني
عمران : انا مريض يا بابا و ماشي نصور على راسي لان شاكين فيه شي و مسافر بكره نا و امك و نبيك تقعدي عند خالتك وبعد نرد فكري يا بابا في الشغل
عهد طاحن دموعها : بااباا معقولهه؟
نعيمه تبكي : يا ماما نبش نقولولك لمصلحتك انتي عشان تنشغليش بباتكك و تنسي حياتك
عهد تبكي : ننسى حياتيي ؟؟؟ ماما هذا بابا راهه حبيبي هذا💔
عمران نزلت دموعه و مسك راسها و اضبطها : ديما نقول انا عندي عهد نعتبر فيها بنتي و اختي و ولدي وحيدتي ربي يرد صحتي و ندللك ومانخلي حد يهزك ي بابا ولو صارلي شي انتي بنتي اللي ب 100 راجل و نعتمد عليها❤️
عهد تبكي و تهز في راسها في حضن بوها : لا يا بابا لا ربي يردلي صحتكك ربي يعافيك لياا مستحيل نسيبك نا يا بابا مستحيل انت دنيتي مستحيل نعسش بلاكك راكم سندي وعزوتي حتى خوتت و خوات ماعندي يا بابا راكك عيونيي يا بابا بنمشي معاكك ناا مستحيل نسيبك بنمشي معاك و نجي معاكك مستحيلل نسيبك يا عيوني💔
عمران زاد اضبطها : اششش يا بابا نا مش واخذك انا كان نحصل حتى امك ما تمشي اقعدي عند خالتك يا بابا الله يربحك هنيني عليك و الشغل يا بابا وافقي عليه خير لك و ليي و لأمك عشان تلهي فيه وولد خالتك توا نحكي معاه يوديك و يجيبك وراس بابا عشان عيون باتك
عهد في حضنه و هي منهارهه تبكي بالصوتت العالي و تشهق
نعيمه : وراس ماما صبي يعيوني اغسلي و صلي و تعالي تغدي و خلينا نحكو بهدوء
عند ماسكتها العبره و دموعها ينزلن : ححاضر و عدت
عمران تنهد : نشهد بالله ما كاسر ظهري الا البنت هذ
نعيمه تبكي : ونا مش شاغلتك يا عمران شدلنا حيلك راكك اغلى شي عندنا نا و بنتك سندنا و عزوتنا و عمود حوشنا يا غالي
عماد تنهد : ربي يخليكم ليا وانشالله خير
نعيمه : انشالله خليني نمشي نحط الغداء و صبت