رهائن الميتم

'17'

الحلقه السابعه عشر

رهائن الميتم

ready ♡
__________📚

مرت الايام وجمانه وياي رجعنه للميتم سبوع
ودز جلال ثنين حراس ياخذوني رحت وياهم
طبعا جمانه وياي رحنه لمكان عرفته تدريب جانت
ايام التدريب كلش حلوه
تعلمت هواي اشياء صرت ملاكمه بارعه
تفوقت ع الكل بشهر واحد دخلت مسابقات قتال
وجانت الجوائز من نصيبي دائما

وجان اي واحد يشوفني ميصدك انهُ اني
ملاكمه لحد ميطح كدام رجلي يله يصدكون
نشهرت بقوتي محد كدرلي
طبعا ماجنت اعارك بنات كُله ولد رياجيل كبار
بس يشوفوني يضحكون ميصدكون اني اكدر اضرب وافلش واكطع وجانت دائما الكلمه الاخيره
لصالحي
عشت ويه رياجيل 3 سنوات تدريب عشت وياهم بس جانو محترمين كلش بعدها جلال كام يوديني
بمهمات وطبعا دراستي مانسيتها

جمانه ماتدربت وياي بس اول يوم ماتحملت
رجعتها بعد ماجبتها بس اني دربتها
بمرور هاي السنوات تغيرت كلشش صرت باارده
الى درجه كمت اراقب الميتم بعد ماصارت بيه
اي حركه مو حلوه اضطريت اروح مدارس اتنكر
طالبه بعد ماتخرجت بس ماتعينت
ضليت مستمره بالمهمات الي ينطينيها جلال
ملاهي مدارس وغيرها من الامكان الي جانت
يبيعون المخدرات ضليت انفذ المهمه ماطول بيها
وجنت كل ما انفذ مهمه اشوف جلال مفتخر بيه

جان رجال كبير بالعمر بس اني جنت ماحترمه ابدا
ميانه فول عبالك اخوي الصغير وهوه ما كال شي
بس يضحك ع سوالفي
تعمقت علاقتي بجلال صار كلشي يصير احجيله
صار مثل ابوي حته هوه كام يحجيلي بس بحدود
احسه ضام شي عليه بس جنت اغلس
بعد مامرت السنوات واجه ابو الدُر والولد صار الي صار وعرفت انهُ جلال اله علاقه
بالقصه لذلك جنت غافله لحد ما رحت لمُصعب
تأكدت بميه بالميه انهُ نضحك عليه من صدك
بس المهمات جانت صدك مو تمثيل بس
هوه جلال ضحك عليه 5 سنوات اني اشتغل
لصالحه حته تعيين ماتعينت ليش مكالي

الوقت الحاضر '

جمانه: يعني هسه احنه نضحك علينه من صدك
اسـو: اي بس اني اله هاذ جلال الشايب

جمانه: خرب شلون مشت علينه هيج
اسـو: هسه عوفينه من هاي من صعدت شافتني
وحده اسمها رقيه مبينه تحب مُصعب
وهذيج التخوز هم يمكن تقربلها لا تتخالطين وياهن

هزت راسها اني كمت جانت الساعه بـ3 الضهر
كالو يحطون الغده دخلت للمطبخ وياهم وجمانه
وياي ردنه نساعد ماخلونه
رجعنه كعدنه اجت عمه مُصعب رحمه تحط بالاكل
بالسفره كمت شلت منها

رحمه: عوفي ماما اني اشيلهم

اسـو: لا عمه اني اشيلهم
عنج انطيني