كـتـالـيـا |بنت ٱلليل|

ٱلحلقة ٱلثالثة:Authority

   {It has power tha even most ministers cannot stand in front of it}

🍂كي تحكم العالم عليك ان تكون قذر*كي تحكم العالم يجب على امرأة ان تساندك.🍂

                         PART 12

           _أصبحنا و أصبح الملك لله.

كانت جالسة فالمطعم الخاص بالفندق فين كياكلو زبائنها مرتادية لبس عبارة عن فستان أبيض طويل واسع بدون أكمام بدون ماكياج، كتناول فطعام فطورها.

رفعات راسها فاش حسات بالكرسي لي أمامها تجر، لقاتو جالس بكل أريحية  ابتاسمات فوجهو و كملات أكلها بدون ماتعيرو اهتمام.

جود:  انسة بنت الليل نهارك مبروك.

كتاليا(حطات الفرشيط) : كتاليا اسمي كتاليا، شنو لي خلا سعادتكم تجي  على الصباح باش تشوفني؟

جود(ابتاسم ):صراحة مابغيتش نفوت حتى دقيقة باش نحرم فيك عيشتك .

رجعات كملات ماكلتها كأنه مانطقش بحتى كلمة  الشيء لي خلاه يغضب لأنها ماعارتوش اهتمام كيف مولف من الأشخاص الأخرين.

كان مستاعد انه يزيد يقذفها بكلماتو المسمومة لكن حظور عاكف خلا الجو يتغير عندو من الرغبة فالاستمتاع لشعورو بالرهبة من الهالة لي محيطة بيه و كفاش كان كيشوف فيه، ملابسو الرسمية لي باللون الاحمر بيناتو شخص شارب عقلو .

عاكف:  انسة كتاليا.

كتاليا(هزات راسها فيه بدون اهتمام): وي مستر تفضل حتى نتا جلس(بتساؤل) عاكف الصحراوي؟ هه مشرفين.

عاكف:  الشرف ليك انسة كتاليا، ماجيتش باش نجلس، ممكن تفضلي معايا عندنا امور كتعلق بالخدمة ناقشوها.

حركات ليه راسها بالايجاب  و ناضت تابعاه ، سرعان ما استوقفها صوت جود من وراها لي كانت نسات وجودو من الاساس.

جود:  خدمة فهزان الرجلين مثلا.

ابتاسم عاكف و بدون مايتلفت عندو نطق بصوت مستفز:

_ بلاصة ما تبقا حاضيها حضي غا زوجتك الشريفة العفيفة.

ابتاسمات كتاليا من جوابو و كملو طريقهم مخليينو كيغلي بالأعصاب، حتى الا بغا يجاوبو فهو معارف عليه والو من غير مهنتو لي الا بغا يدوي ليه عليها و يستافزو بيها غا يودع الدنيا و يسلم على حبابو.

_قرب الشاطئ كانت داريا كتمارس تمارينها الرياضية المعتادة فور انتهاءها تاجهات لسيارتها ليستوقفها صوته لي خلا قلبها يتسارع فنبضاته ابتاسمات ليه بتوتر و تكلمات.

داريا: مستر عساف صدفة زوينة.

عساف: مكنظش صدفة(قضب حواجبه) فطرتي؟

داريا(بٱستغراب) :مزال علاش؟

عساف: ركبي يلاه نمشيو نفطرو.

مدات ليه سوارت سيارتها بدون ماتفكر دليل على موافقتها في حين هو ملامح الشر ظهرو عليه، كتوعد ليها بالكثير أكيد عراضتو مجاتش حبا فيها! فقط باغي يديرها طريق باش يضرب بنت الليل و يخلي ظهرها يتهرس ، ولكن واش داكشي لي غايوقع ام ان القدر عندو رأي أخر؟

_نسيتكم كاع صباح ان شاء الله نكمل حلقات اعتذر💙