رهائن الميتم

'34'

الحلقه الثالثه والاربعون 🐆🤎

أعاتب روحِي مَدري شلون ردتك
إنهِ عاگولِي أترف مِن وردتك .

بـعد مادخلنه العماره بسرعه دخلنه
لان مُصعب يعرف الحارس
العماره كلش حلوه هادئه نضيفه
صعدنه معدتي كامت تخبط حسيت
نفسي حتقيئ

والدرج شطوله لزمت الدرج
دخت

- مُصعب

ندار عليه اجـه لزمني حط ايده
على ضهري واني مدنكه

- لعبت نفسج

- كلش بطني اريد اروح للمغاسل

- امشي وصلنه

حط ايده وره ضهري لازم ايدي
صعدنه وصلنه للـباب فتحه ورجع
لزمني دخلني كعدني على القنفه

كلش حلو صاله صغيره وبيها قنفات
ومطبخ صاير على الصاله مو داخلي
ودرج على صفحه وباقي غرف جوه
مقفلات

رجعت نفسي على القنفه غمضت عيوني
اجـه كعد يمي لزم خدي ايده
بارده وجهي حار مصخنه فتحت عيوني
باوعتله يباوع خايف عليه

- نروح لمستشفى

- لا

- اجيبلج دوه اول مره
يصير هيج بيج من تجي

بلعت ريگي شمدريه هزيت راسي
عدلت كعدتي راسي كام يوجعني
خليت ايدي على راسي
عاقجه وجهي

- تمددي هنا شويه يخف
الوجع اروح اجيبلج علاج

واني مغمضه عيوني خليت راسي
على رجله نمت على ضهري
احس ضهري متكسر

مُصعب : ارتاحي رخي جسمج

حط ايده على راسي فـرك راسي
نزلت ايدي رخيت جسمي خف الوجع
مشه ايده بشعري يحجي بصوت ناصي
رجع شعري لوره من جوه رفع شعري

يمشي ايده على رگبتي گزبر جلدي
فتحت عيوني يباوع عليه مبتسم
بطرف شفته قرب وجهه باس شفتي
وخر راسه باس خشمي ورجع باس
خدي والثاني نوب باس گصتي
اخر شي حط راسه برگبتي باس
رگبتي سحب نفس عضه خفيفه
صارت برگبتي حطيت ايدي وره ركبته
همست بصوت ناصي ونفسي صار عالي

- مُصعب

رفع راسه عيونه حمر شرايين رگبته
بارزه فرگ عيونه رفع شعره
رفعت راسي من حضنه عدلت شعري

- بعده راسج يوجعج

- لا خف الوجع شويه

هز راسه كمت من القنفه نزعت
القمصله مشيت شويه
فتريت على مُصعب

- وين الحمام

اشر بحواجبه على جهه اليسار
ندرت مشيت افتح الباب نفتح الباب
حيل خترعت رجعت لوره
هيه طيحه وهيه صرخه

زحفت لوره اباوع فاتحه عيوني
وهوَ هم فاتح عيونه رجع لوره لازم
جهه كلبه گلبي يدگ بسرعه
رعب شطوله شكله مرعب عبالك داعشي