رواية ريان
الحلقه السادسه
جود خشت على نهله و هي مولعه تسجيل تليفون في جيبها : من القهوه يا حقيره صح؟
نهله ضحكت: وجعاتككك ههههههه
جود : ليش درتي هكي نهله ليششش؟؟
نهله انهارت تبكي و معصبه : لان انا ما نحبهاش من يومي نحب عماد وهو يحبني بس مش قادر يوضحلها مش قادر يقوللها ابعدي نبي نهله هو قالي الشي هذا بعضمة لسانه
جود انصدمت : انتي ي مريضه. شن تقولي كيف قالها لك ب لسانهه كيفف ؟؟؟ امتى ؟
نهله ضحكت : فيش داعي تعرفي امتى المهم ان هو يحبني و انا ولو نقتلهاا قتل مش حنتأثر بعقاب وحدهه حقيره كيفها سرقت مني اللي نحبه
جود مصدمهه فيها : تعرفي عماد يموتت عالارض اللي تمشي عليها ريانن لو يحصل يحطها في قلبه و يسكر عليها تي ريان ياما مشاكل دارتهن لها ماما بس قدرت تكسبها ب طيبت قلبهاا وانتي خليك يا متخلفهه بتفكيرك المريض كيفك و طلعتت وسيبتها
جود : انننننن المهم عاد نبدا توا في الخطه الاخرى
_____________________
بعد قريب ساعه طلع ايهاب و دكتورة نساء من غرفة ريان
جا عماد يجري : طمني ايهاب بالله
ايهاب : عارفها صعبه عليك بس حاجتين لازم انديروهن
عماد دموعه نزلن : شن؟
ايهاب : لازم انديرو لريان إجهاض لان حملها خارج الرحم كيف ما توقعت ثاني شي لاحظنا ان ريان عندها ورم في الرحم و لو ما خذيتوش منه عينه حيكون لازم نصتأصلو الرحم لان حيسببلها امراض خطيرهه مع الوقت يعني لازم تشوفها في اقرب وقت لان وضعها حساس
عماد انصدم و راسه دار بيه في باله لا يا ربي لا ضربتين عالراس يوجعو وربي ريان حتنهار لا لا💔💔
ايهاب : شنو عماد ؟
عماد : تمام ابدا دكتور
صالحه شهقت : لا اله الا الله
سليمه اتهدي فيها
عماد دموعه طاحنن : يا ربي ليش حظي هكي نا البنت اللي انحبها تمرض و يصير فيها هذا كلهه شن داير انا يا ربي
ايهاب يده على كتفه يخفف عليه : وسع بالك والله ما ينسى حد
عماد تنهد : لا اله الا الله
ايهاب : و نعم بالله هي تعال وقعلي عالاوراق امتعات عملية الاجهاض
عماد : يلا و مشو مع بعضهم
__________________________
صالحه تبكي : الشهاده لله هالبنيه تبهدلت اي والله
سليمه تهدي في اختها : ربي فوقها هو اللي عالم بحالها و هو اللي يشفيها يا اصلوحه وسعي بالك
