رواية:- تعب السنين
بقلمي:- هديل احمد
و اتحسر مثل مسجون
راسم ولفه عل حايط ،
و صدفه ، و صبغوا الحيطان .
صرت اروح لـ الكليه ويا حسين وقطعت علاقتي ويا الكل ، تلفون ماعندي ومنتظر خذلني ماساعدني ومتأكده جان يسمعني ، مرت ايام وانا على نفس الحاله اكل قليل ، دوام ، نوم ، دراسه غيرهن ماعندي حتى كعدات ويا اهلي ما اكعد ، جمانه واحرار وياسر وهمام الوحيدين الي وكفو وياي وغيرو نفسيتي .
بوقته جنت كاعده بغرفتي ارتب هدومي طب ياسر عليه.
ياسر:- هاي تلفون الج لاتشوفينه لأحد
غنى:- ماريد ياسر يكفي الي صار بعد ميهمني لا تلفون ولا غيره عوفني هيج مرتاحه
ياسر:- الزمي وضمي وكت ماتحتاجي طلعي
غنى:- ماريده والله متأكده من اخذه يصيرلي مشاكل مايكفي خسرت ثقه حسين وابويه وامي وانا ممسويه شي غلط
ياسر:- لاتنسين احنا وياج بكلشي تسوينه وجبتلج تلفون عبالي راح تفرحين بي
غنى:- ما اعتقد مكتوبلي الفرحه دوم انا عايشه بهل بيت وبداخل اهل ماعدهم ثقه بـ بنتهم بس اعرف رب العالمين راح يفرجها عليه ومن كد الفرح ابجي ، لاتهتم خويه وكفتكم وياي تكفي وزائد
ياسر:- الله كريم ، التلفون راح ابقي يمي شوكت ماتحتاجي بس كليلي تمام
هزيت راسي ، طلع وعافني نضفت الغرفه والتساؤلات براسي مجاي الكي حل يخلصني من هل اسئله الي ادور براسي ، ليش ميثقون بيه؟ معقوله راح يبقون وياي هيج؟ شذنبي بعدني صغيره وهيج يصير وياي؟ ..
عفت كلشي ولزمت دفتر مذكراتي من جنت بالسادس ابتدائي وانا اكتب بهل دفتر ، بديت اتصفح بي واشوف تغير بكتاباتي والايام الي عشتها والدلال الي عيشونياها اهلي حبيت اكمل هل سلسله ..
كتبت العنوان (الى متى ؟)..
الى متى راح اضل هيج انا اليشوفني يكول هنيالها مرتاحه بس للاسف ماشفت الراحه بحياتي وانا اشوف الحقد بعيون اختي ..
ماشفت الراحه بحياتي وانا اشوف الكره بعيون جدي ، ولا راح اشوف راحه بحياتي بعد ما خسرت ثقه ابوي وامي واخوي ضُلم ..
عفت الدفتر وانا دموعي تسابقني اختنكت مسحت دموعي وطلعت كتابي وكعدت اقره بجُهد واعيد القراءة عليه ..
كعدت الصُبح تريكت وصاحني حسين وكأنو دياخذني بـ منيه ولا يكول انا اخته ، صعدت من وره عيط عليه...
حسين:- كومي من كدااام مو سايق عندج
نزلت بدون كلام وانا البجيه حاصرتني حصر ، وصلني الكليه طبيت لـ القسم ماكو احد يمكن رايحين لـ الكفتريه . شوي وطبت زميلتي الي حسين ميعرف بيها حته علاقتي بسفانه قطعها هو ، اجت وكعدت بصفي ...
