رواية:- تعب السنين
بقلمي:-هديل احمد
قد ينسى الإنسان أنه حيّ
بعض فترات حيَاته
حتى تَلْمِسه يدًا تُحبّه .
جان يحجي واحد يكول:- الكروب الي سوينا لـ درس فقط خوش .
ردينا:- خوش
اصلا انا مااحتاج الكروب اذا منتظر موجود .
هو دارس ويعرف المهم من المو مهم .
خلص اليوم رجعت لـ البيت .
اتغديت وصعدت لـ غرفتي .
فتحت تلفوني شفته داز رساله .
كاتب:- اشون جان يومج؟
رديتله:- مُمل يوم تعارف وراح يستمر اسبوع مثل هيج يوم .
طفيت الجهاز رحت سبحت .
بدلت ونزلت جوه .
جدي:- بيت خالج راح يجون ع عشه .
غنى:- هلا بيهم .
كعدت شوي ويا البنات .
حجيتلهن ع يومي المُمل .
اجاني اشعار ع تلفوني من الماسنجر .
شفته الكروب بنيه كاتبه:- انا بعد مااداوم لحد مايخلص حفلة التعارف .
رديت:- انا هم هيج كلت بس خاف ميقبلون .
ردت:- لا سئلت اختي كالت بكيف الشخص اذا يريد يتعرف ع دكاترة مالته يروح والي ميحب يبقى بالبيت لحد ميخلص هالاسبوع
سويت لايك على رسالتها .
صار العصر اجو بيت خالي .
سلمت على خالي والبنات وولد خالي ثنين .
حيدر :- يا هلا بنت عمتي شو ماكو لو طبيتي كليه وبعد مانشوفج
غنى:- انتو الماكو تره مو انا .
حيدر:- هم صح ناوشيني ماي يرحم ابوج .
انطيته ماي باوعت لـ جمرة تباوعله وتبتسم .
رحت همستلها:- اكلتي الولد بعينج شبيج
جمرة:- وانتي شعليج
كامت وعافتني هزيت ايدي وطبيت .
كعدت شوي وصعدت لغرفتي اعدلها .
ما احب الخطار ولا الهوسه .
فـ لهذا اكعُد شوي واكوم وهم متعلمين عليه .
نضفت غرفتي وفتحت تلفوني .
طبيت الانستا شفته كاتب:- عادي راح تتعودين على هل روتين اهم شي ماتهملين دراستج ولاتخلينو يتراگم عليج واشتريدين اني حاضر
رديت:- ماتقصر ، الطلاب سوو كروب لـ الدرس انا كلت منتظر دارس ويعرف شنو ادرس وشنو المهم ، وطبعا اذا ماتضوج
كتب:- لا عادي ماكو أي ضوجه ، عوفينه من الدراسة حاب اتعرف عليج اكثر
رديت: ههههههه وشنو راح تستفاد مثلآ
كتب:- الكاتبو الله يصير يجوز بالمستقبل زوجج شمعرفج انتي
كلبي نغزني كتبتله:- الله يبعدنه من الزواج وسوالف الزواج
