رهائن الميتم

'26'

الحلقه السادسه والعشرون 🌿🦋
''

شيفيد غصنك بعد ماتن عصافيري

''

باوعت عليه دفعت ايده من ايدي
هوه يضحك سحبني باس راسي فوگ
الڪبوس دفعته ..

اسـو : وخرر شبيك
- رجلـج هنا والله

اسـو : شنـو رجلج هنا شدتحجي
خالـو شنو هاي الحركات
- شبيج اخلي يغار ويجي صارله شهر
مراقبج قهرني يباوعلج من بعيد

اسـو : صـدُك تحجي وينه
- وراج كاعد بالسياره من اجيت شفته
لا تندارين ..

ضليت ساكته معقوله مُصعب هنا بغداد
شيسوي ليش مراقبني ليش ميجي يشوفني
وجهه لوجهه بسرعه طفيت الغنيه
ذبيت السماعه ..
كمت نزلت للكاع و هيثم وراي باوعت على
سياره الكدام ضلمه طافيه السياره
مبين محد بيها باوعت على هيثم ..

- وينه محد موجود

هيثم : شـني تردينه يكلج هلو شلونج
رسـُل شبيج طبعاً ضام نفسه
قابل يشغل الضوه ..

- اريد اشوفه

هيثم : روحي شوفيه

- خاف يطردني

هيثم : مادري ..

- اروح ؟؟

هيثم : بگيفچ .

- بـس اشوفه وارجـع شيحچي
ماديرله بال هاه

هيثم : براحتج خالـو اني بالسياره
اذا صار شي يمج اني

هزيت راسي بس تقدمت يم السياره
شخطت السياره وطلعت گبل ضليت واگفه
بمكاني امسح دموعي قبل لا يطيحن
رجـع للسياره هيثم أبدأ محجه وياي سقت
السياره بس اريد اوصل للبيت
ميريد يحجي وياي ولا يريد يشوفني ليش
وصلت عفت السياره ونزلت ..

بسرعه طبيت هاي الساعه بـ1 بليل
بسرعه طبيت لغرفتي وسديت الباب گلبي
كام يوجعني ختنكت ايدي ترچف
ركضت على الجراره ادور طشرت الغراض
لكيته سحبت البخاخ سحبت نفس
وشمرته بالكاع حيل ابچي ..

وكعت يم الجربايه اشهك وگلبي لحد
الان يوجعني كل ماتحرك يبزني گلبي حيل
تمنيت اموت ولا هل عذاب
كمت اخذت الدوه نزعت القمصله شمرت
نفسي بالگاع نمت ابچي ...

كعدت جسمي مكسر تكسر باوعت بالتليفون
الساعه بـ 5
كمت غسلت وجهي طلعت هيچ وقت
هُدى كاعده تصلي

وصـدُك جانت كاعده بالصاله تقره قرآن
رحت يمها حست عليه صدقت
وندارت عليه مبتسمه وجهه منور بالايزار
ابتسمت ..

هُدى : صباح الخير
اسـو : صباح النور

هُدى : اليوم من وگت
اسـو : هههه مادري

ڪامت نزعت الايزار لفت شعرها لفوك
وتحجي وياي

هُدى : البارحه وين رحتي ضـل
بالي عليج