كـتـالـيـا |بنت ٱلليل|

ٱلحلقة ٱلرابعة: rape{Rape of the soul before the body}

🎼حين يتم اطراب المجرم بصوت صرخات الضحية* يحدث ذلك الانقلاب النفسي حيث يتغير كل شيء🎼

                       PART15

فتحات عينيها على صوت التقرقيب فالغرفة. هزات عينيها شافت فالساعة لقاتها السادسة و النصف مساء ، رفعات راسها فيه هو لي كلبس ساعتو ابتاسمات بحب يلاه غاتنطق كان صعقها بكلماته.

عساف: دخلي دوشي لبسي حوايجك نرجع مانلقاكش فالدار(بحدة) فلوسك غاتلقايهم فوق الطبلة .

وسعات عينيها بصدمة و دموعها نزلو بدون سابق انذار هي لي سنين كانت ختها حريصة تحافظ على شرفها جات فلحظة سلماتو لهاذ الشخص بدون ماتهتم للعواقب، لوات عليها ليزار و ناضت لعندو كتحاول تكذب شنو سمعات.

داريا: عسااف قولي غاكتضحك معايا، قولي كتبغيني(بلغوات) ماااااتضحكشش معايا هاذ الضح..

مكملاتش جملتها بسبب الصفعة القوية لي تلقاتها من عندو خلات دموعها يزيدو ينزلو كأنهم كانو غا على السبة.

عساف(بغضب) : اخر مرة ترفعي عليا صوتك، نسيتي راسك بلي راك غا ق... بة بحالك بحال ختك.

داريا(منهارة القوة) : ياك كتبغيني اعساف ، قلتي ليا كتبغيني كيف انا كنبغيك، علاش ؟

عساف(بٱحتقار) : انا نبغي خت باطرونة لحمها كلشي شايفو، حتى يكون راسي رخيص عليا بحالك(ضحك) على كان  ذنبك انك خت بنت الليل عارفاني عدوها و بغيتيني، مكلخة استغليتك باش نهرس ضهرها.

قال جملتو و كان خارج حتى تحنات شادة ليه فرجليه بحال العبدة المدلولة لي كطلب فسيدها يحن فيها .

الفرق ان العبدة تفرض عليها بينما هي عطاتو شرفها بخاطرها مكانش اغتصاااب، ما غتاصبهاااش لكن غتاااصب روحها! ما غانكذبش و نقول راها نادمة نن بقات فيها الهضرة لي قال و كفاش احتاقرها ، لو كان  يرجع الزمان لور كانت تدير نفس الحاجة ذرة ندم ماعندهاش.

ركب فسيارتو بعدما أرضى نفسه و وجه ليها اهانات، عارفها هي سند بنت الليل الا تهرسات حتى بنت الليل غاتهرس ماعارفش بلي كتاليا لي كتعتامد على ختها واخا قادرة تقوم بخدمتها لكن مكانتش باغاها تحسسها بالنقص، ماعارفش بلي بنت الليل ديما كتضرب احتمالات لأي حاجة غاتوقع داكشي باش ماكتسناش من شي حد يساندها فخدمتها. ماعارفش بلي فتح عليه ابواب جهنم ملي قرب لختها ممكن كتاليا مادير والو لكن شخصيتها الثانية مجنونة بما يكفي لتق*ـطع أعضاءه و تعرضهم للبيع بدم بارد.

دوز اتصال لجود لي كان متكي فالفراش كيفكر فخطوتو الجاية حتى سمع صوت هاتفه.

عساف: كلشي داز كيف بغينا.

جود(ضحك) : كنت عارف غاديرها.

عساف: بحالا مكتعرفنيش.

جود: عارفك الا درتي الحاجة فبالك تقد بيها(بهدوء) مكتضنش هاذ العداوة طولات كنعتارف غلطت ملي تنافست معاك و خديت ليك منصبك لكن هادشي مايستاهلش، عندنا اعداء مشتركة.

عساف (بتفكير) : عندك الحق خاص نساليوها.

قطع الخط عليه و ابتاسم بٱرتياح كتخيل ردة فعل  كتاليا فاش تعرف بلي قاس ختها و عاملها بحال شي حيوان مرحمهاش، مادارش بحساب انها شخص بريء فالشيء لي بينو و بينها و مكانش عليه يدخلها! طبعا كهمو راسو و مكهموش اي شخص ضحى بيه فسبيل الهدف ديالو لي هو حاليا يخلي بنت الليل تحني الراس. .  .