Tajanae pov:
“Ansa mi question” Keisha seh
“If mi have di ting fi hold him wah uh expect?” mi tell har more dan ask
“Woooooooo!!!!” everybody inna di room seh.
“Mi soon have him again jus watch!” she shout
“Dream big bitch!” mi tell har n sidung.
“Mi affi wul uh yerr”she seh
“Mi nuh fight ova man my pussy too good fi dat but any day uh feel seh uh bad touch mi ” mi tell har as she walk out.
“Bumboclaatt” everybody seh
“Yuh caa mek dem gyal deh draw uh out” Milly tell mi
“She caa draw mi out but mi naa mek nuh gyal walk ova mi a gyal affi know har place” mi tell him serious asf
“True” him seh shaking him head.
“If she feel like seh she can war mi she mek a sad mistake mi might nuh big inna body but mi can defend mi blct self. Suh she could a thick,fat,big or blct gigantic mi naa back dung”
“Cool dung nuh hot head” Milly seh
“ A wah jus gwaan” mi hear Josiah seh walking towards us.
“Nuh eh one–
“Uh try keep uh bitches in check yerr caz mi too young fi go prison” mi seh cutting off Milly
“Who yaa talk bout ” him ask
“A suh much uh have suh dat uh nuh know a who mi a talk” mi ask him
“B jus mek mi know a who nuh caz mi naave nuh bitches a jus uh alone anybody weh fi come to uh a must from eh past” him seh n put mi inna him lap
“Hmm wateva..n a bleach out face Keisha mi a talk” mi tell him
Him start laugh
“Wah funny?” mi ask him
“Why uh naave nuh manners” him ask
“ Now ano time fi manner” mi tell him
“Ok but doh pay Keisha nuh mind b” she jus ago waa draw uh out suh uh caa move weak jus ignore har yerr” him tell mi
“Hmm” mi seh n wul dung mi head.
“Yuh hear ” him ask while lifting up mi chin.
“Yes” mi seh n him kiss mi lips.
Him dweet again dis time mi start kiss back.
“Oyye mi nuh waa nuh make up session infront mi” Milly seh
“Bredda uh naave work fi do” Josiah ask
“ Naa but mi ago get lunch yah now” him seh
“Love uh belly yf” him seh n shake h head.
“Uh must hungry suh wah uh want fi eat” him ask mi
“A plan b” mi whisper tell him caz mi literally jus memba seh him come inna mi two times.
“Shit mi jus memba bout dis mawning enuh” him seh
“Me too” mi tell him as him tek mi up affa him foot n stan up to.
“Come we go pharmacy n den bout sumn fi eat” him seh holding mi hands.
“Okay”
We drive out go di pharmacy buy di plan b.
“Weh uh waa eat” him ask
“Mi nuh know anything you a eat mi want eh same ”
“Okay burger king ” him seh
We go burger king n order wah we want afta dat we park up n eat. Mi tek di pill afta we talk likkle bit now a almost 5:00.
“Uh waa stay wid mi till uh madda ready fi come home back” him ask which kinda surprise mi.
“Yes” mi tell him caz mi naave nun fi do a mi yard by miself suh mi jus ago spend time wid him plus him want mi to.
“Okay mi ago carry uh home mek uh pack some close r wateva uh waa” him seh
“Ahk ”
Gimme a kiss” him seh
Mi lean in n him grab throat n kiss mi fi a couple minutes.
We drive off go to mi yaad mi go inside while mi a pack mi clothes mi phone start ring. Mi see seh a mammy mi all figet fi call har due to everything weh been a happen.
“Hey mammy”
“Hey uh alright” she ask
“Yes you”
“Wah fi do mi yuh nuh see seh mi deh roun mi man mi quite fine him naa stress mi like you”she seh
Mi start laugh“Okay den glad to know”
“Suh wah you been a do”she ask
“Nun jus deh yah bored n miss yuh”
“Suh wahm to uh mawga foot fren uh nuh gaa har yaad”she ask
“No enuh mammy mi n har ano fren again”
“My spirit neva yet tek dat likkle gyal enuh suh probably uno friendship end fi eh good....but see yah suh how uh nuh tell mi wah she do?”she ask
“Wen uh come back mi tell yuh”
“Alright mi ago talk to you soon lata love you”she seh
“Love you too mammy” mi tell har den hang up.
Mi n mi madda have a good relationship mi can tell har anything. Mi ago tell har bout Josiah but mi nuh ready yet mi waa see how far we relationship go.
Mi finish pack n lock up di place den go back to di car. Uh waa see how di neighbor dem a look dem fass essi chro. Mi go inna di car we drive off .
Di drive did tek bout half a hour. We pull up a dis big house jus like di warehouse him security up yahso. We drive go in n park we walk to di door when it open mi eyes dem open wide.
House look good black n white marble tiles wid white furniture. Walls paint white. This house if we'll decorated mi naa lie . Him carry mi to him bedroom upstairs n mi swear all mi a talk mi neva see nun yet him have a king size bed wid Gucci sheet a black head board. Every furniture in yah black. Mi put dung mi bag n walk go ova to di glass door weh mi seh. Wen mi open it di view weh mi get pretty uh fuck all two likkle chair out yah breeze cool. Out here is so calm and soothing. Mi feel him come put him hand roun mi n rest him head inna di crook a mi neck.
“Uh like di view?” him ask
“Mi love it”
——————————————
A/N
What do y'all think about this chapter?Let me know in the comments!
Remember to vote!share!and follow me!
You can also stalk me on IG(onlydiandraa)
Until next time!✌🏽
YOU ARE READING
Flash Rebound
Teen FictionAfter an heartfelt betrayal by her bestie and boyfriend, Tajanae Wilson was stranded on the street, saved by a stranger who in no time became more than a stranger. Moving too fast time catches up and everything fell apart. Written in Patios🇯🇲2022
