The Broken Revenge (3G Series #3)

Chapter 22: Have Him Back

Chapter 22: Have Him Back

Sierah's Point Of View.

Hindi ko na pinansin 'yon tsaka ko pinilit mag-umagahan, mabuti na lang at wala akong pasok. I won't need to leave my condo.

Matapos ay sinulyapan ko ang cellphone ko nang muling tumunog 'yon, nang makita na si mommy 'yon ay napatitig ako doon.

M-Mommy..

Kinuha ko 'yon at sinagot ang tawag niya..

Narinig ko sa background ang boses ni daddy, "Anak, hello?"

"Mommy.." Tugon ko.

"Are you alright? We saw the article, anak.. Totoo ba 'yon?" Bumuntong hininga ako.

"Mom, rumors are not true." Kalmadong sabi ko.

"Ah, gawa-gawa na naman ba ng media para pumutok ang pangalan nila?" Huminga ako ng malalim at pinilit siglahan ang tono ng pananalita.

"Yes mommy, ganoon naman talaga. Sige na mommy, may studies pa ako. Take care! Love ko kayo ni daddy."

"Okay anak, love ka rin namin. Ingat always.." Pinatay niya na ang tawag kaya huminga ako ng malalim.

Kinagabihan ay bahagya akong naka-inom, gusto kong kausapin si Yeon baka bumalik na siya sa akin. Nag-bell ako sa condo niya.

Ngunit natigilan ako nang pagbukas no'n ay nakita ko si Amaya, naramdaman ko ang pagsikip ng dibdib. "S-Sierah." Naiiyak ko siyang tinitigan.

"A-Ano 'to?" Nanlulumo at nanghihina kong sabi.

"Okay ka lang ba? Bakit hindi ka lumalabas ng condo mo—"

"Concern ka ba talaga?" Sumbat ko.

Natigilan siya, nang makita si Yeon na sumilip ay nangunot ang noo niya nang makita ako. "Sierah, a-ano bang sinasabi mo?"

Sinubukan akong hawakan ni Amaya ngunit iniiwas ko ang sarili, "What do you think? After the article, s-seeing you here makes me think a lot, Amaya." Gitil ko.

"What? I-Iniisip mo bang totoo yung article?!" Gulat niyang sabi.

"Kung ganoon anong ginagawa mo rito ha? Tambay? Kino-comfort mo siya?" Nangunot ang noo niya sa sinabi ko bago siya nanlumo.

"Sierah ano ba?" Naguguluhan niyang tanong.

"I came here so I could talk to him, if I could ask him back, pero nandito ka? What do you want me to think Amaya?!" Nang mag-taas ako ng boses ay nanlumo siya lalo.

"H-Hinding hindi ko gagawin s-sa'yo 'yon, Sierah." Mahinang sabi niya.

"A-Ang sakit sakit niyo naman eh.." Nasapo ko ang mukha nang sunod-sunod akong humikbi.

Ramdam na ramdam ko ang kirot sa dibdib, "Alam n-niyo bang pinagdududahan ko kayo noon? Ha?" Pinahid ko ang luha sa mata.

"S-Sierah hindi ganoon 'yon. H-Hinding hindi ko magagawang lokohin ka," Amaya stated.

"Lokohin ka na ng lahat pero ako? Hindi, hinding hindi ko gagawin sa'yo 'yon." Hinawakan niya ang kamay ko ngunit iniiwas ko ang tingin sa kaniya.

"What about you huh? Why did you want to break up with me?" Sumbat ko kay Yeon.

"Don't you love me anymore? Nakakasawa ba ako? Nagsawa ka na ba sa akin?" Nanatili siyang nakatayo at nakatitig sa akin.

"I don't think I should still explain, Sie." Seryosong sabi niya, salubong ang kilay.