عــلـى شــفــا نــهــايــة!
✒ٱلحكايات ٱلجميلة تنتهي فجأة * فٱنتهائها يعني بداية جديدة لحكاية أخرى من يدري قد يكون أبطالها نفس الشخصيات!✒
PART 28
_عـــنــد داريــا,
فور ماغيرات ملابسها بملابس أخرى عادية اتاجهو بيها لزنزانة بحيث كيف دخلات اتاجهو انظار السجينات ليها و من بينهم كانت ميسان لي ماتوقعاتش انها تلقاها هنا.
اتاجهات لسريرها لي كان فوق سرير ميسان، حطات فيه أغراضها و هي طلع جلسات فيه.
ميسان: اوووهوووو اخت الباطرونة زارتنا مرحبا بيك.
داريا: ميساااان ما قاداش على شي صداع غافوتيني.
ميسان[ضحكات]:كتحلمي يلاه غايبدا اللعب ديال بصح.
رفعات صوتها كثر باش يسمعوها السجينات :
_أنسااالتي سيداااتي بما أن سجينة جديدة زارتنا خاصنا نذوقو حلاوتها و لا لا.
تقريبا جميع السجينات لي معاها بداو يتهافتو مأيدين كلامها . تقدمات امرأة أربعينية الشوفة فيها تخليك تعرفها ماساهلاش.
التكحيلة لي ضاربة لعيونها السود و الوشام لي مزوق يديها كانو كافيين يخلي الخوف يتسلل لداريا هادشي بغض النظر على شعرها لي محسنة فيه النص، كانت السيدة لي حاكمة زنزانتهم و ملقبة بالعشابة لأنها كانت كتصنع سموم بالاعشاب و تبيعهم.
العشابة[دوزات يديها على وجه داريا لي مشمئزة منها]: شنو سميتك؟
ميسان: سميتها داريا و راه هي خت بنت الليل.
العشابة[ضحكات بالجهد]: بنت الليل لي مشطحة الوزراء و غادخل دابا للحبس مكرهتهاش تجي فنفس زنزانتنا.
ميسان[بحقد ]: حتى أنا.
قربات العشابة كثر عند داريا و هي دوز بلسانها على وجهها مكتافاتش بهادشي بل خلات البنات يشدوها باش ماتحرك و بدات تقلع ليها حوايجها بهمجية.
تناوبو عليها وحدة وحدة و تعداو عليها و كانت حتى ميسان معاهم كرهات راسها و زادت حقدات على ختها كثر لي مسيفطاها لهنا.
ناضت من الناموسية بٱنكسار و اتاجهات للحمام لي مخلط بين الطواليتات و الدوش، طلقات الماء بارد حيث أصلا ماعندهمش الشوفو باش يسخن.
بدات كدوز على جسمعها الصبون لي كان محطوط تما و هي قرفانة منو استرجعات ذكرياتها قبل ماتعرف عساف و بعدما عرفاتو.
استرجعات ذكرياتها و هي طفلة محاطة بدفئ واليديها، تذكرات ايامها مع كتاليا و كفاش كانت كتخاف عليها، حتى بنت الليل لي كانت شخصية قبيحة دائما ماحنات عليها.
زادت حقدات كثر و كثر علاش ختها حضات بالاحترام و هي لا حتى الناس لي فلحبس كعرفوها، الشرطيات حتى هوما بل وصلات بيهم يشكروها قدامها و يمدحوها حيث قتلات عساف.
ما قدراتش تحمل هاذ الضغط النفسي زيد عليها الاغتصااب لي تعرضات ليه، على اخر يامها يغتااصبوها بنات بحالها بحالهم.
شافت فمكينة الحسانة لي جنبها خداتها و بدات مدابزة معاها تجبد الزيزوار لي لداخل ، ما استسلمات واخا ايديها كلها تجرحات و سال دمهاا .
فور ما وصلات لمبتغاها بدون ما ترمش دوزات على يديها ليسرى فوق العروق مباشرة بداك الزيزوار مخلية دمها يتخلط بالماء و طيح جثة هامدة .
لتتحول الأرض لبركة من المياه مختلط بدم انسانة كانت طول حياتها خازنة الحقد تجاه ختها فقلبها رافضة تعتارف بيه، نهار لقات الفرصة قدرات تبينو دفعة وحدة.
انسانة حاولات تقت*ل الشخص لي رباها و ضحى على ودها، انسانة كانت ضحية للحب و كرامتها تزففات فالأرض، انسانة كانت ضحية لسجينات الكبث عماهم و تعرضات للاغتصاب من طرفهم وحدة وحدة.
انسانة حصدات اش زرعات، و بهاكا تطوات صفحتها كأنها نكرة لم يكن لها وجود و لا دور فالحياة.
YOU ARE READING
كـتـالـيـا |بنت ٱلليل|
Actionبــقلم: إدغار/Éԃɠäɾ• التقديم فأول بارت•' قصة باللهجة المغربية•'
