بارت 44

34.4K 1.5K 250
                                    

السلام عليكم
..................

#بقلم _الكاتبة _ناز

احسبني بغداد احتويني
وعيشني وسافر بروحي
مأمن بأيدك وطن
احتلني مدري احميني كيفك
جايلك انة واجروحي
وادري متخيبلي ضن

سمر : اجة احمد وكال المها انو تصيحلة فهد راحت صاحتلة نزل وراحو يحجون بلصالة حسيت الشغلة بيهة انة

مها : شتتوقعون احمد شيريد من فهد

رقية : جوز علمود شغل

نرجس : لاا ما اعتقد علمود شغل

سمر : بنات شبيجن اكلجن الفضول

سكتنة ضلينة كاعدات بلمطبخ ماطلعنة نص ساعة واحمد يحجي وية فهد سمعنة صوت لباب مال الصالة من برة نسد عرفنة بي راح

طلع فهد وجهة مستبشر ومبتسم فات للمطبخ وكف وكال يابة ماتسولنة جاي

ردت مها ايي ادلل طلع فهد وباعوت علية وغمزت وكالت كومي نرجوسة سوي الفهودي جاي

نرجس : ياا واني شعلية چاا مو هستوج كلتيلة ادلل

مها : ايي هاي بس كدامة

نرجس : ايي مشكلتج والله

مها : اوويي كومي سويلة جايي تراا ما ازوجج اخوية

ــ حطيت ايدي على حلكي وكلت

نرجس : عزاا بعينج يمهيوة

مها : تسويلة لو لا

نرجس : كلشي ما اسوي شنو مخلفتة وناسيتة اني

مها : خوش يولي ومن هسة بعد معليج باخوية

نرجس : عشتو علساس هسة اني ميتة علي على حورة هوة مزرك وكاعد

رقية : ياا ياا كدامنة وتحجي علي اذا ورانة شلون

نرجس : ايي والله هاذة طبعي واحجيهة طك بط

مها : بسيطة نجيوة اذا ماكول لفهد خل يكتلج

سمر : ياا ومنو هااي نجيوة اول مرة اسمع بيهة

مها : اسم نرجس الجديد

ــ ضحكنة كلنة وعلة اسمي الجديد الي هوة نجيوة بس والله حلوو

سوت جاي جديد وانتضرتة يفور حضرت الكلاص وصبتلة ودكت رجلهة الة اني اودي الة

نرجس : يول شبيج قافلة علية اليوم ادري ماكلة عشاج ماخذة رجلج

مها : والله ينجيوة لو اني لو انتي اليوم امشي ودي يلاا

نرجس : عقدت حواجبي وكلت امريي لله جيبي

انطتني الكلاص مخليتة بلصينة مشيت وصلت باب المطبخ باوعت منا ومنا ماكو احد كلمن كاعد بغرفتة وبس فهد كاعد بلصالة

مها : بلتوفيق

نرجس : الله ليوفقج

رحت للصالة جان الباب مردود دفعت الباب برجلي وفتت لكيتة مدد على القنفة وحاطة ايدة على وجهة حس بحركتي وخر ايدة وباوع وعدل كعدتة

احضان من جمرحيث تعيش القصص. اكتشف الآن