ريان : حامل في السادس و كلهم عرفو و البنت بتسميها شهد وعماد فرحان مش عارف شن يدير من فرحته بالاخص بعد ريان تتوحم على حاجه
عهد خطبها ولد عمتها عصام ، و حياتهم تهبل هم الاثنين الدم خفيف و يهبلو
داليا خطبها واحد يشتغل معاها في العياده و يحبها و يخاف عليها و اكبر منها ب 3 سنين و متفاهمين اسمه ( ايوب ) .
اما نهله خطبها مفتاح صاحب فتحي هم الاثنين مزيتين بس بعد شهر فسخ الخطوبه او بالمعنى الاصح طلقها لان كان قاري فاتحه وحابسه روحها في الدار خايفه الناس تشمت فيها
اما جود اجوزت اسامه وهم الاثنين طايرين من الفرحهه و يهبلو مع بعضهم وهو ما يتحمل فيها شي
دنيا مازالت ما تبيش تنخطب توا ب مرتبطه ب واحد اسمه فراس تعرفت عليه عالانستا دكتور جراحه
رتاج خطبها رائد اللي مكبد فيها وهي عاجبها من الاول ووافقت عليه و جوهم طخخخ
لافيووو نفر نفر لكل من تشوق يقرا روايتي ربي يخليكم لياا متابعيني وانشالله حنكتب روايه جديده ب عنوان جديد و حتكونن مختلفه ع باقي رواياتي و التشويق يزيد ❤️❤️❤️❤️
مش حننسى كاتبتي اللي ساعدتني في كتابة الحلقه الاخيره "عهد النيبو❤️
